الحاجه ام الاختراع
 

[align=center]السلام عليكم اعضاء وزوار المرقاب الشامخ هذه القصيده شاركة بها في مسابقة الشاعر الرائع والاستاذ القدير سعد علوش ومالله كتبلها التوفيق :) وكانت المسابقه عباره عن اكمال الشطر الذي كتبه سعد علوش وهو (محتاج لك والحاجه ام الاختراع) ويكون الشطر مطلع القصيده كما ابارك للشاعره العنود العبدالله فوزها بالمسابقه وكانت قصيده تستحق الفوز وهي منشوره في موقع سعد علوش الرسمي
واسأل الله لي ولها ولسعد علوش ولكم التوفيق والسداد[/align]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
محتاج لك والحاجه ام الاختراع= ولا لك سبيل الا وجيتك اتبعه
والغلطه اني جيت يمّك باندفاع= منها عرفت ان التأني منفعه
غرك تملكت العمر وامرك مطاع= ولك الغلا نهرٍ تفجر منبعه
وغرك ظمنت اني عشقتك للنخاع=والقلب يمك ريح شوقه تدفعه
وان جيتني هايم واحاسيسك جياع= قدملك الخافق شعور تشبعه
ولك استطاع القلب ما لا يستطاع=ومنْك الرضا غاية مناه ومطمعه
واصبح وفاك اوهام وغرورك متاع= وبدروبنا بذر التكبر تزرعه
عندي خبر وش تعني الدعج الوساع= بحرٍ ومن حاول ركوبه يصرعه
وتدري أخوض امعاكس امواج الصراع= واطوي نهاياته ولا احتاج اشرعه
ماني ضعيف ويمشي ابلوي الذراع= وليا قسى وقته تحدر مدمعه
واختلفت ايامه وخاواه التياع=ويتوه مثل الأمعه فــ المعمعه
قلبي شديد اشد من قلب الشجاع= حالب سباع ومن لبنها مرضعه
وكرامته عدت حدود الارتفاع=وعزمه كسر ظهر السنين الموجعه
وبه حكمة تهدي شياطين الضياع=وبه طيبة تملا الجهات الاربعه
وان شب بين اغرورك وعزي نزاع = هبت صواريم الكرامه تردعه
ماهو على مثلي يهون الانخضاع= وقعه صعب واسهلي السم اجرعه
والامر لو يوصل حدود الانصياع=امسك غرامك من جذوره وانزعه
حتى ضروسي مااسلمت من هالطباع=هذا الدوى لا اوجعني الضرس اشلعه
روّح ولا به خط رجعه والوداع= واحصد ثمر كبرٍ زرعته واشبعه[/poem][align=center]بدر ناصر المورقي[/align]

( 1 )


صح لساانك يا بدر والله يوفقك في المسابقات القادمه

شاعر عذب ومتمكن


تقديري !

..
.

ماهو على مثلـي يهـون الانخضـاع
وقعه صعب واسهلـي السـم اجرعـه
والامر لو يوصـل حـدود الانصيـاع
امسك غرامك من جـذوره وانزعـه
حتى ضروسي مااسلمت من هالطبـاع
هذا الدوى لا اوجعني الضرس اشلعـه
روّح ولا بـه خـط رجعـه والـوداع
واحصد ثمر كبـرٍ زرعتـه واشبعـه






ياسلام ..
ياسلام ..
ياسلام ..





بدر
يكفي انك حزت على الاعجااااب
والمسابقة تجربة وتمنياتي لك بالتوفيق في المرة الجاية
قصيدة محبوكة وتسلسل وصياغة في غاية الروعة

لله درك

قصيدة تجبرني على القراءة اكثر من مرة
صح لسانك ولافض فاك
اعجابي ومتابعتي
دمت بخير

بدر



صح لساااااااااااانك وبيض الله وجهك


والعوض في غيرها

الله عليك يا بدر كفو عز الله انك ابدعت

لله درررك

بدر المورقي

صح لسانك لين ترضى

ابيات في غاية العذوبة والجزالة

تحيتي وتقديري

ابو ناصر

صح لسانك لين ترضى

مبدع لاهنت

صح السانك يابدر



وموفق وخيرها بغيرها

القصيده الفايزه تستحق ذلك

تمنياتي لك بالتوفيق


وانا شاركت على عجله وماحصلي نصيب وقريبا راح انزل قصيدتي الخاسره



دمت بود

تقديري وتحياتي


سعد الجميعي

صح الله بدنك يابن مصوي

هلا بك والله ومرحبا وشرفتني طال عمرك

تحياتي

صح لساانك يا بدر والله يوفقك في المسابقات القادمه

شاعر عذب ومتمكن ومن سار على الدرب وصل يالنشمي


تقديري الكامل

صح لسانك ولاهنت


يالبناخي

بدر ناصر المروقي


صح لسااانك ياستاذ

لين ترضى

وعلى شااانك

تحيتي لك

بدر ناصر المورقي


قصيده في قمة العذوبه


واحساس اكثر من رائع


صح لسانك واعتلا شانك


تقبل تحياتي ومروري يامبدع

هلا والله ومرحبا يا فراج

ولله در مرورك الراقي ياذيبان

واعجابك وسام على الصدر وتاج على الراس

صحيت كلك طال عمرك

تحياتي

حتى ضروسي مااسلمت من هالطبـاع
هذا الدوى لا اوجعني الضرس اشلعـه

الله الله الله

لله درك ولافض فوك

ابداع يابو ناصر وعسى السعد فالك والعوض بالمقبلات

صح لسانك ملاييييييييييييييييييين يابطل

تحيتي وتقديري

معوض خير يابدر :)

ولي عوده للقراءه

والغلطه انـي جيـت يمّـك باندفـاع
منهـا عرفـت ان التأنـي منفـعـه

الله الله

صح السانك يابدر

شاعر مبدع بكل حالاتك

الله يوفقك
و
خيرها بغيرها

تحياااااااااااااااااتي

هلا بك يافايز

وعسى وجهك ابيض وصح الله بدنك ياذيبان

تحياتي

الله الله يا بدر

صح لسانك ولاهنت

وبالتوفيق في القادم من المسابقات ان شاء الله

محبتي واحترامي ومتابعتي ياغالي

اخوك

وعليكم السلام ورحمة الله وبركاته
هلا اخوي بدر
صح لسانك لاهنت