(( تواقيع الاعضاء - 20 - ))
السلام عليكم ورحمة الله وبركاته
/ / امتداد لـ سلسلة حلقات (تواقيع الاعضاء) لأحتواء ابداعات الاعضاء ونقلها من مربع التوقيع الى هذا المتصفح ولاننسى ان نشيد بصاحب هذه الفكره الرائعه. . الشاعر المبدع/ كلاش والأخت العزيزه وصاحبة تنفيذ الفكره / سـراب ونؤكد على عدم تكرار التواقيع .. وسلامتكم :) |
لا صار محدٍ طلب رايك .. وقال : ابده
احفظ بقايا شموخك .. داخل اعماقـك واللي من الحق .. يمكن تندبل كبـده خله .. ولا يشوفك الا .. بقمّة اخلاقك وان شفته يهابد .. ومستمتـع بهبـده احذر تهابد معه .. ثم ينكسر .. ساقك! للرمز / خالد الحصيّن ، |
ماجور يا صاحبي وتعيش
أضحك ولا تعقد حجاجـك تدري لا ناديت بإسمك ليش لأنّـي فقدتـك ومحتاجـك لازلت أسوق الغلا بشويش غالي ولا ودّي إزعاجـك الدكتور سداح |
الشعر فيما مضى .. مرسـول بيـن الرجـال
وللحيـن مرسولهـا .. يقضـي لوازيمهـا .! هب الهواء .. من جنوب الدار مـدري شمـال والناس هَبَ الهـواء .. غيّـر مفاهيمهـا .! الغيمه اللـي تعلـت .. فـوق روس الجبـال بعض الخلايق تعنّى .. ما انجلـى غيمهـا .! والكلمة .. اللي تغـث البـال وقـت الجـدال لا أصغي لها لا .. ولا أشريها .. ولا أسيمها .! لو أن مالـي دخـل فيهـا .. ولا لـي مجـال لكنّ .. ضاقت صـدور .. وبيّنـة ضيمهـا .! والحمل لو ثقـل .. تشتالـه ظهـور الجمـال وأعمالنـا يـالآوادم .. مـن خواتيمـهـا .! المبدع فراج القرقاح |
8
8 8 للشاعر الوسيم الحكومـه ماتقصـر فالمـواطـن كل يـوم وظاهـرً حفـره جديـده حفر كشب وحفر عتش وحفر باطن وكل حفره عـن رفيقتهـا بعيـده :) |
الحكومـه ماتقصـر فالمـواطـن
كل يـوم وظاهـرً حفـره جديـده حفر كشب وحفر عتش وحفر باطن وكل حفره عـن رفيقتهـا بعيـده! ههههههههههههههههههههههه لله در عفاس بن حرباش ،،،، |
الله يسامحك يا سداح .. على التوقيع !
والله اني ما قدرت حتى انسخه :( رحمك الله يا ابن واحش .. رحمة واسعه وجمعنا الله بك في جنات النعيم ! |
لاصار محدٍ طلب رايك .. وقال : ابده احفظ بقايا شموخك .. داخل اعماقـك واللي من الحق .. يمكن تندبل كبـده خله .. ولا يشوفك الا .. بقمّة اخلاقك وان شفته يهابد .. ومستمتـع بهبـده احذر تهابد معه .. ثم ينكسر .. ساقك! لـ رآع الوقفه والمحرآف |
الصداقه . ولو طال الزمن . وش تكون.؟
ماهي بشي. في حـال انعـدام الثقـه.!! لـ \ عيسى الشاطري .. |
لا تضيّق خاطرك منّي وتزعـل وإنت تدري قلت شي(ن) مايجوز بنت وايل قلبها لو كـان يقبـل كيف ترفع راسها.. عند العنوز ! لـ / بنت وآيل |
مادام كلمة لو مفتاح لبليس
خليت كلمة لو للي تمنا !! لـ محمد بن رشيد |
-
من مربع توقيع ابن عصيدان ترى رفيق الجنب , ماهـوب غالـي: إنْ مارَخَصْ ماله , ووجهه , وجاهه .! يا سلام :) |
^
^ ليه ماتتعب نفسك :( يارب انا اللي شال مالا يستطيع من الذنوب ابوء لك بالذنب واطلبك العفـو والمغفـره لـ تركي البرقاوي القديم :) |
يالله فـي جنّتـك تبنـي لنـا بيـوت
لا ضاق قبـو الأرض مـن ساكنينـه اليا دعينا ثـم جينـا علـى الصـوت والقبـر مفتـوح ٍ علـى مصرعينـه في ساعة ٍ مابه وساطـات وبشـوت و( من شان خاطر عين تكرم مدينه ) نعرض عليك ا\حفاه وا\عراه وا\سكوت والنفس باللـي تكسبـه لـك رهينـه يشرق بريقه كل عاصـي وطاغـوت لا شاف مـن شالـت كتابـه يمينـه والشمس تقرب لين أبو راس نعتـوت مخّـه يجيـك محـوّل ٍ مـع جبينـه ما سالم ٍ ياكود سبعـه هـل بخـوت ماغيـرهـم لا واحــد ولا ثنيـنـه لي فيك طمعه يامنجّي مـن الحـوت عبـدك وأنـا وأيّـاه حـدو طيـنـه العود يابس والـورق شبـه محتـوت مقبـل صرامـه والدّيَـس مقتفينـه لـ\ ايقنت بأني عبد قافينـي المـوت أعـذرت فالدنيـا وفـي كـل زينـه مقبل على طرقه وأنا مامعـي قـوت شفني .. تشوف اللي ( مطلطح يدينه ياسلام .. ياسلام .. للمبـدع عايض النفيعي :) |
الجوّ مشحون في موضوع وش هـ(النفاق)
ولا عندنا منافـق .. ولا عندنـا منافقـه حنّا نحـبّ الـزواج .. ولا نحـبّ الطـلاق كـل ٍ يـدوّر رفيـق العـمـر ويرافـقـه والشعّر ماهو وسيلـه للجفـاء والشقـاق والموهبـه للرجـال وللنـسـاء دافـقـه هيدوا .. هداكـم ولـيّ العـرش للإتفـاق أشوف بعض السوالف ماهـي موافقـه !! الدكتور يواكب الاحداث في الموضوع المشحون وش هالنفاق :) |
الوضع في السالفه يشبه لوضع العراق
آراء متخالـفـه وآراء متـوافـقـه ولو إن بعض الحكي ريّح فظل الرواق ماكانت الريح لا من هبـت تصافقـه محدن يحب الجفا / كلٍ يحـب الوفـاق لكـن ماجامـل المخطـي ولا انافقـه انا رجل من خلق ماهو يحـب النفـاق على الخطا ؟ مايخلي شي في خافقـه ياسلام .. نقض على مستوى من محمد المسعري :) |
حنا ماعاد نميز الزين والشيـن
صرنا نطالع بس فاشكال الاشيا ماعاد نعشق غير ماتهتوي العين ولانفكـر فالبواطـن والاريـا لــــ / ياســر العتيبــــــي |
الوقت لاضيّق على الخاطر السمـح
اضرم لهيب الهم في وسط جوفـه .! وجات الليال السود في مضرب الرمح كنّ السعد سلّـم وبيّـن نكوفـه .! لـــ / فراج القرقـاح |
يامجرمـه ماعـاد فيهـا مناقـيـد
ابعتـرف قـدام لايقـرب اجـلـي حتيش لو جتني صـدورك مواريـد انـا بغيـت امـوت والله فرجلـي العام شوفـك عيـد وفوالـة العيـد رمش العيون ليا غفيـت وغنجلـي واليوم ؟ ( لاوالله ) لاشفتك من بعيد رفعت عن ساقي وحطيت رجلـي ! للمبدع\ عبدالله بن قنيص |
عسى ربي يعيد أعيادنا والناس مسـروره
تعيش بأمن وأفراح ومسـرات ورفاهيّـه نحب الخير وأهل الخير ومن بالخير مذكوره ولا نرضا الحرام ولا نميل مـع الحراميّـه على ما دوّنت رزنامـة الأيـام مشكـوره حدث في مثل هذا اليوم توحيـد السعوديّـه أنا في دار اخو مريم وأهنيّ دار أخو نـوره تهاني ما لها مرجع جواز ورقم جنسيّـه ! أحبك يا بلاد ٍ بالوفـاء والعـزّ معمـوره ولا زالت علاقتنا الخصوصيّه خصوصيّـه لله درك ولله درك يادكتورنا اقسم بالله العظيم انها تسوا قصايدً واجد |
^
^ والله انّي كنت متأكد انك بتسبقني عليها:( لكن والله انه ابداع يستاهل التكرار مره ومرتين وثلاث..الخ عسى ربي يعيد أعيادنا والناس مسـروره تعيش بأمن وأفراح ومسـرات ورفاهيّـه نحب الخير وأهل الخير ومن بالخير مذكوره ولا نرضا الحرام ولا نميل مـع الحراميّـه على ما دوّنت رزنامـة الأيـام مشكـوره حدث في مثل هذا اليوم توحيـد السعوديّـه أنا في دار اخو مريم وأهنيّ دار أخو نـوره تهاني ما لها مرجع جواز ورقم جنسيّـه ! أحبك يا بلاد ٍ بالوفـاء والعـزّ معمـوره ولا زالت علاقتنا الخصوصيّه خصوصيّـه لله درّك يادكتور سداح والله العظيم ان هالابيات تسوا لها قصايد مثل ماقال ابو حربااااش :) |
ايه وضعك ماعليه .. ويمكن انّك
مثل ريح العود الازرق .. فالمباخر بس انا .. مجبور اصد شويّ عنّك قبل اجيب العيد .. فالعشر الاواخر لخالد الحصيّن :) |
| جميع الأوقات بتوقيت GMT +3. الساعة الآن 02:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية