قال: الظروف وقلت: يا الله عسى خير !
السلام عليكم ورحمة الله وبركاته بطاقة تواصل .. وكل عام وانتم بخير .. :) : : : [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] قال: الظروف .. وقلت : يالله عسى خير = قال : الرحيل .. وقلت : بالامر خيره! كذا كذا .. فجأة .. بلا صوت تحذير = كذا كذا .. من دون .. فرصه اخيره ساد الجفاف .. وجفت العين والبير= ومال الغصن .. والطير .. فضّل مطيره ما في يدي حيله .. على الغصن والطير = ولا في يده حيله .. يغيّر مصيره! كلي .. بعين الحزن .. مترسّم آمير = جيشي .. جروح .. ونبض قلبي .. ذخيره! ثار الرصاص .. وطاح غصن العصافير = وصوّب حزين القلب .. اصابة خطيره ما لي سوى البسمة .. بوجه المخاسير = مادام كل احلام عمري ... كسيره هذي هي الدنيا .. نصيب ومقادير = وبعقل من يعرف مداها .. قصيره! كم غلفت بالشوك .. ورد المشاوير = وكم كفنت بالجرح .. قصه مثيره يعني !! سلام .. ونلتقي بك على خير = يعني !! وداع .. وكل شخص ومصيره!![/poem] وسلامتكم .. مع تقديري ..اخوكم .. ابو نايف : : |
,
, يا مرحبا بك عقب غيبه يابونايف :) صح لسانك ولاهنت الله يطول عمرك تقبل فائق الاحترام والتقدير , |
شامخ الشامخ
كل عام وانت بخير يالغالي وصح لسانك على القصيده الرائعه ساد الجفـاف وجفـت العيـن والبيـر ومال الغصن والطير فضّـل مطيـره ما في يدي حيله على الغصن والطيـر ولا فـي يـده حيلـه يغيّـر مصيـره! صح لسانك مره ثانيه تقبل مروري أخوك |
شامخ الشامخ
ياسلام الله عليك كل عام وانت طيّب وبخير انشالله صح الله السانك لين ترضى ،، دمت بخير |
كـم غلفـت بالشـوك .. ورد المشاويـر
وكـم كفنـت بالجـرح .. قصـه مثيـره الله الله يامرحبا ومسهلا ياشامخ الشامخ غيابك طول ياخوي:) صح لسانك أبداع وأمتاع تقبل سلامي.. |
شامخ الشامح
هلا وغلا ومرحبابك ساد الجفـاف .. وجفـت العيـن والبيـر ومال الغصن .. والطير .. فضّـل مطيـره صح لسااااااااااانك لاهنت تحياااااااااتي |
[align=center]
للرحيل ألف وجهة وللوادع أسبابه والذي كثيراً ما نستسيغه ولا نطيقه ولكن .... أبو نايف نص رائع وراقي شعراً وفكراً .. لله درك على هكذا إبداع .. لك فائق احترامي ،،،[/align] |
سلامات يابو ناايف
افتقدنااك :) وصح اللسانك يالشامخ وكل عام وانت بخير ،،، :) |
ابو نايف
صح لسانك ولاهنت الله يطول عمرك تقبل فائق الاحترام والتقدير |
وعليكم السلام ورحمة الله وبركاته
حيه وحي ما جاب ... قصيدة فاخره تستاهل ان الواحد يقراها شاعر يا شامخ تجبرنا على متابعة قصيدك صح لسانك ولا هنت ودعتك الله |
صح لسانك
ولاهنت الله يطول عمرك تقبل فائق الاحترام والتقدير |
ما لي سوى البسمة .. بوجـه المخاسيـر
مـادام كـل احـلام عمـري ... كسيـره ياسلاااام شامخ الشامخ شااعر جميل لا يكتب الا الجميل ,, هكذا عرفنا شامخ الشامخ صح لسانك . |
هـذي هـي الدنيـا .. نصيـب ومقاديـر
وبعقل مـن يعـرف مداهـا .. قصيـره! ايه بالله . . صح لسانك اخي شامخ كتبت واجدت تقديري .. |
صح لسانك يبو نايف
مبدع مبدع لله درك ابيات مليانه وجزله لاهنت وتقبل تحياتي |
-
ما لي سوى البسمة .. بوجـه المخاسيـر مـادام كـل احـلام عمـري ... كسيـره نص رغم انكسار احلامه الى انه شامخ يا شامخ صح لسانك مدد ولافض فوك تحياتي |
اقتباس:
شرفتني بتواجدك ..وصح بدنك ولاهنت لك كل التقدير اخوك ابونايف |
جيشي .. جروح .. ونبض قلبي .. ذخيره!
الله عليك يا ابو الشموخ :) نبض جميل جدا صح لسانك ونبضك يا شامخ تحياتي/ حامد |
شامخ الشامخ
أسمك يشابه النص تماما فلله درك |
شامخ الشامخ
صح لساااانك يالجزل لاهنت يابو نايف كل عام وانت بخير . |
شامخ الشامخ
صح السانك ولا هنت شامخه كا اسمك متابعتي من ذو مبطي كل عام وانت بخير تقبل احترام معدي |
مبدع والله يا ابو نايف ..
قصيد يروي عطش الذائقة .. صح لسانك حتى ترضى .. محبك . ثاني .. |
لشعرك من اسمك نصيب الاسد
صح السانك ايه الشامخ وتقبل مودتي |
| جميع الأوقات بتوقيت GMT +3. الساعة الآن 02:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية