سلام يابيت
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام يابيت ٍ عزيز ٍ جنابه = وانا ليا مريت به ضاق بالي
يفز قلبي كل ماجيت بابه =فزيز مرعوب ٍ مصيبه جفالي
يابيت انا ابسالك وابغى الاجابة= لازم تجاوب عقب تسمع سؤالي
وراك كنك عايش ٍ في كآبة = كنك حزين ٍ ذاق غدر الليالي
وين الوناسة والفرح والرحابة = وفل الحجاج ومرحبا والتهالي
وين الضيوف اجناب والا قرابة = وين الجموع اللي كبار الجبالي
وين الصحون اللي عليها هيابة =ويرما بها حيل ٍ غذاها الحيالي
والمجلس اللي كان يحسب حسابه =وكيف ٍ يدور بمكرمات الدلالي
وبيت الشعر عقب الطرب والطرابة = وراه مهجور ٍ من الربع خالي
وين السراج اللي بنوره ضوابه= نوره للاقصى والرفيق الموالي
وبعد سالته ما عطاني جوابه = وكنه يقول الله عليم ٍ بحالي
وكنه يقول الحر فيه اللبابة = ومن شافني عن حالتي لا يسالي
وكنه يقول اليوم مالي مهابة =وانا من اول رافع الراس عالي
وكنه يقول الجرح عمق ٍ صوابه= طاح العمود اللي عليه احتمالي
وكنه يقول الوقت فيه انقلابة = وا وجد حالي يازمان ٍ مضالي
وكنه يقول الشيخ قفت ركابه = وشفت الجفا من يوم شد الرحالي
وشفت الزمان الشين كشر بنابه = وغبر الليالي كدرت ما صفالي
وكنه يقول اليوم كني خرابة = شفت الكسافة عقب نلت المعالي
وكنه على الدنيا يوجه عتابه = وكنه يقول يكفّي اللي جرالي
وكنه يعبر عن شقاه وعذابه = فهمتها بالهجس لو ما حكالي
وعرفت ما يخفي وخمنت ما به = وشفت الجفا في شكله اللي بدا لي
وحسيت به والناس ما حد ٍ درا به= والدمع من عيني على الخد سالي
وهليت دمع ٍ مثل وبل السحابة = ومشيت ما ودي بكثر الجدالي
وكنيت في جوف الحشا ما خفا به = ما ودي ابدي للمواجع مجالي [/poem]

ياسلام يالزاهده

صح لسانك ولاهنتي
شاعره مبدعه في السبك وفي طرح المواضيع ,,

الله الله الله


لله درررررك وصح لسااااااانك


ابداااااع لايستغرب من شاعره متمكنه


تقديري

الله الله


لله درك يالزاهدة


وصح لسااانك ملاااايين


شاعره مبدعه وابيات جزله

الله الله

صح لسانك يالزاهده

لاهنتي

الله الله الله

الزاهده ،، لله درّك

ابدعتي وامتعتي

صح السانك

الزاهده

صح لسانك وانا اخوك

نص فيه نفس معاناة النص السابق اللي يتحدث عن المسجد
وهذا الشعر الصادر عن واقع يكون اقوى واصدق

لله درك وعسى مكان راع المسجد والبيت من يحييهم

زهدت في شعر غيرك يالزاهده

ياسلاااام


الزاهدة


ونص جزل جزل !!


صح لسانك .

الزاهده


هذه حال الدنيا مايدوم الا الله سبحانه



صح لسانك والله يصبرك



غيمار

بسم الله ,,

الزاهده

ياسلام عليك

وصح لساااااانك

ولك التقدير

الزاهده

ياسلام عليك

وصح لساااااانك

رائعه بروعتك

تحياااااااااتي

الزاهده


صح لسااانك مدد بلا عدد ....


كل عام وأنتي بخير ,,,


تقبلي مروري المتواضع ,,,


خالص مودتي ,,,

الزاهده ..



صح السانك ..



شاعره متمكنه ..


لله درك ..