لوماقبلت العذر مانيب لايمك
ابيات متواضعة آمل ان تحوز على رضاكم واستحسانكم
ولامانع من النقد انا انسان واخطي واصيب واتعلم من الجميع كبير ام صغير عز الله ان الغبّن يبحث خفايه يا حظي المكتوب قرّب واعلـمك ضحيت بك من شانهم والنهـايه دريـت بأني عقب ماصار ظالـمك اخطيت في حقك واقر بخطـايه ولـو ما قبلت العذر مانيب لايمك ياما جفيتك ماشيً في عمايه حرمت نفسي وانت بالبعد حارمك ما قلت لي من كثر ما اخطي كفايه وما قلت لي تعبت ما نيب فاهـمك تصبر وتكنى بس تبغا رضايه واجبرك في ما تكرهه غصب والزمك سبحان من صورك بين البرايه عقـل وثقل والله بالحسن راسمك بين العرب يا قرة العين آيه يفداك من قلبه من الهم يزهمك يعني روايه ما بعدها روايه الناس في عالم وانا اعيش عالمك |
الله الله الله
يانايف صح لساااااااااااااااانك وبيض الله وجهك على هذا النص اخووووووك |
[align=center]نايف القحطاني
( ما قلت لي من كثر ما اخطي كفايه .. وما قلت لي تعبت ما نيب فاهـمك ( يعني روايه ما بعدها روايه .. الناس في عالم وانا اعيش عالمك ) بوح رائع وجميل .. صح قلبك وفكرك .. أبدعت يالسمي .. ودام وجودك ... مع فائق تقديري ،،،[/align] |
اخوي فايز صح بدنك ياغالي على المرور
والله يعطيك العافية نايف |
نايف السليمي صح بدنك ياغالي والله لايهينك على المرور المميز وشرفت نايف وقصيدته والله يعطيك العافية |
يعني روايه ما بعدها روايه
الناس في عالم وانا اعيش عالمك مبدع يا نايف والله لا يضرك صح لسانك مدد بلا عدد تقديري الجمّ |
خالد حياك الله اخوووي وصح بدنك ياغالي
وشهادتك على الراس يعطيك العافية |
اخطيت في حقك واقر بخطـايه
ولـو ما قبلت العذر مانيب لايمك الله الله ابدعت يانايف صح لسانك وبيض الله وجهك |
الله الله الله
نايف نص رااائع ومميز وعذب صح لسانك وعلا شانك |
صح لسانك ودام نبضك
قصيده فوق النقد لاهنت |
اول التميز يا نايف
تواضعك المدوّن بـ الخط الاحمر فالمقدمه .. وهذي بحد ذاتها ميييزه ّ! شاعر صح .. ومرحبا بك مليوووون ّ! صح السانك صح السانك صح السانك اخووك :) |
نايف القحطاني
هلا وغلا وحياك الله بين اخوانك قصيدة كايفه .. صح لسانك وسلمت ،، .. |
صح لسااانك والقصيده ماعليها غبار كايفه ,,
|
ياسلامي على الجزاله يانايف
صح لسانك يالغالي ومبروك عليك رمضان تقبل تحياتي |
صح اللسانك يا نايف
ولاهنت على الحلووه :) |
اخوي فهد صح بدنك يالغالي
والله لايهينك على المرور اسعدني مرورك |
اخوي مسفر صح بدنك يالغالي
والله يعطيك العافية على المرور اسعدني مرورك |
اخوي ضيدان صح بدنك
ومادامك تقول فوق النقد فشهادتك افتخر بها لاهنت ياغالي |
خالد صح بدنك والله يبقيك يالغالي
وكلماتك احرجتني والله واذا تميزت فتميزي منكم يعطيك العافية والله لايهينك ياخالد واسعدني مرورك |
سداح ابقاك الله وصح بدنك يالغالي
وشهادتك شرف واسعدني مرورك كثيرا اشكرك |
ابو عايض صح بدنك والله لايهينك
ويعطيك ربي الف عافية لاهنت يابوعايض |
ابو مريبد صح بدنك والشهر علينا وعليكم يتبارك
والله لايهينك على المرور لاهنت |
| جميع الأوقات بتوقيت GMT +3. الساعة الآن 06:22 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية