الوســــــــــــم ؟؟؟
[align=center]السلام عليكم ورحمة الله وبركاته أقدم لكم هذه الابيات التي نظمتها على عجاله .[/align]
[poem=font="Arabic Transparent,6,darkblue,bold,normal" bkcolor="transparent" bkimage="" border="double,4,skyblue" type=1 line=0 align=center use=ex num="0,black"] الوسم من عمق البحر قام ينسـاق=وارخى على شبه الجزيره سبولـه بيض نصوبه لا تعرّض للاشـراق=مثل الرغاه عن الحليـب معزولـه مجتثّه الرحمـن مفتـاح الارزاق=اللـي ملايكتـه بالاقـلام حولـه مابات له في عاليـة نجـد بـراق=قام يتلاعج بارقـه مـع وصولـه يوم ايتهشّم بالرعد فيـه مشتـاق=لطهر بقاع الكون عرضه وطولـه دمعة عيونه بيّدت حـزن الاوراق=في دولة تفخـر بهـا كـل دولـه أم المساجد والمكـارم والاخـلاق=فيها حرم مكه ومسجـد رسولـه خلّوني أتونس بعد خاطـري فـاق=يومين حتى نجـد تفـرش زلولـه نبته جديد ومطلعـه تـو ودقـاق=ياخذ غذاه من الثرى ومحصولـه وليا تكامل واختلـط كـل مـالاق=كثروا كواشيتـه وكثـروا نزولـه تلقى هل البل فيه من كـل الاذواق=اللي قرب واللي تطـرّف بشولـه ماشال من سوق العلف هم وارهاق=على الضحى الضاحي ينوّخ ذلوله وناخذ لنا سجه شمالٍ مـن نطـاق=في خايعٍ عطره ماهو عطر تولـه مع رفقة اللي للمواجيـب سبّـاق=دايـم ميولـي مايباعـد ميولـه هرجه يوسّع خاطر ي كل ماضاق=ولياحضر بين الرجـال انصتولـه ماعاش له في مجتمع كذب ونفاق=حلوين الالسن والقـوب معلولـه [/poem] [align=center]وسلامة الجميع[/align] |
هذا والله القصيد اللي له طعم
اشهد بالله ان الحي يحييك .. قصيده فالحيا نفع الله به العباد والبلاد . من شاعر له وزنه وثقله في الساحه الشعبيه . لله درك ياحمدان . اخوك . |
الله الله الله
يا سلام عليك مبدع والله يا حمدان قصيبده غير وانت دايم غير صح لسانك ولا هنت لك كل الود والمتابعه :) |
الله الله يا ابو راكان
صح لسااااانك حتى ترضى نص كبيييييير من شاعر عملاق تقبل مروري المتواضع خالص مودتي |
اقتباس:
[align=center]شكرا على مرورك الجميل واطراءك الرائع ولاعليك زود تقبل تحياتي[/align] |
الله الله الله
حمدان العصيمي صح السانك مدد ،، ابدعت ابدعت ابدعت بحق دمت بخير |
دايم وأنت راعي ذوق يابو راكان
لاعدمتكــ ولا عدمت أبداعاتكـ تحياتي لكـــ ......ـ |
الله الله يا حمدان
الله يطرح في الامطار البركه ويسقي ويرحم البلاد والعباد لا هنت لا هنت وصح لساانك تقديري ! .. . |
صح لسانك ياحمدااااااان
قصيده في الحيا الله ينفع به ابداااع وتميز الله لا يضرك |
حمدان
قصيده وافيه من راسٍ وافي صح لسانك تقديري |
صح لسانك يا حمدان
قصيده تشبه المطر ومبروك علينا المطر تحياتي .. |
الله ياحــــــــــــــمدان صح لسانك
مع إعجابي بماا تقول دايماً |
اقتباس:
الله الله الله الله الله الله الله الله الله حمدان العصيمي شاعر جزل ومبدع عزالله اني انطربت للقصيدة صح لسانك صح لسانك صح لسانك اعجابي ومتابعتي دمت بخير |
حمدان العصيمي
خلّوني أتونس بعد خاطـري فـاق يومين حتى نجد تفـرش زلولـه نبته جديد ومطلعـه تـو ودقـاق ياخذ غذاه من الثرى ومحصولـه وليا تكامل واختلـط كـل مـالاق كثروا كواشيتـه وكثـروا نزولـه تلقى هل البل فيه من كـل الاذواق اللي قرب واللي تطـرّف بشولـه ماشال من سوق العلف هم وارهاق على الضحى الضاحي ينوّخ ذلوله وناخذ لنا سجه شمالٍ من نطـاق في خايعٍ عطره ماهو عطر تولـه مع رفقة اللي للمواجيـب سبّـاق دايـم ميولـي مايباعـد ميولـه هرجه يوسّع خاطر ي كل ماضاق ولياحضر بين الرجـال انصتولـه صح السااااااااااااانك 100000000000000000 |
اقتباس:
[align=center]صح بدنك ولاهنت على مرورك الجميل تحياتي[/align] |
لله درك ياحمدان
هذا الشعر ولا بلاش |
صح لسانك يا حمدان .. و هذي طراة الحياه
لا هنت .. و لله درك أينما كنت :) أخوك/محمـــد ال عبـــدان |
اقتباس:
[align=center]شكرا على مرورك الجميل وصح بدنك والله لايهينك تقبل تحياتي[/align] |
تسلم وبيّض الله وجهك ياحمدان :)
أشهد إنك غنيت .. وعسى الله يبارك في مآثر الحياء ، ويفكه من المربعانيه ! سلام’ عليكم |
[align=center]علي بن بندر
صح بدنك ولاهنت على مرورك[/align] |
[align=center]عبدالله مقبل
أبو عبدالرحمن مجرد مرورك يشرفني تقبل تحياتي واله لايهيينك[/align] |
| جميع الأوقات بتوقيت GMT +3. الساعة الآن 10:58 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية