من علوم الاولين (( العصافير في حجا السدره ))
 

[frame="8 80"]خاض بني هلال معارك كثيره ومن ضمنها معركه اصيب فيها الفارس ذياب بن غانم الزعبي وكان بني هلال في هذه المعركه ثلاثين رجل هرب منهم عشره وعشره خافوا ولم يتقدموا وتقدم لهم عشره منهم ابوزيد الهلالي وذياب بن غانم وسرور بن قايد وهو من فرسان بني هلال وكان العدو قد نصب كمين لبني هلال وجهز الف رجل للقاء بني هلال وبعد ان التقوا واشتبكوا تقدم واحد من العدو واسمه ( وهق ) وضرب ذياب ضربه جرحته وافقدته الوعي وعندما صحي انشد قصيده يمتدح فيها فعل جماعته الذين صمدوا ويذكر فعل عدوه وهق الذي اصابه يقول ذياب : [/frame]



[frame="5 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول الفتى الزعبي ذياب بن غانـم=لي راي ٍ اقسى من حديد المبـارد
ولي حربة ٍ سميتها (سم ساعه)=اعـرض بهـا فالكـون مـاكان كايـد
حنا بلينـا فالخـلا بالـف فـارس=وحـنـا ثلاثـيـن ولا زاد زايــد
اهل عشر منا تـدب الخيـل بالقنـا=كز ٍ ليا شـروا هشيـم الوقايـد
ابا زيد من ايمنهم وانا من شمالهـم=كما النار لا شبت ببعض الحصايـد
واهل عشر منا هملوا روس خيلهم=واهل عشر منا موكديـن الشهايـد
ينخون خيال ٍ بهم مـا عرفتـه=يقولون يا وهـق يـا ابـا العوايـد
ضربني وهق وانا مشيح ٍ لغيـره=وليا الدرع غاد ٍ فوق متني بجايد
ضربني برمح ٍ تسعة ابواع طوله=وقنطاره اللي من ورى الباع زايـد
سديته بسمـاي وثوبـي ومشلحـي=ايضـا ولا سـده جميـع السدايـد
ولكن طاحت الدهما وانا طحت فوقها=يا طيحة ٍ ما هـي لنـا بالعوايـد
ولكن قامت ا لدهما تومـي بعدتـه=وانا كما شن ٍ على القاع بايـد
وانا رفعت الراس من بعـد سـدره=ليا الخيل يدبها سـرور بـن قايـد
على سرج قبا عنـدل بنـت عنـدل=مرفوعة الذرعان مـن خيـل قايـد
قل عشت يا قرم ٍ ثنا دون ربعـه=بيوم ٍ به المسناد والـرد كايـد
حنا عصافير ٍ وابا زيـد سـدره=نلوذ بـه عـن مرهفـات الحدايـد [/poem][/frame]

حنا عصافيـر ٍ وابـا زيـد سـدره
نلوذ بـه عـن مرهفـات الحدايـد
الله الله الله
اشهد انهم طحاطيح الثنين
لاهنت على النقل يامحمد

ابو علي

كل علوم غانمك

ولاهنت على نقل ها السالفه وقصيدتها ونستنا الله يسعد سنك

وعن شخصيتين لا تحتاج لاي اطراء ابو زيد وذياب بن غانم

لاهنت ابو علي وسلمت

الله.الله


بيض.الله.وجهك



علم.غانم.وقصه.مورخه


لاهنت

يا طيحة ٍ مـا هـي لنـا بالعوايـد !!!


صتيمه وبس هالفارس :)





ياعنك ان العرب راحو صدز ..




ابو علي :)


سلم لي علاك ولاهنت على الموضوع الجامد !


اخيك ..

دايماً علومك زينه يابوعلي

سلمت يمناك وابيض وجه

تحياتي لك

اخوك

لاهنت يامحمد

وقصيدة رائعة وقصة أروع

الف شكر

[align=center]سلمت والله يامحمد


استمتعت بالقراءه .. بيض الله وجهك


ولاتحرمنا من هالمواضيع الطيبه [/align]

لاهنت يامحمد

موضوع رائع

الف شكر لك

لك ودي وتقديري

لاهان راسك ياافيصل

وتسلم على حضورك يالقرم

ابوغاازى

يامرحبا تراحيب المطر يالامير

وحمدلله انك تواضعت ومريت على موضوع من مواضيع اخووك

ولاهنت يالقرم

تركى الشااماانى

هلا وغلا يالقرم

ومرورك ابرك الحزات والله

ولاهنت يالسناافي

ابو عتيق

هلا ومرحبا من كشب للشرقيه مرورا بعفيف

واغلا ماعندى حضورك يشهد الله

ابو منااحي

هذا من طيبك طال عمرك

ولاهنت على حضورك يالامير

وعسانى ماخلا ولاعدم

محمد بن بلال

هلا وغلا يالقرم

ومرورك ابرك الحزات والله

ولاهنت يالسناافي

مخايل

لاهنتى على حضورك الكريم

ابو علي


موضوع جميل


لاهنت يامحمد على ايراد قصص رجال وضعهم التاريخ في ابرز قوائمه


لك فائق احترامي وتقديري ...!!

حنا عصافيـر ٍ وابـا زيـد سـدره
نلوذ بـه عـن مرهفـات الحدايـد

حنا عصافيـر ٍ وابـا زيـد سـدره
نلوذ بـه عـن مرهفـات الحدايـد


بيض الله وجهك على ايرادها

الله الله

لاهنت يا ابو علي على النقل البديع

تحيتي ومحبتي ياغالي