منتديات المرقاب الأدبية - أنا..والحلم..والواقع..((ملح الحياه))

بسم الله الرحمن الرحيم

.
.
.

اسعد الله اوقاتكم بكل خير

هذه القصيده اللتي شاركت بها في برنامج شاعر المليون3

وتمت اجازتي بالاجماع من قبل اللجنه الموقره

والتأهل لمرحلة ماقبل الـ48

واتمنى من الله التوفيق والنجاح

.
.
.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تقدمنا بذكر الله.. نعد امن القصيد إجزال=على حد النظر قمه وانا من عام خابرها
سرجت احصان..مايفحم..ولايقصر مع الخيال=سواده ليل واوصافه تبيض وجه ذاكرها
كحيّلاني..أغر..أمحجل..أمضمر..عليه إجلال=على قد النوا يصمل من اولها الى آخرها
اسميه البحر..واضرب على مد السهول اجبال=كذا عزم الرجال افعال لاهاضت مشاعرها
بديت وغايتي لجل الوطن والدين والأجيال=بديت ورحلتي صعبه ولا ادري وش مخاطرها
اخذت السيف من صدق الحديث وموقف الأبطال=واخذت الدرع من نقدي على الفكره وشاعرها
واخذت الرمح للدقه..أصوب كلمتي بمثال=وآحارب فتنة الشهره ولو زانت منابرها
تعالي يالهجوس افواج ..ذا مخرج وذا مدخال=بصور لزمن صوره تعيش بعين قابرها
تموت احلام هالعالم ولا تبقى كما التمثال=ياصغر الأرض في نبض الشعور اللي مهاجرها
صحيح إن الأمل يكبر..يزيد من الظلال اظلال=كذلك نار في جنبه تشب ابما يجاورها
ماطاح الياس لو مره ولا طاح ابسببه إرجال=ولو دارت رحاه وكملت ناره مجازرها
معارك مع بني الانسان حسب الحل والترحال=هنا نخسر..هنا نقطع لعين الذل دابرها
هنا قوه..هنا نصنع رجال المال والأعمال=هنا تشهد لنا الدنيا بماضيها وحاضرها
تعال ودقق النظره وشوف الحال بآية حال=جلد واجهاد وامكافح مع افقرها وتاجرها
ابد مانلتفت لهل الكلام الميت البطال=على باب التشائم جاك صاغرها وكابرها
ترا ملح الحياه افعال يوم ان الرجال أشكال=ولاضاقت على مسلم ولاعدد خسايرها
يسايرها يجاهدها ..يحط آمال فوق آمال=ياكبر الأرض في نبض الشعور اللي يسايرها
وآنا والحلم ..والواقع..على نفس البحر والجال=على نفس المضيق اتضيق ..ماضاقت معابرها
يقولون الرجال أحظوظ..قلت إن الرجال أفعال=يقولون الخشوم اتباس..قلت اقطع مناخرها
توكلنا على الله وحده..بأمره يطيب الفال=فلاننظر عيون الناس لاطاحت نواظرها
تثقفنا بعلم الشايب اللي جرب الأهوال=فلا ناكل بإيد الغير..طايلها وقاصرها
ولا ناكل بأسم الجد لامن قيل هو من..آل=وإذا بك خير..خل أحفادك اتجاهر حناجرها
ولا نطلب حدٍ فزعه ولو إن الحمول إثقال=إذا ماجات من ربعي مارحت أكشف سرايرها
ولا نقحم عزاوينا على اية حال ولا أهبال=وإلا حامت سما..حمنا على حومة كواسرها
ولا نجهل حدود السلم..والعيّال له عيّال=ولا ناكل حقوق الناس مسلمها وكافرها
هذاك المجد وانواره..هذاك الحزن والأطلال=هذاك الشرع والمله..نواهيها..أوامرها
كذا حال الدروب انواع..مايصمل سوا الرجال=وآخير الخلق عند الله ..مجاهدها وصابرها
وانا ويا البحر ذالليل في راس الجبل نجتال=عساه إيقال صح إلسان شاعرها وناشرها[/poem]