اللي رفقته كنها ثوب قصير
 

احبتي اعضاء وزوار منتدى المرقاب السلام عليكم هذه مصافحه لكم بعد طول غياب ارجو ان تنال استحسانكم
[poem=font="Simplified Arabic,6,black,bold,normal" bkcolor="transparent" bkimage="" border="groove,4,darkblue" type=2 line=0 align=center use=ex num="0,black"]

الا ياقدم رجلي عذرتك عن المجلاس=مع اللي سوالفهم ماهي قد ميقافي

اخشى كلمة تنقط صوبي ونا حساس=واخذ من وراها بلشة من ولد هافي

والا كلمة عن كفو يبدي بها بلاس=وده يوقد الفتنه ولو جمرها طافي

ماودي تجيني من رفيقي عريب الساس=ودي موقفه يبقا مثل ما اخبره وافي

لن الهرج شوك كبود يكبر مع الوسواس=ويبحث مدا الرجال ويبين الخافي

مجلس بادعين الزور مجلس خواء وافلاس=ياكافي من المجلس ومن فيه ياكافي

اخير منه مجلس رفيق رهيف احساس=يعرف غايتي قدام وانا بعد لافي

رفيق يوم ان الناس خلقوا عدد واجناس=لبيب ولماح وفطن وعرافي

عسى الله يجيره من صدوف الدهر والباس=وعسى الله لايقسم على مثله خلافي

لنه كفو وأصل الكفو عملة ذهب والماس=مايلقا لها صرف مع كل صرافي

ولنه لزلات الرفاقه ستر ولباس=يسمعها وكنه لاسمعها ولاشافي

ولنه سواة البحر فالعمق ماينقاس=يلحف سد من يستأمنه ستره الضافي

ولـــ0اخطيت خوة كاسب المدح والنوماس=تعوضت عنها طلعة فوق مشرافي

مشراف طويل نسمته تنعش الانفاس=احلق بفكري في سما جوه الصافي

امد النظر من مرقبي واطرد الهوجاس=وابهر دلال الفكر وازين القافي

جو البر والخلوه مع بارد النسناس=لها خافقي دايم شفوق وميلافي

ابا ابعد عن اللي خوته مثل ضيم الراس=عسى الله لايبلا بها كل متعافي

اللي خوته ثوبٍ قصير عن المقياس=لاهو ساتر يقبل بوضعه ولا دافي

لامنه ارفعه راعيه ساقه بدت للناس=ولـ 0ارخاه بانت للملا روس الاكتافي

ابا ابعد وسج الرجل خير من المجلاس=مع اللي سوالفهم ماهي قد ميقافي

ناصر علي الحارثي ( هداج][/poem]

-



:)



لي عوده بحول الكريم




:)

حجز مكلي

2

ولي عودة

ناصر الحارثي

(هداج)

صح لسانك مدد

عز الله جزاله وحكمه وابداع مايستغرب من اهله

سلمت وسلم فكرك ولاتبطي علينا وانت من الشعار اللي نشفق لجديدهم

تحياتي واعجابي


..

ناصر الحارثي


ابدعت ياناصر

صح لسانك لاهنت يالقرم


تحياتي لك

ناصر الحارثي


ابدعت ياناصر

صح لسانك لاهنت يالقرم


تحياتي لك

ناصر الحارثي

سلامي عليك يالسمي وعلى ابداعك

صح الله لسانك وسلمت

قصيدة رائعة ياناصر وأنت اروع



مع تحيات اخوك/ابوسلمان

ناصر الحارثي




صح لسانكـ
لاهنت

الله الله


صح الله لسانك ياناصر


ولاهان شموخك طال عمرك


نص مميز ورائع جداً


أستمتعت كثيراً بقرائته


لاهنت


وتقبل تحياتي

الشاعر المبدع / ناصر الحارثي

وعليكم السلام ورحمة الله وبركاته

يا مرحبا مليون ومسهلا مليون

ونوّر المرقاب اي والله

حضورك مختلف دائما ومتابعتي لك أزليه

واعجابي مفروغ منه


كل عام وانت بخير

وصح لسانك مدد ،،


..

خالد السيحاني


ارحب



مرورك كافي طال بقاءك على الطاعه


لاهنت

صح الله السانك


ولاهنت

فراج القرقاح



ارحب



شكرا لتواصلك لاهنت

ياسر العتيبي



مرحبا ومسهلا




شكرا لتواصلك


لاهنت

عبد الله الهديريس



صح الله بدنك لاهنت على التواصل

سعود بن ماضي


ارحب شكرا لتواصلك

الله الله الله

مبدع ،، صح الله السانك مدد ،،

دمت بخير

ياسلام يا ناصر

أبدعت والإبداع ماهو غريب عليك

صح لسانك وسجّل متابعتي