يــــقــــودهـــا !!
من الأرشيف
أرجوا ان تنال استحسانكم [poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] تقودها ولّا عسى ماتقودها=ياخافقي ورّد جمالك عدودها لارحمْ ابو حي(ن) ورد ناشف(ن) ريقه =صدّر وقيفانه عطاشاً كبودها وانا على حوض القصايد وعدّها=سقت الجمال وعزّها في عضودها منهل ولا كل المناهل مسبّله=وماكل من هاز المناهل يرودها الشاهد الله يوم جاني مجالها=صرحٍ بنيت الها وعليّت طودها السجه اللي في منازل بيوتهم=عجزت لا أوصْلها واميز حدودها عيني على الي في السماء لاح برقها=سحابةٍ تمشي وترزم رعودها ناديتها يمي ويمي تداحمت=عزايمي مافيه شيٍ يكودها وانا على الطرق الهلالي نظمتها=عشان يُعرف عادها من ثمودها وجتني تباها بالكفوف المخضّبه=أمحشمه ماقط لمست نهودها جتني بدون كموم وذراع شامره=طرقاً حلاياها وريان عودها شبيهةٍ باللي رعت عشبه الفلا=ريم الفلا ياهيه مدري عنودها في سد وجهي يالعنود المذيره=أنتي بوجهي من نوايا فهودها أيه أحتمي مثلك ليا دارت الرحى=لاجاتني تنخى وتلطم خدودها لاسيقت العطفه وصاحت وفرعت=لومك على اللي مايجندل جنودها الناس فالصعبه تبيّن فعولها=ويبين صاملها ويُعرف شرودها هذي عوايدنا وهذي سلومنا=بيوت خلق الله رفعها عمودها يابنت ابو زيد الهلالي تجملي=لاهبت الشرهه بنسمات نودها يوم انها قدام وجهك تجمعت=واللي غزى صنعاء يناطح زيودها النجم طاح وطيحته هدت الجبل=هد الجبال وهد معها قرودها عاني عقيد القوم يشعب ركايبه=وبنت الهلالي عزّها في جدودها ياعزوتي يالابتي ياحمولتي=اليا أقبلت من بين الأيام سودها انتم ذرى جنبي ودرعي ومحزمي=أرقى بعزوتكم بعالي سنودها والشرهه اللي في ضميري مقيّده=شامت عن العاذل وفكت قيودها مانيب جاحد من نصتني جمايله=بعض العرب مانيب جاحد جهودها وياعامرٍ سوق الذهب في تجارته=الناس تصرف للمعزّه نقودها مانيب مثل اللي بيوته مقوّله=ولانيب مثل اللي يخالف بنودها واللي شبع من نومة الليل والضحى=مايحسد اللي غارق(ن) في رقودها واللي شكى من غيمة الريح والبرد=مايرجي الغيمه ويرجي برودها واللي صمد في وجه الأيام والشقى=مالام نفسه يوم ثبّت صمودها واللي تذوق النار كفه وتاكله=اسأل جنابه كيف يقدر يعودها؟ وللي ملى قلبه من الغيض والحسد=لا يتبع العالم ويشذب حسودها واللي فتن بنت العرب في شجاعته=مالامها لو بيحت له سدودها والي جرح نفسة وجرحه يضمده=ان تاه بالطريقه يجمّل ضمودها واللي رفع في ديرة الهند درعها=ماجمّله لو صفقت له هندوها واللي عظامه لأحتمى الشر بارده=ماينطح القاله وينصى حشودها واللي يصد وشايل الضيم والقهر=يسوق نفسه مايعوّق صدودها واللي نياقه صابها الشر والجرب=يفرد غزايزها ويطلا جلودها واللي رمعها تالي الليل واخطاها=يقودها ولّا عسى مايقودها[/poem] |
اقتباس:
: مرحبا والله بـ .. القصيد واهله ابياااات في غاية الجمال وفي غاية الروعة طرق غير غير غير ياعادل ومن الطروق الجميلة عادل صح الله لسانك ولافض فاك اعجابي + متابعتي + تقديري وتحيتي :) دمت بخير |
صح.لسانك.ياااعادل
وبيض.الله.وجهك.علي.هالهلاليه.الرائعه |
عادل الدلبحي
صح لسانك ولاهنت يالقرم تحياتي لك |
اقتباس:
الله يلوم اللي يلومني في اعجابي بشاعر عملاق جزل مبدع << كلمات مستهلكه لكن والله انك من الشعراء اللي تستاهلها عن جداره ياعادل هذا اللي اقوله وسلامتك ,, |
عز اللــه أنّك شاعـر وداهيه وعملاق
ماشاء الله عليك تبارك الرحمـن وعسى الله لا يضرك أعجابــي لك ومتابعتي |
عادل
صح الله لسانك نص غايه في الجمال |
عادل الدلبحي
الله الله صح لسانك × صح لسانك قصيده راااااائعه وحضووور رااائع لاهنت |
[align=center]صح لساانك
وبيض الله وجهك ودي وتقديري[/align] |
عادل ,,,
صح لسااانك بحر هلالي جميل والأجمل سبكك وحبك مبدع ومميز ,,, تقبل مروري المتواضع ,,, خالص مودتي ,,, |
اقتباس:
ياهلا يافراج الجميل والرائع مرورك يا استاذي صح بدنك ولاهنت وأعجابك شرف كبير لي كل الشكر لك وتقبل تحياتي |
الدلبحي عادل
اسم اثبت وجوده في المرقاب بفتره قياسيّه دام هذا التوهّج , والحضور القوي صح لسانك ولاهنت |
-
عاني عقيـد القـوم يشعـب ركايبـه وبنت الهلالي عزّهـا فـي جدودهـا حضور صاخب لشاعر رائع صح لسانكـ :::: ::: :: : |
اقتباس:
صح بدنك ياتركي ووجهك ابيض طال عمرك لاهنت على مرورك تقبل تحياتي |
الله عليك ياعادل
جزيل القصايد من استاذ الشعر سجل اعجابي وتقديري |
اقتباس:
صح بدنك طال عمرك وشكرا لمرورك لاهنت تقبل تحياتي |
اقتباس:
ياهلا ومرحبا ياغلاب وشهاده اعتز فيها وأضعها وسام على صدري ماحييت ومرورك شرف طال عمرك كل الشكر لك وتقبل تحياتي |
عادل الدلبحي
صح لسانك ولاهنت قصيده وافيه وجزله سجل متابعتي واعحابي |
عادل الدلبحي ., اولا مرحبا بك في مرقابك واعتذر كل العذر عن تأخري في الترحيب بك في محلك ., شاعر بكل ماتعني الكلمه ياعادل وصح لسانك مدد حبي ومتابعتي وسلامي عليكـ ., |
اقتباس:
أخوي عايض شهادتك شرف طال عمرك ومرورك تشريف لي لاهنت وتقبل تحياتي |
اقتباس:
صح بدنك يافهد الجمال مرورك لاعدمناك تقبل تحياتي |
اقتباس:
صح بدنك أخوي حمد الرائع مرورك طال عمرك لاهنت وتقبل تحياتي |
| جميع الأوقات بتوقيت GMT +3. الساعة الآن 12:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية