توقيـت الحزن
أبيات متواضعة اتمنّى ان تصل لقلوبكم .. وتنال رضاكم ..
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] تنهيدتي موّال يومي معترف به ياسي = ما مر يوم ولا صدحت بصوته و غنيته ليلي وبالثلث الاخير اطريه مع هوجاسي = الموت كل الموت في حزني و في توقيته من ضيق صدر الامكنه .. قلّو بها جلاسي= من وسع فجوة هالفراغ ابطيت ما سدّيته شيّبت راس الصبر لين الصبر شيّب راسي= كم لي وانا اتحمّل جفا طول السنه عانيته مليت من طعم الغياب اللي معبّي كاسي = طعم الوصل ما مرّني كاسه ولا عبّيته حتى العروق من البطا ظميانه ويبّاسي = نشفت دماها في رجا ( ياعلّه و ياليته ) يا قصْر حبل الحب مابينك وبين احساسي= يا طول بالي يوم اداري جرحي بـ تسكيته يا كثْر ما قام و لعبّي فغيبتك وسواسي = يا كثْر ماهُدّت ظنون بقول ( ما ظنّيته ) واثرك هنا في جنّتك متهنّي و متناسي = تارك وراك العاشقه تندب هواك و صيته وشلون جالك قلب تجرحني كذا يا ناسي = ما كنّك اللي بالليالي الماضيه خاويته سبحان من غيّر طباعك يالرفيق القاسي = منت الذي فيما مضى عشقته و حبّيته مكتوب اضيّع وقتي ابحبك ومنْه آقاسي = مكتوب اعيش بحزن من صدّك ومن تاليته الا على طاري الحزن .. زكّن على هوجاسي = ليْجيب طاري للغلا لوّك خلاص انهيته وان شفت حطاب الهموم اللي مجوّد فاسي = قلّه ترى قص المشاعر من سنه ملّيته[/poem] |
1
حجز للقراءه :) |
من ضيق صدر الامكنه .. قلّو بها جلاسـي
من وسع فجوة هالفراغ ابطيت مـا سدّيتـه شيّبت راس الصبر لين الصبر شيّب راسـي كم لي وانا اتحمّل جفا طول السنـه عانيتـه مليت من طعم الغياب اللـي معبّـي كاسـي طعم الوصل ما مرّنـي كاسـه ولا عبّيتـه ياسلام ياسلام يادارين مبدعه بحق من الصور إلى البحر إلى الموسيقى يعني كلها شي شي صح لسانك ولله درك |
22222
دارين هذا الاسم النساائي المتوجه الى الصداره بكل شي شاعره وكاتبه ونااقده بمعنى الكلمه وهنا قصيده تنم عن وجود شاعره متمكنه واقرب ما قد تسمى ( بقوقل هارت) الف صح لسانك شااعرتنا دارين على هذه القصيده النابعه من الوجدان وقد نلمس بها الحقيقه شاعره كبيره كبيره صح لسانك |
الله . الله . الله
دارين ياسلام . ياسلام ابدااااع . ابدااااع الا على طاري الحزن .. زكّن على هوجاسي ليْجيب طاري للغلا لـوّك خـلاص انهيتـه وان شفت حطاب الهموم اللي مجوّد فاسـي قلّه ترى قص المشاعر مـن سنـه ملّيتـه ياسلااااام |
دارين
هنا الروعه لمصافحه الأبداع ,,, صح لساااانك حتى ترضين ,,, تقبلي مروري المتواضع ,,,,,,,,, خالص مودتي ,,, |
<<< مسجله دخول لخاطر عين هالدره الثمينه
شيّبت راس الصبر لين الصبر شيّب راسـي كم لي وانا اتحمّل جفا طول السنـه عانيتـه الله الله الله الله يا سلااااام ياداااارين ابداااع وحضور رااائع وملييئ بالجزااااله والتمكن صح لسااانك مليووون يالغلا ابدعتي لاهنتي ودي وتقديري و ج د |
ياسلام
بحر جميل وشاعريّه أجمل صح لسانك يا دارين ولاهنتي |
ياسلام
المبدعه دارين طرق قاسي ومفردات مرهفه :) صح لسانش ولاهنتي |
من ضيق صدر الامكنه .. قلّو بها جلاسـي
من وسع فجوة هالفراغ ابطيت مـا سدّيتـه ياسلاااام دارين ونص غير وشعور واحساس وفن غير صح لسانك . |
داريــــــــــــــــــــــــــــــــــن
يا كثْر ما قام و لعبّـي فغيبتـك وسواسـي يا كثْر ماهُدّت ظنون بقـول ( مـا ظنّيتـه ) واثرك هنا في جنّتـك متهنّـي و متناسـي تارك وراك العاشقه تندب هـواك و صيتـه وشلون جالك قلب تجرحني كذا يـا ناسـي ما كنّك اللـي بالليالـي الماضيـه خاويتـه سبحان من غيّر طباعك يالرفيـق القاسـي منت الذي فيما مضـى عشقتـه و حبّيتـه مكتوب اضيّع وقتي ابحبـك ومنْـه آقاسـي مكتوب اعيش بحزن من صدّك ومن تاليتـه الا على طاري الحزن .. زكّن على هوجاسي ليْجيب طاري للغلا لـوّك خـلاص انهيتـه وان شفت حطاب الهموم اللي مجوّد فاسـي قلّه ترى قص المشاعر مـن سنـه ملّيتـه لله درررررررررك وبدعك |
دارين
ابيات جميلة ورائعة ليس غريبا ً عليك الابداع صح لسانك لاهنتي تحياتي |
نص فارق في الجمال
حاولت أن أختار بيت ولكن كل بيت أبى أن يأتي متفرداً .. وصف حاله بطريقة تجعلنا نصفّق لكِِ على هذا البدع وهذا الشعر صح لسانكِ يادارين .. |
من ضيق صدر الامكنه .. قلّو بها جلاسـي
من وسع فجوة هالفراغ ابطيت مـا سدّيتـه شيّبت راس الصبر لين الصبر شيّب راسـي كم لي وانا اتحمّل جفا طول السنـه عانيتـه مليت من طعم الغياب اللـي معبّـي كاسـي طعم الوصل ما مرّنـي كاسـه ولا عبّيتـه الله القصيده مليانه لكن هالثلاث ابيات غير لله در الجمال ودرك صح لسانك مدد تحياتي |
الله , الله
يادراين قصيده رائعه بكل تعنيه الكلمه صح لسانك |
دارين
صح لسانك ولاهنت يامبدعه اسم يستحق القارئه والمتابعه |
الله الله
ابدعتي بحق يادارين صح السانك مدد ،، ولا هنتي |
الله عليج يادارين
صح لسانج والله ملايين قصيدة أعجبتني كوني بألف خير |
دارين
تمكن وابداع وجزاله صح لسانك تقديري |
أستاذه دارين
للتميز عنوان في متصفحاتك نص رائع وراقي الى حد الثماله مميز هذا الشعر درة من الدرر الشعريه بدون مجامله صح لسانك مدد شكراً لأرضاء الذائقه احترامي سيدتي |
دارين صح لسانك
وفكرك واحساسك هذا النص كتب بحرفنه شعرية رائعة تحياتي لك |
قصيدة متميزة بتميزك
ووالله انــّــا (( دارين )) انــّــك متميزه يا (( داريــن )) :) ... :) صـح لســانــــــك ك ك ك |
| جميع الأوقات بتوقيت GMT +3. الساعة الآن 04:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية