حــصـــاد السنيـن
 

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
1 لا تسـرج البيـد وكفوفـك تهـدم الغديـر=والصيف لاهب سمومه لك يسبـب ضمـى
2 البيد مـا هـي بمفروشـة بـزل و حريـر=وَعُورة الأرض لك فـرش وغطـاك السمـا
3 ياموقد الشمع وانته فـي النهـار السفيـر=مـا باقـي الا القوايـل تهتـدي بأنجـمـا
4 و خزاين الارض لو هبـت ريـاح العبيـر=ما تعلـم الغيـب عمـا يحـوي المنجمـا
5 لا يجرح اشراق شمسك حد سيـفٌ شطيـر=يكسر سلـوك الشعـاع اللـي لهـا سلّمـا
6 خمسين عام التجـارب بيـن فـيّ وهجيـر=و أحمـد إلـهٌ جعـل منـي بشـر مسلمـا
7 من باب نصح وتناصـح مـوردك للنميـر=عل البصـر والبصيـرة طـوع لا مرغمـا
8 اعقل , توكّل , و علّق بالأمـل كـل خيـر=لا تمتطي يأس , لو عشـت العمـر معدمـا
9 اعرض عن اللغو , حد السيف , يجرح جفير=وخذ منهجك هدي طـه وعـفّ مـا حرمـا
10 ومن قبل تقفي وحولك جمـع نـاسٌ غفيـر=ما معك ممـا جمعـت ولـو ربـع درهمـا
11 وتنزل بمنزال مابه فـرش حتـى الحصيـر=وفي الأمس من كان غالي لك بحضن ارتمى
12 يقفون عنك الحبايب مـن صغيـر وكبيـر=وبرهه من الوقت تبقـى بـه اصـم ابكمـا
13 و لموحشات الليالي خـذ زهـاب المصيـر=من قبل تُسأل , وفصح لسان صـار ألجمـا
14 احذر مساراللضى وحـذراك مـن زمهريـر=تغيـض تطلـب مزيـد سياجهـا محكمـا
15 وعمود دينك ليا حافظـت فجـر وعصيـر=ضمنـت باقـي فـروضـه والله المنعـمـا
16 واغنم غناتـك قبـل فقـرك ولا تستشيـر=إطعـام ممـا طعمـك الـرازق المطعـمـا
17 وقرشٌ كسبته تحاسـب بـه وربـك خبيـر=طيّـب ولا يقـبـل الا طـيّـب المكـرمـا
18 و اغنم شبابك قبل شيبـك وحـث المسيـر=دامك قـوي قبـل ضعفـك عجّـل ودرهمـا
19 قدّم بلا مـنّ والهـج مـع شهيـق وزفيـر=مطلب حثيث ٌ بفصـح لسـان والا أعجمـا
20 الرحم لا تقطعـه لـو كـان وقتـك قصيـر=لو هو قطعك اوصله فـي وصلـه المغنمـا
21 عُلق بعـرش الإلـه ومنـه جانـا النذيـر=من لا وصل رحـم يقطعـه الإلـه أو كمـا
22 وصلوا على من جعلـه الله نذيـر وبشيـر=اعداد من طاف حول البيـت مـن مُحرمـا
[/poem]

اللهم صلّي وسلّم وبارك على خير البشر


الغالي ابو منصور

مرحبا بك ومسهلا وكل عام وانت بخير وعيدك مبارك

قدمت احدى المحكمات والتي فاضت بالحكم والمواعظ

وعمود دينك ليا حافظـت فجـر وعصيـر
ضمنـت بـاقـي فـروضـه والله المنعـمـا


الله يرحم والدينك ويجزاك خير على هذا البدع السامي ،،


...

و اغنم شبابك قبل شيبك وحـث المسيـر
دامـك قـوي قبـل ضعفـك عجّـل ودرهمـا


الشاعر القدير/ كديميس السيحاني


كل عام وانت بخير

ومن العايدين

وصح لسانك

وبيض الله وجهك

تقبل ودي وتقديري


فارس الدلبحي

الرحم لا تقطعه لـو كـان وقتـك قصيـر
لو هو قطعك اوصلـه فـي وصلـه المغنمـا

.
.
.


صح لسانك يابو منصور


وجزاك الله عنا كل خير


اجزلت وابدعت وامتعت


تقبل المرور والاعجاب والمتابعه


وفقك الله

يا مرحبا يا كديميس السيحاني

جزاله وحكم مهيب غريبه عليك يابو منصور

صح الله لسانك وسلمت

كديميس السيحاني


صح لساااااااااااااااانك على كل حرف لين ترضى



اخوووووووك

و لموحشات الليالي خذ زهـاب المصيـر
من قبل تُسأل , وفصح لسـان صـار ألجمـا

القدير/ كديميس السيحاني

صح لسآنك ملآييـن ولايسدن

ابدعتْ!

صح السانك

كفو

و صلى الله على نبينا محمد

كديميس السيحاني

صح لسانك مدد بلا عدد

متابعتي وتحيّاتي لك

ياسلاااااااام ياكديميس


لله درّك ،،

لله درّك ،،

لله درّك ،،

[align=center]
ســـداح

الله يحييك ويبقيك

وعساك من عايدين العيد واليوم السعيد


ووالديك زالمسلمين اجمعين إن شاء الله

وجزاك الله خير والله لايحرمك من اجر دعائك

وتشرفت بمرورك الغالي

دمت بخير وعافية

تحياتي وتقديري لك

اخوك / ابو منصور [/align]

كديميس السيحاني

كل سنه وانت طيب

وعيدك مبارك


شاعر .. وحضورك غير !

صح لسانك ..

الله الله الله ياكديميس


صح لسااانك يالجزل صح لسانك لاهنت


كل عام وانت بخير

[align=center]
فارس الدلبحي

هلابك ومرحبا

وعساك من عايدين العيد واليوم السعيد

و وجهك ابيض

وصح بدنك ولا هنت

تشرفت بمرورك الغالي

دمت بخير

تحياتي لك [/align]

8 اعقل , توكّل , و علّق بالأمـل كـل خيـر
لا تمتطي يأس , لـو عشـت العمـر معدمـا
9 اعرض عن اللغو , حد السيف , يجرح جفير
وخذ منهجك هـدي طـه وعـفّ مـا حرمـا
10 ومن قبل تقفي وحولك جمع نـاسٌ غفيـر
ما معـك ممـا جمعـت ولـو ربـع درهمـا
11 وتنزل بمنزال مابه فرش حتـى الحصيـر
وفي الأمس من كان غالي لك بحضن ارتمـى


الله الله اخي كديميس

شاعر جزل

وابيات من ذهب اخترتها بعنايه فائقه

تحياتي وتقديري

10 ومن قبل تقفي وحولك جمع نـاسٌ غفيـر
ما معـك ممـا جمعـت ولـو ربـع درهمـا
11 وتنزل بمنزال مابه فرش حتـى الحصيـر
وفي الأمس من كان غالي لك بحضـن ارتمـى
12 يقفون عنك الحبايب مـن صغيـر وكبيـر
وبرهه من الوقـت تبقـى بـه اصـم ابكمـا


الله يرحمنا برحمته

وصح الله لسانك ياشاعر الجزاله والإبداااع

لاهنت على هالشامخه

لك التقدير والإحترااام’,,

[align=center]
محمد مرزوق السميري

هلابك ومرحبا

صح بدنك ولا هنت

تشرفت بمرورك الكريم

دمت بخير

تحياتي لك [/align]

[align=center]
فلاح العجمي

هلابك ومرحبا

صح بدنك ولا هنت

الله لايحرمك من اجر دعائك

تشرفت بمرورك الغالي

دمت بخير

تحياتي لك [/align]

الله يا كديميس
قاف عسر
وانت قد كل عسر

صح لسانك قصيدة رائعة وتستحق العودة

لك التحية

-
الرحم لا تقطعه لـو كـان وقتـك قصيـر
لو هو قطعك اوصلـه فـي وصلـه المغنمـا

كلام سليم 100% :)

ابيات من ذهب .. وحضور شاعر حقيقي صح لسانك يابو منصور

تحياتي