المشلح المرقوع
اسمحوا لها تمر من هنا :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الراس قاسي والعلم مرفوع=في هيبة بلادي وواليها ما ارتعت لو كان المقام يروع=اعرف متى اجرحها وأداويها ياهاجسي جتك القصائد طوع=الله يحييك ويحييها فل الشريط ووضّح الموضوع=مادمت أبوها اللي مسمّيها السالفه من مطلع الأسبوع=أشوفها تومي بأذانيها بان الخلل فالمشلح المرقوع=يشيلها والا يخليها تهزعت ماني لها مهزوع=وتمخطرت مانيب راعيها شرطٍ على التابع من المتبوع=مدري طلب مدري شأسميها أضحت ثنيّه حبلها مربوع=وأمست رباع وشرها فيها وسط الخباري نْقّز الجربوع=والجربعه بانت مواريها سلامتك يالراعي المفجوع=من أول الدعوى لتاليها رعيّتك من كل شكل ونوع=يا طيب قاصيها ودانيها لولا بعض الأحيان فيك طْبوع=عز الله انْ مانيب أدانيها تدخل من المسموح فالممنوع=وتشبّ نارٍ ما تطفيها من قال لك تضرب بها لا الكوع=تبلش بها ولا تسوّيها وتسوق صفرا قيدها مقطوع=مدري على وين بتوديها ما تسمن ولا تغني من الجوع=وانته مسرّحها مضوّيها وإن قلت حيله واللغم مزروع=وحبالٍ أعقدها وألوّيها فأقول صلاة ٍ بدون رْكوع=هذي صلاة ٍ مانصليها سجلت في ديواني المطبوع=قصيدةٍ مانيب أهذريها ترى الحقيقه صوتها مسموع=حتى الأذاني الصقه توحيها والناس ذا طامع وذا مطموع=صغار وكبار ٍ هقاويها نَص الخطاب برفقته مشفوع=ما بين كاتبها وقاريها وش مربح النافع من المنفوع=غير الحصاه اللي يدربيها ما عاد من دون الفؤاد ضْلوع=تهشّمت عن بكرة آبيها والحب سنّه والغرام يلوع=ناسٍ يضحكها يبكّيها والفارع اللي دونها الفاروع=مانيب طايح بين أياديها والسالفه ما بين أصل وفروع=فالقاف أبيّنها وأخفّيها واللي دخلها الشك كيف تْزوع=تمرني وأكوي علابيها وش يفرق الممنوع والمشروع=لا صار حاميها حراميها [/poem] |
حجز فل فل ابشن وفل مواصفات
|
حجزك مؤكد يالغالي
|
الله الله الله
الله الله الله الله الله الله المسرّي الله يسعد مساك والله يسعد مساء الابداع معك والفارع اللي دونهـا الفـاروع مانيـب طايـح بيـن أياديـهـا كم أنت مبدع وممتع لحضورك طابع خاص جدا جدا جدا بالعربي تشبع الذائقة وتنعشها صح لسانك بلا عدد وكل عام وانت بخير ،، .. |
بصراحه يالمسري ان الكلمات اللي ودي اعبر بها تجاهك وتجاه هذه الدره : تقزمت عن بكرة ابيها
سأعود وسأعود وسأعود |
والسالفه ما بين أصل وفـروع
فالـقـاف أبيّنـهـا وأخفّيـهـا واللي دخلها الشك كيف تْـزوع تمرنـي وأكــوي علابيـهـا وش يفرق الممنوع والمشـروع لا صـار حاميهـا حراميـهـا الله الله الله صح لسانك الف ياعمده :) سلام |
:) + :)
: فأقول صـلاة ٍ بـدون رْكـوع هـذي صــلاة ٍ مانصليـهـا أجل ماتصلّي على الجنائز الله يجزاك بالخير :) ! <- يذاك اني اعرف للدين ! أصبر أصبر أصبر لين نشوف الدعاوي ;) اقسم لك بالله اني من أول انعس اي لين شفتها ، ثم عاد مدري النوم منان عطا ؟؟؟ سلام’ عليكم |
لله درك يا المسري
نص يميز الشاعر و يذهل القارئ لا فض فوك و انا اخوك هذا الإسلوب من الشعر له وقع خاص في صدري دائماً... تحياتي لك و بيض الله وجهك و صح لسانك اخيكم و مغليكم |
المسري !
شاعريتك لا يختلف عليها (2) !! مبدع والشهاده على ابداعك تنزف منذو مبطي :) قصيده مطلعها .. يسرق الالباب ومضمونها مغلف تغليف محكم .. وصدقني ان الرمزيه زادت تميّزها ! صح السانك صح السانك صح السانك اخووك :) |
الله يالمسري
مبطين عن ابداعك نص غير شكل :) |
ياسلامي عليك
صفّ بيوت وقوة معنى لله درّك |
الله الله الله
المسري ياحلو الرمزيه والبدع المحكم لله درك يامبدع |
المسرّي ., ترى الحقيقه صوتهـا مسمـوع حتى الأذاني الصقـه توحيهـا ياحي ّ هالصوت وحيّ هالابداع ., وحيّ هالحقيقه ., يعجبني جدا تغليفك لكل ما خالجك بإبداع محكم إعجابي ومتابعتي مفروغ من امرهما سلامي عليكـ ., |
المسري
كبير والكبير الله سبحانه وتعالى صح لسانك . |
[align=center]ياخفــّهــآ ياثقلهـــآ
هذ1 القصيد اللي تشوف أنوآع ( البريكـآت ) عنده :) المسرّي لله درّك ولله درّك ولله درّك كمـآن :) النوعيّه هذي من القصيد لا تستغرب إذ1 أستوقفت محبي ومتذوقي الشعر اللي أفهم منّي طبعـآ :) بحر كـآيف وجزآله ورمزيّه متقنـه وقـدح على مستوى المسرّي إذ1 مـآعليك أمر سجّلني معجب ( بفلوس واللا بنـآموس ) :) إعجـآبي + خالص تقديري لكـ [/align] |
فأقول صـلاة ٍ بـدون رْكـوع
هـذي صــلاة ٍ مانصليـهـا لله درك اخي ... تمتلك ادوات تمكنك من التحليق عاليا .. واهمها اداة التفكير الواعي فضلا عن الموهبة ال غيـــر بوح تجعلنا رمزيته ندين كل مافي واقعنا من جرم.. وفورا لما له تأثير على نفس القاريء صح لسانك اخي متابعتي وتقديري .. |
اقتباس:
مرحبا مرحبا بحضور الدكتور شرفتني الله يشرف مقدارك وعز الله ان لردودك طابع خاص جدا جدا جدا |
19
19 19 19 |
اللي متاكد منه انك من ااركان الابداع ...
|
والسالفه ما بين أصل وفـروع
فالـقـاف أبيّنـهـا وأخفّيـهـا المسرّي " لو اني ماني من هواة الرمزيه لكن قسم بالله انها عندك لها طااااابع خاص " مافي جديد نقوله غير تجديد الاعجاب شاعر تستحق الاعجاب واحد مبدعي هذا الصرح صح لسانك وسلم فكرك وراسك سلامي عليك واحترامي .. |
اقتباس:
هوايتي اقتباس النصوص المميّزة ولله درك وصح لسانك مليااااااااار طبعا اعجابي منذو مبطي ومتابعتي على قدم وساق وبشغف وكل عام وانت بالف خير أخوك |
وتسوق صفرا قيدهـا مقطـوع
مـدري علـى ويـن بتوديهـا ما تسمن ولا تغني من الجـوع وانتـه مسرّحهـا مضوّيـهـا الله عليك وعلى بدعك .. وش يفرق الممنوع والمشـروع لا صـار حاميهـا حراميـهـا الإبداع مخبّأ هنا .. :) لله درك وصح لسانك يالمسرّي .. قصيدة ( عالميّه ) .. :) تحيتي وإعجابي ، |
| جميع الأوقات بتوقيت GMT +3. الساعة الآن 10:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية