براءة طفوله
نعود لنصافحكم بهذه المتواضعه
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الشعر له مدلول ويخاطب عقول = ماهوب حيا الله كلام ونقوله معنى وسبك وحبك واحساس مصقول = صقل السيوف اللي تورخ بطوله لاصار ماله مع هل العرف مدلول = عقّب على القصاد لا لا يقوله بعن فيه خيول واسرج له خيول = واخذ معه مركاض صوله وجوله حتى يجيني طوع والسيف مسلول = يوم ان غيري فيه يشعب ذلوله الا وقف قافه تناخا على طول = واستفزع بغيره يرقع سموله لاني كذا مجبول والقلب مجبول = في حب مجمولٍ مزاياه هوله الخشم سلة سيف والعنق منتول = والعين حورا والنواعس خجوله رقيق ومهذب وهادي ومجمول = مع كل هذا به براءة طفوله قليل هرج ولا اظهر الهرج معسول = رهيف حس ولا يصدق عذوله وبيض تلاعج كنهن صافي اللول = زادت على قلب المشقى حموله فتحت قلبٍ قبل ماهوب مدهول= شرعت بيبانه وضاعت قفوله لين امتلكني بالهوا قايد الجول = واذعن مشاعر ماتجي بالسهوله قد قال لي هرجٍ قبل حايل الحول = يالله عسى فدوتك كل الحموله واليوم مابه قول واستذكر القول = يوم ان نفسي في وصاله عجوله قفا وانا قفيت والحمل مدبول = والصدر ضاق من الهواجيس جوله افرك بكفٍ كف واقول يا احول = من عقب مافجيت فالقلب دوله اقول ذا معقول ,, ماهوب معقول = حتى المواصل صار صعبٍ حصوله واليوم برسل له من الشعر مرسول = يقرا مضامينه ويرسل حلوله وان كان شعري ما اطرب نفوس وعقول = والله ما اعده للرجال ولا اقوله[/poem] وسلامتكم |
[align=center]الله الله
صح لسانك قصيده جميله ومعاني عذبه لك فائق الاحترام والتقدير تحياتي[/align] |
وان كان شعري ما اطرب نفوس وعقول
والله مـا اعـده للرجـال ولا اقـولـه احتراماتي...سيدي انت جميل بشعرك...وأخلاقك... وهذه العذبه...تصدرت الجزاله... لك ارق التحايا... وتعرف قدرك عند صاحبك... يازين بيوتك..وقعها فالصمييييييييييم.. تحيتي |
-
ليـن امتلكنـي بالهـوا قايـد الجـول واذعـن مشاعـر ماتجـي بالسهـولـه حضور مميز وعذوبه وسلاسه متناهيه لاهنت يابو مناحي |
عبدالله
حضور جميل صح لسانك تقديري |
عبدالله
حضور جميل صح لسانكـ ولاهنت |
عبدالله العصيمي
جزل والجزاله مهيب غريبه عليك صح الله لسانك وسلمت |
اقتباس:
صح بدنك يامحمد واشكر لك حضورك العطر لك تقديري واحترامي |
الشعر لـه مدلـول ويخاطـب عقـول
ماهـوب حيـا الله كــلام ونقـولـه عبدالله مطلع جذاب وملفت وان كان شعري ما اطرب نفوس وعقول والله مـا اعـده للرجـال ولا اقـولـه احترامي للشاعر وللقصيده صح لسانك وبيض الله وجهك |
الشعر لـه مدلـول ويخاطـب عقـول
ماهـوب حيـا الله كــلام ونقـولـه يكفي هذه القصيده مطلعها ص لسانك ودام هتانك تقديري |
صح لساانك
ياعبدالله قصيده راائعه وحرووف جزله يعجبني ابداعك لك فائق الاحترام والتقدير تحياتي اخوك محمدابوشهاب |
اقتباس:
صح بدنك طال عمرك تشرفت والله بكل حرف كتبته لك تقديري واحترامي |
اقتباس:
سعدت والله بحضورك وسعدت باطرائك لك تقديري واحترامي |
وان كان شعري ما اطرب نفوس وعقول
والله مـا اعـده للرجـال ولا اقـولـه كفو عبدالله العصيمي حضور رااائع ومميز صح السانك ولاهنت |
اقتباس:
صح بدنك ياعيسى تشرفت بحضورك لك تقديري واحترامي |
اقتباس:
عبدالله مناحي..عزالله حبكت وسبكت وصقلت وسخرت القاف وابدعت وامتعتنا بهذه الرائعه.. صح لسانك وتعلا شانك... |
اقتباس:
حضورك اجمل طال عمرك لك تقديري |
| جميع الأوقات بتوقيت GMT +3. الساعة الآن 01:40 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية