لغز من يحله
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ابا انشدك عن بنتن تغني"=" نص الليل تسمع في غناها

تاكل من طعامن مايهني"=" مااظنه يمري في حشاها[/poem]

ماغير سهيّة الليل ،

مير حل لغزي هذاه اللي ازريت فيه :


انشدك عن رجل عزيز ومحشوم=عشاق فن وكل نفشسٍ تحبه

يسوى الذهب واللي حرم منه محروم=هز الملوك وحكته عند ربه



؟؟

8
8
8


يافضيلة السيد عبدربه


عدّل الاخطاء أول وبعدين نعلمك <--- يعننّي عرفت الحل


وش نفشسٍ و حكته الله يخليك

هههههههههههههههه

صــادز فيه أخطاء ، لني اطبع العصر في الغدراء !


لكن هذا هو بالشكل الصحيح :


انشدك عن رجل عزيز ومحشوم=عشاق فن وكل نفسٍ تحبه

يسوى الذهب واللي حرم منه محروم=هز الملوك وحكمته عند ربه


مع انها ماتؤثر على بناء اللغز وخاصةً عند الشعراء اللي يعرفون السياق :)


سلام’ عليكم

وحكته عند ربه

يامرحبا يابو عتيق

اما هذا والله مااعرف حكته من جربه

اما رمعت طيبه

لكن ماحليته

ايه ياذيبان

سر عليه يالمسري

ههههههههههههههه

مار عاوني على لغز المطوع

واعلمك بحل اللغز:)

هلا يابو عتيق

ابك ابك

اللغز الكارثه هذا وشنهو

مار انت حل لغزي اول شي وبعدين احل لغزك:)

عرفتها تصدّق ؟



عرفتها























عرفتها :)















عرفتها الله يكفيني شرّها ..



<- وشهي طيّب ؟








هذي





هذي





هذي













هذي ي ي ي ي






(( البعوضه ))



وإن تسان ماهيب هي ماعاد عندي ولا قطره :(



..

يامرحبا مره ثانيه

للأسف يابو عتيق

اجابتك







































صحيحه




وبيض الله وجهك

ووجهك ..



همار لا تخليني عاوني على حل اللغز !


<- أبلش العالم :)

مرحبا يامطلق مرحبا

وشكرا على لغزك

اما لغز عبد ربه

الله والعالم انه القرآن الكريم ياعبد ربه

تحياتي

ماهوب اياه يابدر ..


سبق وطرحناها على راعي اللغز ..


هات غيرها ؟



:)

حسبي الله على ابليسك ياعبدربه عاد انا من النوع الفضولي في هالامور وبقعد اجهد المخ لين يطلع الحل

الله يعين

:)

هلا هلا يا عبدربه



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هذا الهدى جابه لنا خير معصوم = فيه النجاه لكل كافر وطبه
كتاب ربي من تقرّاه مرحوم = والله معدم كل نفس تسبه
وطلع خطا حلي ومازلت ملزوم = اجيب حله رغم عقلي تعبه
اجل حرم ربي فرج كل مهموم = اسود حجرها كل شامخ يحبه
هز ابرهه يومه نوى هدمه بيوم=اسود مثل وجهه ومات ونشبه[/poem]الحرم الشريف

وانشالله اني جبته ياذيبان

تحياتي

وان كانه خطا بعد اجل اخذ هذا واكيد انه هو

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هو الشعر ياصاحبي علم معلوم=ياما تغنوا به بنبض المحبه
ومن الشعر حكمه حديث اشرف القوم=لا جاك مثل الدر من جوف غبه
وشعر المديح اضمن من البيع والسوم=وللأخذ من مال السلاطين سبه[/poem]

الشعر ياعبد ربه الشعر

العلم ياراعي اللغز

وين انت ياعبد ربه

:)

وللعلم محمد العزب يشارك ويقول الحرم الشريف

تحياتي

معك معك يابوناصر ،


اف
لاكن مالك لوى ى ى ى .. :)


في الأوله والتاليه واللي بعدها !



سلام’ عليكم

يالله دخيلك

انت متوكد واتعرف حله واذا تعرف حله قربنا منه ولا بعيد

:)

والله فيه واحد عندي هنيه يزن من امس يقول انه (الحُكم) ومالقيتله بال

ومايندرى

تحياتي

الله يبلش عدوك ياعبدربه

لكن تدري اليك هذه الرمعه السماويه

مدري وش طراء على هدهد سليمان ولقيته مقارب ماعدى يسوى الذهب الظاهر انه ماينطبق عليه

المهم الرمعه وصلتك ولاتبطي بالرد

مردي ليش مستعجل هههههههههه

تحيتي لشخصك

اطيب تحيه >>>يبي يقنعه بالحل>>>>:092:

الموردزي .. :)


مالك لوى أنت واللي يزن !



..


عنمّا بالنسبه هل اعرف حله والا ما أعرف ، خلني اكون معك سريح !


أول ماطرحته ماكنت أعرف الحل ، هاثم لزمت راعيه وسعلته يوم شفت الرياجيل قاموا يتداحمون والرمعات جايٍ لها نطـل !


أحيت ؟


أمّا من ناحية وش بعدكم من قربكم ، فأقول ، منتم بفديرته ولا أنتم بعيد عنه !

<--- هاااا دبرها هالحين :)



أي نعم .


..

الرويس .. :)

اقذلها قدهي مقذوله !


هدهد سليمان ماهوب إيّاه ..




عطني وش عندك غير ؟؟



..

عبدربه دوك المحاوله

(((اللسان)))

تحياتي