الشعر
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر اله مبدا واله ساس موثوق = قافه وميزانه و حبكة مقاله ولو تنعرض كل القصايد على السوق = تضيع هزلاها وتبقا الجزاله واليوم ياهل العرف معاد ابه ذوق = قليل من ينظر بعين العداله جمهورنا مايكتمل بسط ويروق = الا مع اهل الصوت يبدا انفعاله تستبسل الاصوات والحبك مفتوق = وكم شاعرٍ بالصوت يطلق حباله واعلامنا غطا السماء سحب وبروق = غيثٍ من الشعار كون خيٌاله احيان يمطر ذوق نرقا معه فوق = من شاعر واعي وسيعٍ خياله يغرف بحر والمستمع يشتعل شوق = يطرب لموضوعه ويرتاح باله واحيان يمطر ذوق مهوب موفوق = من شاعرن شعره على قد حاله لاهوب لاسابق وبالفكر مسبوق = ونظرت خياله ماتعدى ظلاله واحيان يمطر علقمٍ يبس حلوق = من يستمع شعره ومن جاء قباله شاعر لاكن يقدم الطاق مطبوق = اهم حاجه سكبته واعتداله والعوق بالاعلام لن كان ابه عوق = وشلون يطلع من بشعره مياله الشعر له نقاد معنى وطاروق = والشعر ديوان العرب لامحاله والشعر مثل الجوهره جوف صندوق = ولاكل من يسعى ورا الشعر ناله ولو للشعر قاضي ومعدال وحقوق = ان كان رد المحتدي والتكاله والشاعر اللي مع هل الشعر مرموق = يدب قصيده قبل يدب عياله تطلع تحاليه على كل منطوق = والبيت يتباها بروعة جماله وختامها ياللي لكم ساس وعروق = فالصحف ولا النت ولا اي اله الشعر امانه مانبي كل مطفوق = يحفظ رساله لاتضيع الرساله[/poem] |
مرحبا × مرحبا × مرحبا ياعقاب
لي عوده بأذن الله ياذيبان :) |
حجز(2)
لي عوده ابو راكان |
واليوم ياهل العرف معـاد ابـه ذوق
----------------------قليـل مـن ينظـر بعيـن العدالـه ابيات جزله من شاعر جزل صح لسااااااااااانك ولاهنت تحياتي لك |
الله الله
عقاب الغنامي ،، ابدعت ومتعت صح السانك مدد ،، ودمت بخير |
اقتباس:
مرحبا ياعقاب وابدعت لاهنت صح لسانك مدد اخووك |
,
مرحبا ياعقاب صح لسانك وسلمت يمناك حضور مميز . |
[align=center]ياسلام سلم
الشعر لـه نقـاد معنـى وطـاروق والشعـر ديـوان العـرب لامحالـه والشعر مثل الجوهره جوف صندوق ولاكل من يسعى ورا الشعـر نالـه صح لسانك نص رائع ومعاني عذبه لك فائق الاحترام والتقدير تحياتي[/align] |
[align=center]
صدقت اخوي عقاب هذا حال اغلب الشعر للاسف ولكن يذهب الزبد جفاء ويبقى ما ينفع الناس صح لسانك ولاهنت تقبل تحياتي 00[/align] |
والشاعر اللي مع هل الشعر مرموق
يـدب قصيـده قبـل يـدب عيالـه تطلع تحاليـه علـى كـل منطـوق والبيـت يتباهـا بروعـة جمـالـه الله الله صح لسانك وبيض الله وجهك |
ياسلاااااااااااااااام
ياعقاب صدقت وابدعت اخوووووووك |
الله الله الله
شرحت لنا حال الساحه بالتفصيل وأنا معك في كل كلمه صح لسانك ملايين وسجذل متابعتي يا عقاب |
ابو راكان
صح لسانك ولاهنت عين الصواب بس ماقول الا الله يصلح حال الساحه |
ياسلام ياعقاب اشهد بالله انك ابدعت وكلامك عين الصواب ..
قصيده متعوب عليها من شاعر نطالبه بالجديد ويبشر بالاعجاب والمتابعه .. |
اقتباس:
ابو راكان والله ان قصيدكم يالغنانيم لحاله من غير قصور في الشعار الثانين احيان يمطر ذوق نرقا معه فوق = من شاعر واعي وسيعٍ خياله يغرف بحر والمستمع يشتعل شوق = يطرب لموضوعه ويرتاح باله واحيان يمطر ذوق مهوب موفوق = من شاعرن شعره على قد حاله لاهوب لاسابق وبالفكر مسبوق = ونظرت خياله ماتعدى ظلاله ياسلاااام وهنا ايضاً والشاعر اللي مع هل الشعر مرموق = يدب قصيده قبل يدب عياله سجلني من متابعي ماتكتب وصح لسانك وبيض الله وجهك |
الله الله الله
عقاب عز الله أنّك عديت الصدق لكن الله يزينها وتزين ومادام فالساحه ناس غيورين على الشعر من منهم على شاكلتك أبشرك أن الوضع يطمّن والشاعر اللي مع هل الشعر مرموق = يدّب قصيده قبل يدّب عياله كلآآآآآآآآآآآآآآآآآآآآآآآآآآآآم صح لسانك حتى ترضى متابعتي + خالص تقديري |
عقاب................ شاعر ومن سلالة بندر ابن سروررررررر
\ \\\\\\\\\\\\\\\\\\\ للد درك احوي العزيز |
احيان يمطر ذوق نرقا معـه فـوق
من شاعـر واعـي وسيـعٍ خيالـه يغرف بحر والمستمع يشتعل شـوق يطرب لموضوعـه ويرتـاح بالـه الله الله عقاب البيتين تعنيك انت والمبدعين امثالك مبدع لله درك والله لايضرك وصح لسانك |
أشهد إني لقيت لي شعر هنيّا وبس :)
لاهنت ياعقاب . |
فالح البقا طال عمرك
وصح بدنك |
الشعر امانه مانبـي كـل مطفـوق
يحفـظ رسالـه لاتضيـع الرسالـه عقاب صح لسااااانك ولا خوف على الشعر ما دمت من مبدعينه ,,, تقبل مروري المتواضع ,,,, خالص مودتي ,,, |
اقتباس:
الشعر أمااااااانه . أشهد بالله إنك قلت قصيده يفخربها الشعر .. وصفت حال الساحة الشعبيّه وصف دقيق .. عسى الله يصلح الحال وأناأخوك .. ولافض فووووك :) أرق التحايا .. |
| جميع الأوقات بتوقيت GMT +3. الساعة الآن 11:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية