,,,, شكلي جبت العيد مير الله يستر ,,,, بلاد السندباد ,,,,
 

[align=center]انا شكلي جبت العيد ابديت بعض الاعترافات الخاصه ولكن منكم السموحه


الأمل هو قبولكم بها كماهي[/align]








[poem=font="Simplified Arabic,6,black,normal,normal" bkcolor="transparent" bkimage="backgrounds/2.gif" border="outset,10,coral" type=2 line=1 align=center use=ex num="0,black"]
شقا الحروف الابجديه بين قرطاس ومداد=وهجوسي اللي تحتدم نويت ابيح سدها
تزاحمت في صدري وقامت تجوش ولا تهاد=لو كان احاول سترها لابدها لا بدها
واعلنتها لو كان اجيب العيد قدام العياد=لو الجزاء ضرب السيوف اللي صقيل حدها
باسباب من جتني وانا عاقل وفي سن الرشاد=اعرف دروب اهل الجهاله بس ماقرب حدها
جتني وانا صلف وعنيد وصعب وعزومي شداد=اجمل بنات الكون اقاوم جاذبية خدها
مانيب اطالع فالعيون الحور لا بانت سعاد=عيني على ماحرم الله حالفٍ مالدها
واخترتها من بين كل الناس والعلم الوكاد=اخترت من صعب الامور اقوها واشدها
واستعمرت قلبي وحلت به تسود ولا تساد=تبني قصور من المشاعر بالحشا وتهدها
لين زرعتني شوق ثم جتني على حل الحصاد=جتني وله مدري غلا مدري وش اللي ودها
شبه الخيال وشكل اميره في بلاد السندباد=في عرشها والشعب كله رهن اشارة يدها
تقول كن الله موليها على قلوب العباد=وتقول كنه ماخلق فالكون وحده ندها
وانا ضحيت قوة التأثير باسلوب الوداد=مادام عديت الحقيقه يوم قالت عدها
انفذ اللي تطلبه باخلاص وبكل اجتهاد=وامشي على ماتشتهي في مزحها في جدها
اغير اسمي لو تجي وتقول ماعجبني( زياد)=دام الاسامي وافره بالله ليه اردها
والقوه اللي حدها حد البياض من السواد=لا من بدا تأثيرها تقول ماحدٍ قدها
نار الشجاعه لا نظرت عيونها تصبح رماد=والحاجه اللي تنسلب مني ماعاد ارتدها
اسلوب منهو مايحسب وش خسر ويش استفاد=يلقى حياته وصلها ويشوف موته صدها
نظرة سواد عيونها يمكن يذوب الها الجماد=وشلون نظرتها على منهو يموت بودها
لو قلت راعيت الشرف كلامٍ مكرر معاد=الا الشرف ورثٍ لبوها وارثه من جدها[/poem]


[align=center]اخوكم / زياد زيد البقمي[/align]

زياد !!



1


ابقرأ

يسعد صباحك يا زياد

وهلا ومسهلا


لين زرعتني شوق ثم جتني على حل الحصاد
جتني وله مدري غلا مدري وش اللـي ودهـا

صح لسانك وسلام الله عليك ،،


..

الله الله



صح لسانك وبيض الله وجهك



قصيده رااائعه



لاهنت عليها

ياسلاام الله عليك يازياد

لله درّك ،، ابدعت وامتعت


دمت بخير

زياد البقمي



صح لسااااااااااااانك وبيض الله وجهك



اخووووك

زياد
كل عام وانت بخير






صح لسانك وبيض الله وجهك

الله الله الله

إبداع من شاعر لا يستغرب منه الإبداع

صح لسانك وتحيّاتي لك

رغم جديتها وجمالها

الا انها اثقلتني ضحكا لكثرة الاعترافات

بالفعل قد ذهبك فؤادك وارتوى عشقا

ان قلت راعيت الشرف كـلامٍ مكـرر معـاد
الا الشرف ورثٍ لبوهـا وارثـه مـن جدهـا

الله اكبر

لافض فوك

جل تقديري لك

جتني وانا صلف وعنيد وصعب وعزومي شداد
اجمل بنـات الكـون اقـاوم جاذبيـة خدهـا
مانيب اطالع فالعيون الحور لا بانـت سعـاد
عينـي علـى ماحـرم الله حالـفٍ مالـدهـا
واخترتها من بين كل النـاس والعلـم الوكـاد
اخترت من صعب الامـور اقوهـا واشدهـا
واستعمرت قلبي وحلت بـه تسـود ولا تسـاد
تبني قصور من المشاعـر بالحشـا وتهدهـا


ياسلام يازياد

روعه وجزاله شعريه


صح لسانك

لين زرعتني شوق ثم جتني على حل الحصاد
جتني وله مدري غلا مدري وش اللـي ودهـا


ابداع X ابداع

ياسلام على هالجزاله

لاهنت يا زياد

صح لسانك


تحيتي لك

فهد حياك الله في كل وقت

-


اغير اسمي لو تجي وتقول ماعجبني( زيـاد)
دام الاسامـي وافــره بالله لـيـه اردهــا




(من الحب ما قتل ) :)




اعترافات هواوي





ما احد ٍ بلايمك يابو زيد



تحياتي واعجابي

سداح

انت احد الركائز الاساسيه في هذا المنتدى الشامخ

ردودك شرف وهدف

الف شكر لك على تفضلك بالمرور الجميل ولا هنت

يا سلام يا سلام . .



زياد البقمي . . عزالله ارويتني ..



صح السانك الف ولاهنت يالغالي . .



:)


رائع !


لك الود والتقدير !

مقبوله الله يقبلك

صح السانك نص فاخر
وكل عام وانت بخير

ابو خالد ..





عزالله .. جبت العيد :) ..




صح لسااانك .. مبدع دائما ..




وكل عام وانت بخير ..




لك تحيتي

تركي الشاماني

اشكرك على المرور الذي اسعدني وشرفني

نظرة سواد عيونها يمكن يذوب الهـا الجمـاد
وشلون نظرتها علـى منهـو يمـوت بودهـا

اي وشلون :)

يا سلام عليك يا زياد

صح الله لسانك وسلمت

[align=center]
زياد زيد البقمي

حيك وحي ماجبت :)

لا فض فوك ولا انلجم لسانك

ابدعت واجزلت

لله درك مدد بلا عدد

دمت بخير

تحياتي لك [/align]

زياد

صح لسانك ولاهنت