الفائزه بمسابقة الشاعر سعد علوش
1 مرفق
قبل شهرين أقام مسابقة في موقعه الإلكتروني ،
فـ محتوى المسابقة كان بشطرٍ من بيت من تأليف الشاعر نفسه ومن ثم يكمله المتسابقين وهو : محتاج لك والحاجة أم الاختراع وبالنسبة للمتسابقات : محتاجـه لك والحاجة أم الاختراع وكانت الجائزة عبارة مبلغ نقدي وقدره 20,000 ريال سعودي وفاز بالجائزة الشاعرة : العنود العبد الله وأنا شخصياً من الناس الذين نالت إعجابهم قصيدة الشاعرة العنود فهي قصيدة رائعة جداً وإليكم القصيدة محتاج(هـ) لك .. والحاجة أم الاختراع ياللي تسافر كل ما .. إحتجت لك ماقلت لك إني مـ أتحمل وداع وداع ما أتحمله .. ما قلت لك ؟ الطير بين الغيم واطراف الشراع والموج .. والورد الندي اللي جبت لك كل حاجة تردد وراي بـ إنصياع اشتقت لك .. اشتقت لك .. اشتقت لك ياللي حضورك قوت .. وعيوني جياع تبي الصراحه ؟ .. كل أبوني جعتِ لك ضي .. وعليها ..آع ... تعطينا ضياع وانا انطفى ضيّي كذا .. من ضعتِ لكـ اشعلت لك قلبي من اللهفه .. وماع ليته مَ ماع ..وليتني ..مَـ اشعلتِ لكـ في وقت صار الكل .. لبّيسة قناع مع إني جدًا واضحة .. وضّحتِ لكـ ان المطر ينزل عشان .. الإرتفآع واني على شان ارتفع .. نزلتِ لكـ وان ضيقتي لابد معها .. اتساع وان اتساعي يْزيد .. كلْ ماضقتِ لكـ كلْ ما افوق ..يموت في عيني .. شجاع وكلْ ما اموت شوي قمت .. و فقتِ لكـ امتع خطايا حبي ..لك .. الاندفاع واخطى مُتَع حبك .. ليا فضفتِ لكـ رددت لك .. سافر وضيعني وضاع وانا اختنق بشويش .. لا رددتِ لكـ ياللي ذبل تشرين .. من قلت : الوداع لا تْقول بعـــدين : انْ انا ما قلتِ لكـ إما لجِل اوصَلْك .. بَعْمَل اختراع والا لا عاد تسافر.. اذا احتجتِ لكـ العنود العبدالله للامانه : منقول من ايميلي |
عزالله إن قصيدتها قصيده :)
صح لسان العنود .. وتستاهل الـ 20 ألف .. وخطوه طيّبه من المبدع سعد علوش ولاهنت يانايف |
أبدااااااااااع من جد
قصيده تشبع الذائقه ,,,, وتستاهل الجائزة ,,, لا هنت على النقل ,,, خالص مودتي ,,, |
عز الله تستاااهل اكثرر
يافيها ابيات خيااليه ,, 7 7 ان المطر ينزل عشان .. الإرتفآع واني على شان ارتفع .. نزلتِ لكـ . . وش اقوول بعد الا تستااهل وتستااهل الف صح لسااانها والله ومشكووووور يانايف وعادت اعيادك . |
مع إحترام لأخي الغالي سعد علوش و لمسابقته...
فأنا اعتقد و من وجهة نظري انه لم يشارك فيها سوى صاحبة هذه القصيده... ماقلت لك إني مـ أتحمل وداع وداع ما أتحمله .. ما قلت لك ؟ الطير بين الغيم واطراف الشراع والموج .. والورد الندي اللي جبت لك ضي .. وعليها ..آع ... تعطينا ضياع وانا انطفى ضيّي كذا .. من ضعتِ لكـ ياللي ذبل تشرين .. من قلت : الوداع لا تْقول بعـــدين : انْ انا ما قلتِ لكـ حقيقةً لا أعرف على ماذا تم اختيار هذا النص ليكون هو الفائز.. الا ان يكون هو الوحيد الذي تم ارساله ... او انه ( شواية المحصول ).... هذه القصيده تسئ لمسابقة الأخ سعد علوش و تسئ لقيمة الجائزه.... شكراً يا نايف احمد على الموضوع... و بما انه تم طرحه هنا فهو ملك آرائنا.. و أعتقد انك لم تأتِ به لفرضه على ذائقتنا :) شكراً شكراً شكراً اخي نايف |
قصيدة جميلة والعنود العبدالله شاعرة جميلة وقرأت لها أكثر من نص تستحق الإشادة وبدون مجاملة .. :)
شكراً يا نايف على هذا النقل ولا هنت .. تحيّتي |
قصيده رائعه
وتستاهل |
اقتباس:
[align=center] :) :) :) . . شكرا ً نايف ![/align] |
نص رايق وجميل وغارق في العذوبه ... يستاهل النص وشاعر النص الجائزه ..
|
الطير بين الغيم واطراف الشراع
والموج .. والورد الندي اللي جبت لك كل حاجة تردد وراي بـ إنصياع اشتقت لك .. اشتقت لك .. اشتقت لك . . . اشعلت لك قلبي من اللهفه .. وماع ليته مَ ماع ..وليتني ..مَـ اشعلتِ لكـ . . . في وقت صار الكل .. لبّيسة قناع مع إني جدًا واضحة .. وضّحتِ لكـ ان المطر ينزل عشان .. الإرتفآع واني على شان ارتفع .. نزلتِ لكـ . . . كلْ ما افوق ..يموت في عيني .. شجاع وكلْ ما اموت شوي قمت .. و فقتِ لكـ . . . ياللي ذبل تشرين .. من قلت : الوداع لا تْقول بعـــدين : انْ انا ما قلتِ لكـ إما لجِل اوصَلْك .. بَعْمَل اختراع والا لا عاد تسافر.. اذا احتجتِ لكـ اعجبتني الابيات هذي وهناك ابيات ماودي انها قالتها مثل ضي .. وعليها ..آع ... تعطينا ضياع ولكن لها وجهة نظرها وللشاعر سعد وجهة نظره القصيده لاتخلو من الابداع بل الابتكار مثل هذا البيت ان المطر ينزل عشان .. الإرتفآع واني على شان ارتفع .. نزلتِ لكـ هناك قصيده قريتها في المرقاب الشعبي اعتقد للشاعر بدر ناصر وكانت قمة في الابداع الشعر تحكمه الذائقه والذائقه من الصعب بل من المستحيل ان توحد مبروك والف مبروك لها الجائزه وحظ اوفر لمن لم يحالفه الحظ هذا اللي نقدر انقوله لاهنت يانايف |
من حصل شي يستاهل
بالتوفيق للاخت العنود وبالتوفيق للاخ سعد علوش شكرا نايف |
قصيده عذبه جدا ً
ومثل ماقال ابوسعود من حصل شي يستاهله لاهنت لاهنت |
العنود العبدالله أنا من المعجبات بشاعريتها جدا" قرأت لها قصيدة في وضوح وأقسمت إلا أن أتابعها
,,, ,, تستاهل ,, |
العنودشاعره تستاهل
لاهنت يانايف |
هذه القصيدة من رواائع الشعر النبطي الحاظر
ويكفيها فخر ان سعد بن علوش هو اللي اختااار هالنص نص قمة ومحكم قمة × مليون قمة |
-
قصيده رائعه بكل ما تعنيه الكلمه وتستاهل الـ جائزهـ :) لاهنت يا بو أحمد |
لا بالله تساهل
لاهنت ياخوي لاهنت |
مسابقة فريدة من نوعها
ولاقت استحسان الجميع |
بصراحة القصيدة جميلة وفيها عمق يستحق الاشادة
ولكن للأمانة ما كنت اتمنى شخصيا هالبيت بتاتاً : ضي .. وعليها ..آع ... تعطينا ضياع وانا انطفى ضيّي كذا .. من ضعتِ لكـ ........ فالشطر الأول وكأنك تقول واحد زائد واحد .. أثنين بل ان البيت بالكامل لم يكن مُـكمل للقصيدة ولم ينل من النضج الذي نالته بقية الابيات ولو أطلت في الشرح حتى تتضح الصورة قد يكون مأخذ يعني ممكن يقول احد وبالعامية : يا عمي بيت واحد قعدت تضرب وتطرح وتشرح فيه !! مع انه طبيعتي مع اي نص في المرقاب اني اشرح كلمة كلمة :) عموما الف شكر لك عزيزي والف مبروك للأخت العنود العبدالله |
مسابقه جميله
والعنود ابدعت في الرد صح الله لسانها والف مبروك لها الفوز ولا هنت يا نايف |
قصيده جميله ................ بدون مجامله
وهي افضل من قصائد صاحب المسابقه |
قصيده رااائعه وجميله
وتستاهل الجائزه احترااامي و ج د |
| جميع الأوقات بتوقيت GMT +3. الساعة الآن 09:34 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية