يااااهيه سولف ...
[align=center]بسم الله الرحمن الرحيم
الاحبة في مراقب العز . جت كذا والله يعين .[/align] [poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياهيه سولـف وانتـه السولافـي=ما احد ٍ جهـل والعارفـه عرَّافـي لك سمعة ٍ مـا نومسـت راعيهـا=حتيـش وان لحفتهـا بلحـافـي سولف وحط الطيب ورث جدودك=لو كان جـدّك للـردى صرَّافـي عدّل وبدّل بالسوالـف واكـذب=بالوقت هذا مـا عليـك خلافـي الوقت هذا وقت من هـو مثلـك=للاش وابن الـلاش دايـم صافـي لكن ليا من قلـت فاسمـع قولـي=فيما يلي تلقى الجـواب الكافـي الجود من ماجـود غيـرك خيبـه=خص ٍ ليا عديـت نفسـك وافـي والهرج مـا يلحـق ردي بطيـب=لوكـان ابـوه معـرّب وسنافـي والطيب وهبة واحـد ٍ سبحانـه=ما ورِّثه راحـل لاخـوه اللافـي والا الردى صنعة كسيـف الهمّـه=اليا نهمته صاح لـك يـا كافـي من لا تهقـوى بالطويلـة يرقـى=باكر يبـا يسفـى عليـه السّّافـي واللي طمـع بالطيبـه يستاهـل=بشت المدايح فوق متنـه ضافـي واللـي قنـع بالخايبـه يلقـاهـا=وفتوقهـا اللـي يتعبـن الرافـي واللي زمى للطيب لـه ماجوبـه=قولة نعـم فـي حاتـم المضيافـي واللي هفى عن كل علـم ٍ غانـم=مثل الـذي عـود يلـد خلافـي وهداج تيمـا مـا ينضِّـح جمِّـه=ورد الكديش الهامـل الخفخافـي ياللي تناوشنـي وانـا لـك والـم=حـرام حـرم الصامـل الجزَّافـي ان بان لي راسك لا احك متونـه=بمصقـل ٍصنعـة يميـن الهـافـي يوم صنعـه ردِّه بوسـط غمـاده=واشَّر وقـال السيـف للسيافـي قلت استعيره منـك يـا صنَّاعـه=ابيـه باسـم الله يكـون الشافـي ابيـه للـي مثـل راس الحـيَّـه=اليا استكنـت بالمكـان الدّافـي اليـا تلـوت بيـن ذاك وهــذا=تسـوق سـم ٍ للغشيـم زعافـي حيَّة نجس لا بعـث ابـو مجناهـا=تفـح بيـن الرجـم والمشرافـي تغش خبل النـاس فـي ملمسهـا=والشـر فيهـا مستكـن وخافـي كم فرّقت ما بيـن خـل وخلّـه=وكم عيّبت رجل ٍ قدمهـا حافـي وان عاش راس شعيل وابطى وقته=لاقـف لابـو وجهيـن بالميقافـي وان ما قصر عني خفـي علومـه=لاجيب علـم ٍ بيّـن ٍ ويشافـي والى وصلته هـو يعـرف بيوتـي=يفهم طواريقـي ويبخـص قافـي [/poem] [align=center]شعيل .[/align] |
الله يكيّف مزاجك يا بن صقيران
يا صباح الشعر اللي على اصوله اي والله عز الله اني قرأت قصيدة وافيه ومصبوبه صب الذهب صح لسانك مدد بلا عدد وكل عام وانت بخير ، ... |
يالله اني تحيييه وتسلـٌمه وتسلـٌم من جاات معه !!
هذا والله القصيد الجزل .. يا بن صقيران .. :) صح السانك الف ولاهنت . . لك تراتيل الغلا يالمبدع ! .. |
محمد بن صقيران
ياسلااام الله عليك وعلى قلمك ،، شعر ،، وحبك وسبك .. صح الله السانك ،، بعدد حروفها دمت بخير |
وان عاش راس شعيل وابطى وقته.......................
.................................لاقـف لابـو وجهيـن بالميقافـي شعيل صح لسانك وبيض الله وجهك عشت وعاش راسك وسلمت ودمت حضوري للمتعة والاعجاب والا رأيي تعرفه من مبطي لا عدمتك تقبل تحيات أخوووووووووك محمد |
شعيل
صح لساااااااااااااانك وبيض الله وجهك على هذا النص الرااااااائع |
كل عام وانت بخير
صح لسانك ولاهنت |
محمد بن صقيران
عزالله إنك أشبعتنا شعر الله لا يضرّك صح لسانك ملايين ولاهنت |
للشعر معك طعم اخر
صح السانك مدد بلاعدد مروري واعجابي |
[align=center]ابن : صقيران
صح السان وعلا شانك عز الله انك قصدت فأبدعت[/align] |
اقتباس:
صح بدنك يالقرم وصدقني ان مجرد مرورك هو التشريف بعينه توجتني بكرمك ايها العزيز فشكرا من كل الجوارح ولك التحية |
[align=center]صح لسانك
نص كايف ورائع ومعاني عذبه لك فائق الاحترام والتقدير تحياتي[/align] |
صح الله لسانك يامحمد على هالغاظبه
اخوك خالد السويكت |
وان عاش راس شعيل وابطى وقته
لاقـف لابـو وجهيـن بالميقافـي وان ما قصر عني خفـي علومـه لاجيـب علـم ٍ بيّـن ٍ ويشافـي والى وصلته هـو يعـرف بيوتـي يفهم طواريقـي ويبخـص قافـي كفو وقصيدة ..... بل منهج يدررررس هكذا الشعر وهكذا عمالقته دمت بخير |
محمد بن صقيران
ونعم والله بالاسم وراعيه شعيل عيدك مبارك هنيئا لنا بمتابعتك لقد اطربتنا بالاسلوب والمعنى كعادتك صح لسانك مليون تقبل تحيات اخوك |
يا سلام يا محمد
ابداع وتمكن رغم غضبك فيها صح الله لسانك وسلمت |
[align=center]
محمد ابن صقيران بيض الله وجهك و صح لساااانك وجااااد بيااانك اجزلت وابدعت لله درك مدد بلا عدد دمت بخير تحياتي لك [/align] |
الله الله يابن صقيران عز الله وااااافية
الجود من ماجـود غيـرك خيبـه خص ٍ ليا عديت نفسـك وافـي والهرج مـا يلحـق ردي بطيـب لوكـان ابـوه معـرّب وسنافـي والطيب وهبة واحـد ٍ سبحانـه ما ورِّثه راحـل لاخـوه اللافـي ايبالله انك صدقت أوفيت يالجزل صح لسانك لاهنت يالقرم تحياتي لك |
اقتباس:
فهد الجبلي هلا وغلا وصح بدتك يالغالي شرفني مرورك وكلامك الطيب لاخلا ولا عدم ولك التحية |
والى وصلته هـو يعـرف بيوتـي
يفهم طواريقـي ويبخـص قافـي كفو كفو والله جزل يابن صقيران00 صح لسانك مدد تحياتي 00 |
اقتباس:
وصح بدنك وطاب فالك يالغالي مرورك شرف وثناؤك نوماس لا خلا ولا عدم لك التحية |
اقتباس:
مرحبا في مرحبا والله ان اسمك يكفي عن اي كلام صح بدنك يالغالي ولا هنت على اريحيتك الغير مستغربه لك التحية وسلامي لعبدالله |
| جميع الأوقات بتوقيت GMT +3. الساعة الآن 01:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية