بعض العرب صاروا على المال حراس...خذو شقاه ونفعته لورثاهم
 

[align=center]
اتمنى ان تعبر عن شي انتم تحسون فيه ولو ان الامر فيه مبالغه والخير في الناس واجد ولكن لكي تصل الفكره يجب تضحيمها

اقبلوها كما هي فيكفيها فخرا ان اعضاء هذا المنتدى الرائع يقرأونها [/align]




[poem=font="Simplified Arabic,6,black,normal,normal" bkcolor="burlywood" bkimage="" border="inset,10,sienna" type=2 line=1 align=center use=ex num="0,black"]
لا صار جو الليـل هـادي ونسنـاس=والبـال فبحـور الهواجيـس جـاهـم
يسري بي الهوجاس في درب هوجاس=لـو الاجابـه ماتجـي فـي مـداهـم
ياوين ابالقالي كفيل(ن) علـى النـاس=لـو جـارت الايـام يضمـن وفاهـم
لو الرجا يغلـب علـى حالـة اليـاس=ان الاوادم بيتـحـقـق ولاهــــم
كان اشتري بالمال مجد(ن) ونومـاس=لاجل الجمايل يرخـص(ن) الدراهـم
ماحسب حساب الفقر وهموم الافـلاس=كسـب الجمايـل مايبـي لـه تفاهـم
ماخوفـي الا يكثـر الطـق فالـراس=من عالم(ن) حـب المصالـح شعاهـم
والطيب صار مزارق وهرج جـلاس=مـن يرتجونـه يحسـن الله عزاهـم
صح الرجال انواع واشكال واجنـاس=وصعب تميـز طيبهـم مـن رداهـم
حتى الذهب واغلا الجواهر والالمـاس=يلقى الخساره مـن سعـى واشتراهـم
ياكود من ياخـذ علـى وزن وقيـاس=ماهوب مثل اللي مشـوا فـي عماهـم
ما ينكـب الرجـال غيـر التحمـاس=قدام نـاس(ن) ماعـرف وش وراهـم
واليا ابتلش جا يضرب اخماس باسداس=لا جـا خبرهـم مـن بعـد مبتداهـم
للمر كاس ولـو يجـي للحـلا كـاس=ما تشفـي الجـرح العميـق المراهـم
بعض العرب صاروا على المال حراس=خـذوا شـقـاه ونفعـتـه لورثـاهـم
من يرتجيهـم مالقـى للرجـا سـاس=الا رجا الله خيـر لـه مـن رجاهـم
كلمه مهمـه تنكتـب بيـن الاقـواس=الناس مـن يقـدر يحصـل رضاهـم
من يقدرونـه تحـت الاقـدام ينـداس=لا عـاد يطريلـه لـعـل وعسـاهـم
ان كان ماهو ذيـب والا قـوي بـاس=والا الذيابـه صـار مثلـه عشـاهـم
يعني قبل تلقـى المشاكـل وتنحـاس=النـاس عاملهـم عـلـى مستـواهـم
احد(ن) تحس الطيب في شكله احساس=لو كان تطلع بعـض الاحيـان واهـم
واحد(ن) يجي فيه الردا مالـه قيـاس=تنظر وجيـه النـاس تلقـى سيماهـم
تلقـى رفيـق(ن) رفقتـه للتـونـاس=اخـلاق وبحلـو الـكـلام يتشـاهـم
وان جا نهار(ن) فيه الاريـاق يبـاس=يامكثـر اللـي بيحصـلـك جفـاهـم
عساك سالـم ومتعافـي مـن البـاس=والنـاس حولـك مايبـيـن خفـاهـم
خايلتهـا ماتبغـي الـيـوم عـسـاس=طبـع الاوادم والله الـلـي عطـاهـم
حبر(ن) نثرته بالقلـم فـوق قرطـاس=عسـاه فـي زود حسناتـي يسـاهـم
والا الخبر لـو كـان ماتنشـره واس=واضح ولا يخفـى علـى كـل فاهـم
ماعمم الفكـره علـى مجمـل النـاس=ماهوب كـل النـاس ناقـص وفاهـم
حتى الذهب واغلا الجواهر والالمـاس=كـم كسبـن اللـي يحـب الـدراهـم [/poem]

[align=center]زياد زيد البقمي[/align]

1111111111111

وصح السانك مقدما ولي عوده

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما ينكـب الرجـال غيـر التحمـاس=قدام نـاس(ن) ماعـرف وش وراهـم[/poem]

[align=center]هذا والله الكلام

قصيده تستحق القتباس كامله ولكن استوقفني هالبيت

كثيراً لانه فعلا الاستعجال والتحمس الزايد قد ياتي على الكثير

لاهنت طال عمرك يازياد

وصح السانك مدد بلاعدد

ابدعت وامتعت

تقبل اطيب تحيه[/align]

ما قلت غير الحق

صح الله لسانك وبيّض الله وجهك

دمت بخير

عزالله انك صدقت يازياد / اخذو شقاه ونفعته لورثاهم


زياد ،، مرحبابك وصح لسانك يالجزل ولاهنت


مبدع يالقرم


تحياتي لك

يا سلام عليك يا زياد

ابداع وتمكن ما شاء الله

صح لسانك وسلمت

زياد
/
بيض الله وجهك على هـ الواقعيه ، والله لايهينك

ياوين ابالقالي كفيل(ن) علـى النـاس
لـو جـارت الايـام يضمـن وفاهـم
لو الرجا يغلـب علـى حالـة اليـاس
ان الاوادم بيتـحـقـق ولاهــــم
كان اشتري بالمال مجد(ن) ونومـاس
لاجل الجمايل يرخـص(ن) الدراهـم




صدقت



صح.لسانك



ووبيض.الله.وجهك



قصيدك.معالج.وهادف



لاهنت

هذا والله الكلام

قصيده تستحق القتباس كامله ولكن استوقفني هالبيت

كثيراً لانه فعلا الاستعجال والتحمس الزايد قد ياتي على الكثير

لاهنت طال عمرك يازياد

وصح السانك مدد بلاعدد

ابدعت وامتعت

تقبل اطيب تحيه