والى ذكر في نجد ربعه واهاليه=تقول يصلى فوق حام الوقيده بين السلوم والعطاوي!!!
 

قصيدة الشاعر عبدالله السلوم رحمه الله

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقلب ياللي صالي الهم صاليه=يمسي ويصبح في هموم ٍ شديده
همٍ يبعد به وهمٍ ويدنيه=مجروح ويصارع حياةٍ عنيده
والى ذكر في نجد ربعه واهاليه=تقول يصلى فوق حام الوقيده
ماتنفع القلب المشقى هقاويه=ليا صار بالغربة وداره بعيده
طيفٍ سرى من نجد والشوق حاديه=بالحلم صوّر لي وجيهٍ عديده
اعلنت حبي له وانا قبل مخفيه=ومن مات لجل الحب نفسه شهيده
خطي لابو نواف يامن يوديه=ومضمون مابه يفهمه بالقصيده
رفيقي اللي حق مانيب ناسيه=لعل نفسه في حياته سعيده
لو كنت بامريكا فلا غاب طاريه=حيث الوفا بالود عندي عقيده
ياشيخ لاشفت الضبا في مفاليه=يرتع ومعه القايده والفريده
او شفت لي جوٍ تطارد حباريه=ماصادفن ضربات حرٍ مجيده
قلت آه لو ينفع لمثلي تمنيه=انك ومعك ابو السجايا الحميده
عبدالله النايف رفيقك وانا اغليه=لو نفترق من بيننا بالبديده
انه يجي مقانصكم في حراويه=لاشك ماهيب التماني مفيده
انتم بعيد ولاش حيٍ نصافيه=نظرات بعض الناس صارت زهيده[/poem]


رد الشاعر عبدالرحمن العطاوي(شاعر هوازن)

[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقلب ياللي داعي الشوق داعيه=واهواجسي ماهيب عني مهيده
غرب نديمٍ لي وقلبي يباريه=في وسط نار الوجد جالي وعيده
دايم وطيفه في حلا النوم اناجيه=والى انتبهت الهم جالي قعيده
عبدال مثلي يشتكي حب غاليه=لولاه فرج همنا بالنشيده
حي الكلام اللي جسامٍ معانيه=بالعون كل نفوسنا له مريده
دايم وهاد الناس للرشد هاديه=وهذي تراها فكرةٍ له سديده
الحر مثلك طيباتٍ مباديه=انا اشهد انك يابو مقبل وليده
لا غاب هاجوس العفون المداليه=هواجسك ماهيب عنا محيده
تذكر لنا دارٍ بها الصيد تطريه=ريضانها خضر وهواها بريده
لاشك عنا ناحيه قل واليه=ولو هوزها لك نجد عندي وحيده
الى طفح عشب النفل في خباريه=في كل يومٍ في رياضٍ جديده
والطير بانت فالحباري مهاويه=هذي طيار وذي ربوضٍ مسسيده
في خايعٍ تشكيل الازهار غاشيه=ماصدرت صاره ليا جال ضيده
وكل معه طيرٍ الى هدّ يشفيه=مخالبه لاجوالهنه مبيده
هذا الكلام اللي كلامك يداويه=يشريه لو ان القوافي امكيده
أنا دريت انك على الطيب بانيه= وطاحت على ذولاك منك النضيده[/poem]



لكم فائق احترامي وتقديري

رحم الله السلوم

والله يطول في عمر العطاوي

والحمد لله على السلامه ياراكان

ولاهنت ويعطيك الله الف عافيه

ياسلام
ياسلام


بارك الله فيك يا راكان ، والحمدلله على سلامتك وعساها تكفير ذنوب

مساجلة ثمينة فعلا .. اجزل الشكر لجنابك الكريم


رحم الله الشاعر الكبير عبدالله السلوم
وصح لسان الشاعر الكبير عبدالرحمن السليس العطاوي ،


...

ياسلام على شعر الفطاحل !


راكان الروقي
تعجبني جميع اختياراتك .. وتطربني


رحم الله الميت .. واطال في عمر الحي
على العز والطاعه






لاعدمناك

رحم الله الشاعر الكبير / عبدالله السلوم
وصح لسان الشاعر الكبير / عبدالرحمن العطاوي

ولاهنت ياراكان الروقي

رحم الله الشاعر الكبير / عبدالله السلوم
وصح لسان الشاعر الكبير / عبدالرحمن العطاوي

ولاهنت ياراكان

راكان الروقي


شكرا على الامتاااع

هلا اخوي راكان
الف شكر لك على هالاختيار الرائع

والى ذكر في نجد ربعـه واهاليـه
تقول يصلى فـوق حـام الوقيـده
ماتنفع القلـب المشقـى هقاويـه
ليا صـار بالغربـة وداره بعيـده

اللـــــــــــــــــــــــــــــــــــه

رحم الله الشاعر الكبير / عبدالله السلوم
وصح لسان الشاعر الكبير / عبدالرحمن العطاوي

راكان

صدق عناد يوم يقول ( صاحب الذائقه الذهبيه )

سلمت يدك على هالنقل الرائــــع

تحياتي لك

..