ياخاطري ..!!
[align=center]من الخاطر إلى الخاطر ..
مشيوله بصوت الشاعر المبدع \ عادل العصيمي .. له مني جزيل الشكر .. اتمنى ان تلاقي القبول وترتقي لذائقتكم .. [rams]http://www.tntup.com/audio/audio/df88d9ccbeda7206a1a397edccc364d4/ya5a6ry.rm[/rams] [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لو قلت لك ياخاطري .. لا تضايق=طنش كلامي واتبع اللي يكدرك ماهوب لازم تقضي الوقت رايق = دام الصوادف والليالي تغيرك الوقت ما يخفي عليك الحقايق = الوقت قاسي والحقايق تدمرك ياخاطري وش فيك لو صرت ضايق !!= ( شي ٍ طبيعي ) دام محد ٍ يعبرك لايق عليك الضيق والهم لايق = هذا مصير ٍ وانكتب في دفاترك خلك جريح ولا تعد الدقايق = وخل الشقى والهم دايم يسامرك دنياك ما ترضى تعيشك فايق = ابدن ولا ترضى تريح مشاعرك بينك وبين دروب سعدك عوايق = دايم عن دروب السعاده تخدرك تمضي عليك سنين منته بطايق = واذا سليت يجد هم ٍ يذكرك غير اللذي مكتوب لك منت ذايق = خلك على وضعك وربك يدبرك ليت السعد ينباق وتصير بايق = ولا عسى همك يزيلك ويقبرك ياخاطري .. لو قلت لك لا تضايق ..!! = اسفه كلامي واتبع اللي يكدرك ![/poem] وسلامتكمـ .. أخوكمـ البريطاني :) ماهر النمر[/align] |
حجــز لـ القراءه ..
ولي عــوده .. |
غير اللذي مكتوب لـك منـت ذايـق
خلك علـى وضعـك وربـك يدبـرك حمدالله على السلامه بالعوده للمرقاب ياماهر :) حقيقه اسم مفقود وكان له حضوره الفاعل في قسم الكمبيوتر شعر جميل عليه من مانشستر علامات :) صح لسانك الف تحياتي/ حامد |
ماهر اهلا بعودتك
واهلا بقصيدتك التي استأنسناها واعجبتنا صح لسانك وتقبل تحيتي |
الله الله
ياسلاام ياماهر ابدعت ابدعت صح السانك مدد ،، ودمت بخير |
ماهر النمر
رغم كمية الحزن المركزة في النص الا ان حبك النص وسبكه ابداااااع |
ماهر النمر ,,,
صح لساااانك حتى ترضى ,,, نص فاخر وشيله رائعه ... تقبل مروري المتواضع ,,, خالص مودتي ,,, |
ماهر يا ماهر
صح لسانك .. جميل هذا البوح .. |
الله يمنع عن خاطرك الكدر يا نمر
أبدعت وأمتعت صح لسانك وسلمت |
ياسلالالام
ياصباااح الشعر ماهر النمر وشعر صح لك جزيل الشكر ,, صح لسانك . |
ماهر النمر
صح لسااانك ياماهر لاهنت على الابيات الجزلة تحياتي |
[align=center]ياسلام
الوقت مـا يخفـي عليـك الحقايـق الوقـت قاسـي والحقايـق تـدمـرك ياخاطري وش فيك لو صرت ضايق !! ( شي ٍ طبيعـي ) دام محـد ٍ يعبـرك صح لسانك نص جميل ومعاني فيها عذوبه لك فائق الاحترام والتقدير تحياتي[/align] |
[align=center]
اقتباس:
في انتظارك طال عمرك ..[/align] |
ماهر النمر
الله يكفينا وياك شر الضيقه و اخطارها صح لسانك يا لبريطاني :) تقبل الاعجاب و المتابعه ولاهنت , |
الوقت مـا يخفـي عليـك الحقايـق
الوقـت قاسـي والحقايـق تـدمـرك رائعه يالنمر رائعه صح لسانك مدد يالقرم وهاف أنايس تايم :) |
ماهر النمر
مبطين عنك يارجل عســـــــــــــاك بخير هذه الغربه وافرازات الغربه محكحكه عيار اربعه وعشرين تسلم اناملك ياماهر يانمر لاتضايق من طويلات الهموم ـــــــــ ماوراء ظيق الدروب الا السعه اهداء لك هذا البيت تقبل مروري المتواضع - |
| جميع الأوقات بتوقيت GMT +3. الساعة الآن 09:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية