( الراي الصليب ) .!
سلامُ عليكم
وصبحكم الخير ., [poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لايستفزّك تايهين الفكْر يالعقل اللّبيب = بإذن الله انْ مجهودك المبذول ماروّح سدى اتبع هل الجنب المتين اللي تورّدك القليب = ولاتغرّك بهرجة نجاد , والا مقتدى ماجابك الا الذاهبه , والذاهبه معها ذهيب = منت بمدوّرها معْ اهل الشات , واهل المنتدى لو شفت حقّك ماخذه غيرك , ولاتلقى مجيب .؟ = نداك تسمعْه العقول اللي يلبّون الندا تذرّ بين الشمّ , من يذريك فالوقت العصيب : = (بطويق), (وابانات) , والا (النير) , والا (بالهدا) كانك عقدت الظنّ , باللّي فيه ظنّك مايخيب .؟ = سقها ويهديك الدليل , اللي لاضيّعت اهتدى ياللي فلكْت البندقيّه , ياتصاب وياتصيب = وياللّي تحسْب البحر هادي , لايغرّك لاهدا العام لقّحت النصيب , ومات مولود النصيب = يالجمله اللي من خبرها , ماعرفت المبتدى .! ياسامع الصوت الجهور , ومنكر الصوت الغريب = ماكُلّ مايـِنشد نشيد , وكُلّ من يشدي شدا اللي مسنّد فوق , واللي حادرٍ له معْ شعيب = واللي يهيجن هيجنه , واللي على الصفرا حدا الهامله للهامل , ان كان النجيبه للنّجيب = والمخطيه لاهل الخطا , والمقديه لاهل القدا لله درّك , ياشديد الباس , والساس العريب=كم لك مع غُبر السنين اللّي تحاديك , اضددا .؟ لاكثرت الاريا وضعت ؟ يدلّك الراي الصليب = لاتحسب الضايع يدلّ , وتحسب المقدي غدا ولايراوغْك الثعل , وافطن طراة الذيب ذيب = واقنب مدام انك سواة اللي على المرقب بدا لاتحسبنّ العمر ماشي للمحبّه والحبيب = ماكُل تنهيتة غرام ايجيلها (صوت وصدى) .! مافيه شيِّ دايم , الا من على خلقه رقيب = الكلّ شيٍ منتهى , مدام قبله مبتدا وماكلّ من يبعد ؟ بعيد , وكل من يقرب ؟ قريب = بعض الفزايع تقطع الفرجه , ولو طال المدا وماكل شيبٍ له وقار ان كان راعيه ابيشيب : = ماقلّط الطرقي , ولاسوّا عشا والا غدا وعيبٍ من اهل العيب , لوّ تْقارنه؟ ماهوب عيب = العيب لاذلّ الشجاع , وشحّت اكفوف الندا المرجله ميدان , والرجّال ماعنده ؟ يجيب = اما حبا , والا برك , والا وقف , والا عدا ماهوب شرط ان الرّجل من طيب جدّانه يطيب = كم من رماده من ضويّ شيوخ , وضويّ اعقدا والرّجل كانه مشكل , وماتلحقه شكّه وريب ؟ = يجيب مردود العطايا , وانْ تحادا ماحتدا لاهل الردا ؟ كلّه ردا , والا على اهل الطيب ؟ طيب = من سابقه مايسبقه بالطيب , والا بالردا .! هذا دوا الدّا للمريض , ومقطع الحقّ المصيب = فكّر وتلقى للمريض اللّي قذاك , ادوا ودا انشد مجرّب ياوسيع العرف , لاتنشد طبيب = كان ابتلشت , وعرّضك عوجاه , ملعون الجدا .![/poem] |
11111
ولي عوده تليق |
[align=center]
:) 2 ،[/align] |
لاتحسبـنّ العمـر ماشـي للمحبّـه والحبـيـب
ماكُل تنهيتة غرام ايجيلهـا (صـوت وصـدى) .! مافيه شيِّ دايـم , الا مـن علـى خلقـه رقيـب الكـلّ شـيٍ منتهـى , مـدام قبـلـه مبـتـدا وماكلّ من يبعد ؟ بعيد , وكل من يقرب ؟ قريـب بعض الفزايع تقطع الفرجـه , ولـو طـال المـدا ^ ^ اللهـ عليكـ ...صح لسانكـ مليون يافهيد ويشرفني ان أكون أول رد ياخوي لاهنت ..وعساكـ عالقوهـ دومـ |
^
^ يومهـ منهمـ ماسرعهمـ !! ماشاء اللهـ..... اسبقووني http://www.montada.mergab.com/images/icons/a11.gif |
الجميعي
حياك الله تحيه مدبوله |
عفاس حرباش
يامرحبا ترحيبة تمشي على ساق وقدم :) |
تقوى الهجر
الشرف لي وحياك الله في كل الاحيان |
لاتحـسـبـنّ الـعـمـر مــاشــي للـمـحـبّـه والـحـبـيـب
ماكُـل تنهيتـة غـرام ايجيلهـا (صــوت وصــدى) .! إلتقاط عشوائي للبيت أعلاه - النص بمجمله درّة .. الله عليك يافهيد .. وصح لسانك .. تحيتي وإعجابي ، |
ياسلاام الله عليك يأبن عصيدان
لله درّك , ياشديـد البـاس , والسـاس العريـب كم لك مع غُبر السنين اللّي تحاديـك , اضـددا .؟ مبدع ،، مبدع ،، مبدع صح السانك مدد ، ودمت بخير |
محمد صالح
تواجدك وكرم كلماتك درر لاهنت |
يامرحبا يبو بندر علي
صح بدنك لاهنت |
العام لقّحت النصيب , ومـات مولـود النصيـب
يالجمله اللي من خبرهـا , ماعرفـت المبتـدى .! ياسامع الصوت الجهور , ومنكر الصـوت الغريـب ماكُلّ مايِنشد نشيد , وكُـلّ مـن يشـدي شـدا الله الله الله ابو محمد انت محترف ومتفرد وتطرب الراس في ذمتي دمت بهذا الحضور واسلم وسلم |
13
ـــــ |
الله الله الله الله
قصيده شبعانه جزاله وحبك وسبك الله لا يضرّك عجزت أختار شي منها كل بيت يقول الزين عندي صح لسانك يا أبو محمد وسلامي عليك |
والله اني افرح يوم اشوف اسمك
لله درّك يامبدع وصح لسانك منا للصرار :) |
[align=center]وماكل شيبٍ له وقار ان كـان راعيـه ابيشيـب :
ماقلّـط الطرقـي , ولاسـوّا عشـا والا غــدا وعيبٍ من اهل العيب , لوّ تْقارنه؟ ماهـوب عيـب العيب لاذلّ الشجاع , وشحّـت اكفـوف النـدا الله الله عليك يالسمي صح السانك حتى ترضى ابداع ابداع ابداع اطيب تحيه[/align] |
ما شاء الله تبارك الرحمن يابو محمد
والله العلي العظيم انها تستحق المفضله وفي نظري وذائقتي والله انها من عيون القصيد ابداعك وجزالتك بيّنه يا فهيد ولا اقول الا الله يعطيك طولة العمر صح لسانك وسلمت |
الله الله الله
الله الله الله انشد مجرّب يا وسيـع العـرف , لاتنشـد طبيـب كان ابتلشت , وعرّضك عوجاه , ملعون الجـدا .! والله ان ملعون الجدا من يمر ولا يقول صح لسانك يا فهيد :) مبدع الله يستر عليك وتستاهل والله المتابعة في كل وقت ومكان الله يوفقك ،، |
الله الله على الابداع يابن عصيدان
من قبل اقرا القصيده وانا قايل صح لسانك يابو محمد دمت ودام ابداعك يافهيد تقبل مروري ... |
.
. ما شاء الله تبارك الرحمن ! :) [poem= font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لايستفـزّك تايهيـن الفكْـر يالعـقـل اللّبـيـب=بإذن الله انْ مجهـودك المبـذول مـاروّح سـدى اتبع هل الجنـب المتيـن اللـي تـورّدك القليـب=ولاتـغـرّك بهـرجـة نـجـاد , والا مقـتـدى ماجابك الا الذاهبـه , والذاهبـه معهـا ذهيـب=منت بمدوّرها معْ اهل الشـات , واهـل المنتـدى لو شفت حقّك ماخذه غيرك , ولاتلقـى مجيـب .؟=نـداك تسمعْـه العقـول اللـي يلبّـون الـنـدا تذرّ بين الشمّ , من يذريـك فالوقـت العصيـب :=(بطويق), (وابانات) , والا (النيـر) , والا (بالهـدا) كانك عقدت الظنّ , باللّي فيه ظنّـك مايخيـب .؟=سقها ويهديك الدليل , اللـي لاضيّعـت اهتـدى ياللـي فلكْـت البندقيّـه , ياتصـاب وياتصيـب=وياللّي تحسْب البحـر هـادي , لايغـرّك لاهـدا العام لقّحت النصيب , ومـات مولـود النصيـب=يالجمله اللي من خبرهـا , ماعرفـت المبتـدى .! ياسامع الصوت الجهور , ومنكر الصـوت الغريـب=ماكُلّ مايِنشد نشيد , وكُـلّ مـن يشـدي شـدا اللي مسنّد فوق , واللي حـادرٍ لـه مـعْ شعيـب=واللي يهيجن هيجنه , واللي علـى الصفـرا حـدا الهاملـه للهامـل , ان كـان النجيبـه للنّجيـب=والمخطيه لاهل الخطـا , والمقديـه لاهـل القـدا لله درّك , ياشديـد البـاس , والسـاس العريـب=كم لك مع غُبر السنين اللّي تحاديـك , اضـددا .؟ لاكثرت الاريا وضعت ؟ يدلّك الـراي الصليـب=لاتحسب الضايع يـدلّ , وتحسـب المقـدي غـدا ولايراوغْك الثعل , وافطن طـراة الذيـب ذيـب=واقنب مدام انك سواة اللـي علـى المرقـب بـدا لاتحسبـنّ العمـر ماشـي للمحبّـه والحبـيـب=ماكُل تنهيتة غرام ايجيلهـا (صـوت وصـدى) .! مافيه شيِّ دايـم , الا مـن علـى خلقـه رقيـب=الكـلّ شـيٍ منتهـى , مـدام قبـلـه مبـتـدا وماكلّ من يبعد ؟ بعيد , وكل من يقرب ؟ قريـب=بعض الفزايع تقطع الفرجـه , ولـو طـال المـدا وماكل شيبٍ له وقار ان كـان راعيـه ابيشيـب :=ماقلّـط الطرقـي , ولاسـوّا عشـا والا غــدا وعيبٍ من اهل العيب , لوّ تْقارنه؟ ماهـوب عيـب=العيب لاذلّ الشجاع , وشحّـت اكفـوف النـدا المرجلـه ميـدان , والرجّـال ماعنـده ؟ يجيـب=اما حبـا , والا بـرك , والا وقـف , والا عـدا ماهوب شرط ان الرّجل من طيب جدّانـه يطيـب=كم من رماده من ضويّ شيوخ , وضـويّ اعقـدا والرّجل كانه مشكل , وماتلحقه شكّـه وريـب ؟=يجيـب مـردود العطايـا , وانْ تحـادا ماحـتـدا لاهل الردا ؟ كلّه ردا , والا على اهل الطيب ؟ طيب=من سابقـه مايسبقـه بالطيـب , والا بالـردا .! هذا دوا الدّا للمريض , ومقطـع الحـقّ المصيـب=فكّر وتلقـى للمريـض اللّـي قـذاك , ادوا ودا انشد مجرّب ياوسيـع العـرف , لاتنشـد طبيـب=كان ابتلشت , وعرّضك عوجاه , ملعون الجـدا .! [/poem] الله الله الله الله الله أشهد بالله أنك مبدع ، يا فهيد و صح الله السانك ملايين الـ ، ملايين ، وبعد أذنك خذيت معي نسخه للقصائد المفضله ! جدد ّ أعجابي ، ومتابعتي ، |
الله الله الله
ابدعت يابن عصيدان صح لسااانك يالجزل لين ترضى سلامي على بدعك |
| جميع الأوقات بتوقيت GMT +3. الساعة الآن 07:41 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية