خجـــوله وخـــايفه
[align=center]المرقابية الغالين
السلام عليكم ورحمة الله وبركاته ومن العايدين . عوده بعد إنقطاع خارج عن الإرادة[/align][poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] نهار اقبلت كانت خجوله وخايفه=تلد وتصد وكن ماهيب شايفه من النظره الأولى وانا مولعٍ بها=محبه من الأعماق ماهيب زايفه وحاولت انسيها خجلها وخوفها=وجاذبتها اطراف الحديث وطرايفه وسمعتها شيٍ عن الشوق والغلا =وترجمت عن قلبي شقاه وكلايفه وكانت بداية حبنا وإجتماعنا=وعشنا مع اسرار الغرام ولطايفه بروضٍ عذيٍّ مامشى فيه غيرنا=ربيعه ونبته مقدر أحصي وصايفه قضينابه ايامٍ مضت ماحسبتها=ولكنها كانت بلاشك كايفه ويوم الربيع امست تقافا معالمه=وجاته سمومٍ بأول الصيف لايفه رجع خوفها اللي خابره في عيونها=مثل نظرة اللي موقنٍ من حتايفه وقامت تجمّع مابقي من متاعها=وشالت على حرٍ يلاعب سفايفه وتالي العهد يوم إستدارت وعرضت=بذاك العشي والشمس صفرا مهايفه على البعد تومي لي بيدها مودعه=وداع الذي ماني براجي نكايفه ولااخذت منها غير جرحي وعبرتي=وذكرى لها دايم على البال طايفه لها حن قلبي بين الأضلاع وإنحنى=حنين العسيف اللي مفارق ولايفه وضاقت بي الدنيا الوسيعه ولابقا=سوى قمةٍ في راس مرقاب نايفه عسيره على اللي ماتعوّد طلوعها=بها تتعب اقدامه وتيبس شفايفه أهيّض بعاليها خفايا مشاعري=وافيّض بها دمعٍ تسابق ذرايفه حسايف على ما كان بيني وبينها=لو إن البنادم ماتفيده حسايفه وانا عارف إن العمر لابد تنقضي= سنينه ويبقى ماكتب في صحايفه وياما عذلت النفس واكثرت لومها=ولكن لاتقنع ولاهيب عايفه[/poem] |
ياسلااام
عبدالله الطلحي كل عام انت بخير صح لسانك . |
يامرحبا ياعبدالله
الله يحييك ويحيي ماجبت وصح لسانك وسلمت غيمار |
[align=center]آآآرحب ياشاعر الحكمة العلم
كل إشادة وإعجاب تصغر أمام ماتقدّم صح لسااااااااااانك عدد مانشوف وعدد مانقرا ولا هنت متابعك بشده وسجل إعجابي المنقطع النظير وكل عام وانت بخير [/align] |
الله الله الله
عبدالله الطلحي صح لساااااانك .. ودااااام ابدااااعك تحيااااتي لكـ |
اقتباس:
تحياتي 0 |
الله الله الله
عبدالله الطلحي ،، مبدع مبدع صح السانك مدد ،، ودمت بخير |
الله الله الله
أبدعت والإبداع ماهو غريب عليك يا عبدالله صح لسانك ملايين ولاهنت سجّل متابعتي ودمت بخير |
الله الله
صح لساااااااااانك وبيض الله وجهك لاهنت |
[align=center]الله الله
وانا عارف إن العمر لابد تنقضـي سنينه ويبقى ماكتب فـي صحايفـه وياما عذلت النفس واكثرت لومهـا ولكـن لاتقنـع ولاهيـب عايـفـه صح لسانك يابو عابد قصيده جميله ثمينه فيها معاني عذبه حساسه لك فائق الاحترام والتقدير تحياتي[/align] |
[align=center]وضاقت بي الدنيا الوسيعه ولابقـا
سوى قمةٍ في راس مرقاب نايفـه عسيره على اللي ماتعوّد طلوعهـا بها تتعب اقدامـه وتيبـس شفايفـه الله لايحدنا عليها يارب عبدالله الطلحي ( شاعر الحكمه ) بيض الله وجهك و وجه المرقاب اللي لقيناك في اعاليه وقربنا من هالشاعر العلم الشعر الحقيقي هاهناااااااااااا صح لسان ملايين ولا توفي بحقك تقبل حترامي وتقديري وكل الود اخوك المحب دائما بن عجير[/align] |
ابو ناصر
كل عام وانت مبدع ومبدع ومن العايدين صح لساااااااااااااااااااااااااانك لين ترضى يابو ناصر |
اقتباس:
ابو ناصر كل عام وانت بخير والله اني اذا قريت قصيدك اعاف قصيدي لانك مبدع وشعرك راقي وصادق ومؤدب الخاتمه يعلم الله اني من جماهيرك واني احبك في الله |
عبدالله الطلحي
يا سلام عليك وعلى ابداعك وجزالتك البيّنه صح لسانك وسلمت |
عبدالله الطلحي
قصيده كايفه و البيت اللي وردت فيه كايفه لحاله :) صح لسانك وسلم راسك و احساسك شاعر قدير و كبير يالطلحي ووجودك بيننا يسرنا تحيتي واعجابي |
اقتباس:
لاهنت يالغالي . |
وياما عذلت النفس واكثرت لومهـا
ولكـن لاتقنـع ولاهيـب عايـفـه ياسلام .. ياسلام .. ياسلام .. عبدالله الطلحي شاعر جزل ومبدع وهرم شعري نفخر بوجوده معنا صح لسانك على هالشامخة والجزلة اعجابي بشعرك وبشخصك الكريم تقبل مروري |
هالحين اللي مثلك من المفترض اننا نعرف قصيدته وش معناها لنستفيد
لأنك باختصار لاتكتب القصيده الجوفاء بل تكتب على معنى برمزيه رائعه ابو ناصر اعدت قراءتها اكثر من مره ولاشبعت منها لله درك يا استاذي وصح لسانك |
شاعر الحكمه
كل عام وانت بخير ,,,,,,,, صح لساااانك على هذا النص الفاااخر والمطرز بالأبداع ,,, تقبل مروري المتواضع ,,,, خالص مودتي ,,,, |
اقتباس:
[align=center] الاخ العزيز / عبدالله الطلحي بيض الله وجهك يا شاعر الحكمة لافض فوك ولا انلجم لسانك لا شلّت يمينك ولا انثلم قلمك هنا قرأت شِعراً لا يمل قارئه منه وانت بحق غني عن الإشادة والمديح كثر الله امثالك دمت بخير تحياتي لك [/align] |
الله الله
يابو ناصر .. لله درك على الإبداع الغير مستغرب .. منك . شاعر بدرجة دكتوراه .. بدون ادنى شك .. .. . . تقبل التقدير .. وكل عام وأنت بالف خير . |
اقتباس:
لاهنت . |
| جميع الأوقات بتوقيت GMT +3. الساعة الآن 07:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية