اولاد وايل (الى محمد الايدا)
 

السلام عليكم ورحمة الله وبركاته

يقول المبدع عبد اللطيف الغامدي

ياراكب اللي لا عاد اسمع مغنيها......فيه اختراع اسمه الهوت ميل والياهو

وانا والله اشاطره الراي لكن عذري هنا ان الرجل المعني بالابيات ما يعرف

لا هوت ميل ولا ياهو ولا يعجبه الا ياراكب اللي :)

قصيدة ارسلتها الى محمد بن علي الايدا العنزي جار ابوي وصديقه ارجو ان تجد بعض

القبول



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياراكب اللي تنبهر منه الابصار = لا مر قدم الناس فزوا قيامي
ماهوب غالي لو يزيدون الاسعار = ولا يلحق اللي يشتريه الملامي
ليا نطحك اشجع من الزير لا ثار = وليا تعداك اشرد من الادامي
كنه ليا منه تعدى مع القار = برق ٍ لمع في لاقحات الغمامي
وان وقفه راعيه من عقب مشوار = تقول قصر ٍ واجهاته رخامي
الخط مثل الكف والجيب فكسار = واللي يسوق الجيب حر ٍ قطامي
ليا تسننت وقضيت من الاذكار = اتكل على الله ثم شد الحزامي
ممشاك جهمة مع غطاليس الاسحار = من الحوية والخلايق نيامي
والعصر وانته فالعلا بعد الاسفار = منصاك ابو نواف ذخر الكرامي
محمد الايدا ذرا الضيف والجار = ستر البنات مرودعات الوشامي
ما انته مضيع درب بيته ومحتار = لا شفت كثر الضول رح له شمامي
في مجلسه تلقى النشامى والاخيار = ضالوا على نار ٍ سناها شعامي
ودلال رسلان ٍ بها بن وبهار = تجلا عماس الطيبين الحشامي
وصينية ٍ فيها ليا جوه خطار = حيل ٍ ربت فالقفر والعشب زامي
يضحك حجاجه لا لمح زول مرار = ومسيار شمطان اللحى له غرامي
حر ٍ تسلسل من سلاطين واحرار = من لابة ٍ يروون حد الحسامي
اولاد وايل بالمعالي لهم كار = منزالهم بين الملا فالسنامي
نطاحة الواجب بعيدين الاذكار= وزبن الدخيل موردين السهامي
لطامة العايل صليبين الاشوار = حماية التالي نهار الزحامي
واهل البيوت اللي يشوقن الانظار= مبنية ٍ فوق الطوال الزوامي
الها مع الامجاد سمعة وتذكار = ضيف ٍ يعز وجالي ٍ ما يضامي
فيها الذرا للضيف والجار والمار =عن برد والا عن سموم ٍ حوامي
ونجور ودلال ٍ على واهج النار = وبرية ٍ تجلا الضرم والسقامي
وحيل ٍ تقلط للخطاطير وبكار = وحلو النبا والضحك والانسجامي
وان طاح وبل الغيث في دار الاخطار = يرعاه ذود متيهين الجهامي
ترعى بهيبتهم زماليق الازهار = بدار الخطر شرق وجنوب ٍ وشامي
ووسومهم فيها تحاذير وانذار = وذود ٍ عليه الوايلي ما يهامي
وليا اختلط عج الرمك والملح ثار = وشبت شبايبها وثار العسامي
وزادت عزاويهم على قب الامهار = بالمرهفات اللي تقص العظامي
يروون من دم العدا كل بتار = ويردون غبات المنايا ظوامي
كم خير ٍ راسه من ايمانهم طار = وكم حلة ٍ راحت بعدهم عدامي
ركضاتهم يشبع بها جايع الغار = ويشبع بها طير ٍ على الجوع حامي
بالشام وبنجد ٍ لهم ربع وديار = وبارض العراق الهم ديار ومقامي
ولشيوخهم سيرة مع الناس واخبار = يصعب عليه سردها بالتمامي
لو بالاسامي جيت ابا انقى وابا اختار = راح العمر ما جبت ربع الاسامي
يشيب عن هاماتهم قاف الاشعار = ودون الفعول يضيع كل الكلامي
لكنّ نبذة مع سمينات الاعذار = ارسلت معها لابن الايدا سلامي
يالله تجيره من صواديف الاقدار = وبقدرتك تحميه ياخير حامي
جار ٍ لابوي وصاحب ٍ وافي ٍ بار = على الوفا والطيب والاحترامي
عسى المعزة بين وافين الاشبار = يديمها الوهاب رب الانامي
وصلوا على اللي بيننا بالهدى سار = عداد من صلى وزكى وصامي[/poem]

صح لسانك يامشعل
ويستاهلون لاد وايل

ونعم المادح والممدوح


صح لسانك يابن فالح ولاهنت ياغالي


شاعر ومتمكن


تحياتىىىىىى لك

ونعم المادح والممدوح


صح لسانك يابن فالح ولاهنت ياغالي


شاعر ومتمكن


تحياتي لك

وعليكم السلام ورحمة الله وبركاته
هلا اخوي مشعل
صح لسانك لاهنت
قصيده رائعه وموضوع قمه

-


محمد الايـدا ذرا الضيـف والجـار
ستر البنـات مرودعـات الوشامـي


يستاهل المدح كسابه


كنـه ليـا منـه تعـدى مـع القـار
برق ٍ لمع فـي لاقحـات الغمامـي

يا سلام على الوصف



وافي ومبدع يابو فالح



صح لسانك ولاهنت

صلى الله وسلم على حبيبنا محمد



عليكم السلام ورحمة الله وبركاته

يا مرحبا بالاخ القدير والعزيز ابو فالح


ونعم والله في المادح والممدوح

ويستاهل كل طيب المدح ،

بدع راقي وكلام ثمين عز الله


صح لسانك مدد ،

فهيد بن عصيدان

كل الشكر على مرورك الكريم

تحيتي وتقديري

محمد الايـدا ذرا الضيـف والجـار
ستر البنـات مرودعـات الوشامـي
ما انته مضيع درب بيتـه ومحتـار
لا شفت كثر الضول رح له شمامـي
في مجلسه تلقى النشامـى والاخيـار
ضالوا على نـار ٍ سناهـا شعامـي
ودلال رسـلان ٍ بهـا بـن وبهـار
تجـلا عمـاس الطيبيـن الحشامـي
وصينية ٍ فيهـا ليـا جـوه خطـار
حيل ٍ ربت فالقفر والعشـب زامـي
يضحك حجاجه لا لمح زول مـرار
ومسيار شمطان اللحى لـه غرامـي
حر ٍ تسلسل من سلاطيـن واحـرار
من لابـة ٍ يـروون حـد الحسامـي


الله الله الله يا مشعل

وهذا وانا اخوك لو تمشي له الدرب مشي مالك لا يم ,,, لا بالله
خل البيت اللي فالمقدمه يقعد :)

صح لسانك ويستاهل الممدوح يستاهل

محبتي ومتابعتي واعجابي ياغالي

اخوك

لو بالاسامي جيت ابا انقى وابا اختار
راح العمر ما جبت ربـع الاسامـي

الله يامشعل هذا والله القصيد اللي يبيض الوجه ماشاالله

ويستاهل الممدوح

صح لسانك مدد

تحياتي

مشعل

بيّض الله وجهك

والله اللي يحفظ رفاقت ابوه انه انسان شريف

صح لسانك وسلم بنانك واعتلا شانك

(( يستاهل كل طيب المدح ))


ونعم فالمادح ونعم فالممدوح

وصح لسانك يابو فالح

وافي وافي ولايلحقك قصور ,, سلمت ودمت

تحياتي وسلامي

وفيت ولاهفيت

الله يبيض وجهك يامشعل

تقبل تحياتي

الغالي عبد الرزاق الذيابي

ياهلا ويامسهلا

كل الشكر على عذب مرورك واطرائك

تحيتي وتقديري

الغالي مشعان البراق

ياهلا ويامرحبا يامشعان

يعلم الله انك شرفتني بحضورك

كل الشكر على عذب مرورك واطرائك

لا هنت يالغالي وبيض الله وجهك

مشعل

دليل على وفاك

صح لسانك

تقديري

الغالي عبدالرحمن السمين

ياهلا ويامرحبا

كل الشكر على عذب مرورك واطراءك

تحيتي وتقديري

ابو فالح

والله ونعم الاد وايل .. و الايداء ,


وصح لسانك



مدد

ولاهنت طال عمرك


اخووك

الاخت الفجر البعيد

ياهلا ويامرحبا

كل الشكر على عذب مرورك واطرائك

تحيتي وتقديري

صح لسانك يامشعل
ونعم بالاد وايل