الســواق !
 

السلام عليكم ورحمة الله وبركاته
وكل عام وأنتم بخير


هذه قصيده بعنوان ( السواق )
وما أدراكم ما السواق ؟؟





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهاجسي جبت لك مطلوب الأوراق=عان القلم والحبر أبيه (إ)له زادي
جب لي من الأمثال حلوات الأذواق=قولٍ مفيد وريح عمبر وكادي
جنّك بنا الفكر بالقاف منساق=فوق الأصيل ليا استوى له حمادي
عبّر عن اللي جاب للبيت سواق=عيبه على روس النوايف ينادي
والصدق عدّه لاتجيب التلفّاق=على سبيل الصدق كلٍ يفادي
عطنيه لو إنه على قطع الأعناق=وجاهد ترى هذي ليال الجهادي
واللي رضي بالعيب ياقف على ساق=يصبر على ماقيل صبر المهادي
لايحسبنه في معانيه عملاق=عملاقته يدبي دبيب القرادي
مانيب حاسب ضيقته لو هو ضاق=خله يضيق وضيقته من عيادي
ماييّد الفسّاق ياكود فسّاق=خطوه وخطوه يصبح العيب عادي
ماينتداهن مع منافق وسرّاق=وأهل البدع والمحدثات الجدادي
ومن هد ريمه والفحل جات بنياق=وضوّت عليه اللوم مع كل وادي
ضوّت مجاهيمٍ رديات الأعماق=يموت ماجت له بعفراً سنادي
الصدق مايغضب كريمين الأخلاق=ومن ينكره تطْوَل عليه الأيادي
مايكذب الاّ كلّ خاين وبوّاق=اللي عن الدرب السليم متحادي
ومن يقرب الشبهات ياقع في الأغراق=وتصبح على خده علامة سوادي
علامة الطرباق لاقيل طرباق=ينزل ويترك للرديف الشدادي
أسير قومه مايفكّر في الأعتاق=قومٍ يجرونه على غير قادي
يسعى وراهم كل ماشاف برّاق=يتبع سرابٍ مع بياض الرهادي
سراب قيظٍ يتبعه لين ينعاق=كنّه يسير أهل الرمك والعوادي
يقضي حياته كل وقته تصلفاق=نفسه وريما مع دعاة الفسادي
والرجل لا سمّوه رجّال يشتاق=عيب الحصان ليا رضخ للجوادي
قيّوم ماينزل مع الخاق والباق=وليا تعزوا قال سقم المعادي
عزوة شجاعه وان عطى عهد ماباق=قيّوم وأمر ونهي ماهي دوادي
لو قيل له عان الزخارف بالأسواق=ماميّلوا رجله عن الدرب غادي
مثل الجمل زومان شيّال الأعلاق=لو عظت الغارب قوي الجلادي[/poem]

هادي بن شنيف

بيض الله وجهك ياهادي

وصح لسانك على ها النص الجزل والمعبر

عز الله اختصرت كل ما في نفسي

وعسى الردي يفداك اي والله

تحيتي وتقديري واعجابي

ماينتداهـن مـع منافـق وســرّاق
وأهل البـدع والمحدثـات الجـدادي


نعم هذا الصحيح ،

بيض الله وجهك يابوسلمان ،وعسى فكرك من نصح الى نصح


اخوك/حامد العازمي

هادي بن شنيف

صح لسانك ولاهنت

صح لسانك مليون على القصيدة الرائعة

وكل عام وانت بخير

متابعتي واعجابي


عبّر عن اللي جـاب للبيـت سـواق
عيبه علـى روس النوايـف ينـادي

لست معك في البيت ذا بتعميمه :)

فوجود السواق للضرورة بقيود وشروط لاعيّب فيه .

تقبل مداخلتي ومروري

صح السانك مدد بلاعدد

ومبروك عليك الشهر الكريم

يالكريم

مروري

-


الصدق مايغضب كريميـن الأخـلاق
ومن ينكره تطْـوَل عليـه الأيـادي


لا والله ما يغضب



عين العقل يابو شنيف



صح لسانك ولا فض فوك



تحياتي

اخي الكريم / مشعــل الذيابــي .


مشكور على الحضور والتشجيع



بارك الله فيك




اخوك/أبوسلمـــــان

حامد بن صالح

انت اللي بيض الله وجهك على متابعتك وتشجيعك



اخوك/أبوسلمـــــان

ياسلام عليك ياهادي
وانا مع اخي نواف نايف في ماقال
صح لسانك

ماييّـد الفسّـاق يـاكـود فـسّـاق
خطوه وخطوه يصبح العيـب عـادي






الله الله الله



صح لساااااااااااااااااانك



والله المستعان ياهادي