[بقــايا مـن غــرام]
سلام عليكم
صبـاح/مسا/كم خير :) المواهب له علينا حق وأبيات للتواصل .. عسى تنال على شي من الاستحسان واسمحولها على التقصير . . [poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] على رجم الهوى .. والمفارق .. ودمع العين=بقت ذكرى قديمة تجر الصوت وتنوح أداريها من الناس .. وعيون المغلين=وأماري في وفاها بلد .. وأشيد صروح أجامل محدثات الزمان وجورها الشين=ووقف لها وقفة بطل ياعساها تروح وأسابق مجريات الدقايق وفالي زين=ولكن ّ الدقايق تجي لي بلا مصلوح .! على الله .. يازمان العتب من وين لاوين=تعبت أسبر وأخيل البروق اللي لها ضوح ليا مني نويت أدله بـ .. قلبي من البين=يهيّض خاطري سالفة عيشة وممدوح .! وأقول الله يعين المواليف المحبين=أثر حالي مع أهل الهوى بيّن ومفضوح .! زمان العام طاريه حلّ ومعه ثنتين=[بقايا من غرام] الزمن .. وشوية جروح أحدها سبب النكسة بوسط الشرايين=والآخر ضيّق الخاطر وضاقت به الروح .! آتجلد وادحم الموقف بـ .. جنب ٍ متين=وأتسامح .. وآتصبر ولو ماني سموح وإلى منه هجدنا المساء والخلق ممسين=أجر الصوت ولسان حالي يقول صحوح .! أسج الهاجس الين يبدا الصبح ويبين=وأعديبه فجوج وخلا .. وجبال وسفوح اسلي خاطري باتسلا وسط سالين=لعلّ القى ملاذي من كبود ٍ لها فوح يدور الوقت والغالي يجي مع الغالين=مع الذكرى ينوح وطيور الحمام تنوح يصبرني على ماضيه فـ .. الزمان الشين=سواليف الغرام وشوية ضحك ومزوح .![/poem] وسـلامتكم |
اكد الحجز يا فراج ولي رجعه ...... باذن الله ,,
|
الله الله يا فراج
صح لساانك ولا هنت يالغالي مبدع دائماً |
يامرحبا يافراج
القصيده يبيلها قعده وانا اخوك وانا والله اني مستعجل :( اعتبر هذا حجز لين القى وقت امخمخ لها :) سلام ياكبتن |
ياسلام ياسلام
صح لسانك وجملت المواهب يابوفلاح لاهنت |
اقتباس:
الله عليك يا فراج حرام ما فيها قصور و لا في راعيها قصور اشهد انها قصيده وافيه وافيه وافيه و راسها طويل لله درك و انا اخوك و بيض الله وجهك شااااااااااااااااااااااااااااعر لله درك تحياتي و اعجابي يا قرم |
غلاب بن عايض
يامرحبا بك انت وحجزك :) في انتظارك دمت بخير |
فراج القرقاح :
قصيدة رائعة بالحيل شرفني مروري من هنا تحياتي .................... |
زمان العـام طاريـه حـلّ ومعـه ثنتيـن
[بقايا من غرام] الزمن .. وشويـة جـروح أحدهـا سبـب النكسـة بوسـط الشراييـن والآخر ضيّق الخاطر وضاقت به الـروح الله الله الله الله اشهد بالله انك ابدعت يالسمي صح لسانك واعتلا شانك اخوك |
[align=center]صح السانك
يافراج مبدع لاهنت تقبل اطيب تحيه[/align] |
الله الله يا فراج
صح لسانك ولا هنت |
محمد بن مصوّي
مرورك تشريف وغالي على قلبي صح بدنك ولاهنت يامحمد |
ابو مشعل
صح لسانك صح لسانك صح لسانك مبدع ومبدع ومبدع تمكن رهيب وبحر مايتقنه الا مبدعين تحياتي واعجابي .. |
الله الله ,,
يا سلااااااام يافراج ,, مبدع كـ عادتك عز الله صح لساااااااااانك :) |
اقتباس:
فراج القرقاح أحد المبدعين في هذا الصرح ولكن في هذه القصيده اوافق رأي ابوراكان وباقتناع |
اقتباس:
أررحب يابو راكان ومرورك بحد ذاته يزيدني ويشرفني ويسعدني في انتظارك ياغالي دمت بخير |
الله الله
يااااااسلاااااام فراج القرقاح وين ذا الغزل ماشفناه والله روعه وجمال ياصديقي صح لسانك واعتلا شانك يامبدع |
يدور الوقت والغالـي يجـي مـع الغاليـن
الله فراج القرقاح شاعرية مذهلة .. بحر \صياغة\سلاسه .. لله درك اخي ووو صح لسانك ملايين.. |
فراج القرقاح
صح لسانك لين ترضى عانقتها في اكثر من موقع وتجدد الاعجاب في كل مرة تحيتي وتقديري واعجابي اللي ما يخفاك من مبطي |
فراج القرقاح ,,
صح السانك ,, ابدعت ابدعت ,, تحياتي وتقديري ,, |
وعليكم السلام ورحمة الله وبركاته
فراج قصيده مكتملة الجوانب والكامل الله صح لسانك تقديري |
فهيد بن عصيدان
يامرحبا والله ومسهلا مرورك غالي على قلبي :) صح بدنك ولاهنت دمت بخير |
| جميع الأوقات بتوقيت GMT +3. الساعة الآن 04:18 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية