المعاميل شايلها بظهر السفاري
 

أحبتي في منتديات المرقاب
السلام عليكم ورحمة الله وبركاته
آسف للغياب وإليكم جديدي عسى أن يروق لكم

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مانسينا الوعد يابو فهد وانت داري=والله إنا على شوفـك نسوق البشاره

المعاميل شايلها بظهر السفاري=والتعب لجل راعي الطيب ماهو خساره

دام ساقي طليق وفي يديني قراري=ماطلبت الإجازه من مدير الإداره

راحة البال يوم اضرب فجوج البراري=مع رجالاً عزاز ومعرفتهم تجاره

ننتظر ميلة الفيّه بوقت العصاري=ثم نهزع يمين الخط وإلا يساره

ثم نركز مخيّمنا بهاك الخباري=والفياض التي مادنّستها الحضاره

مير عيّت ظروفي لاتجي باختياري=كلما قلت زان الجو ثوّر غباره

بعدما كان محفوظ المدير الإداري=صار في خدمة اهل البيت سوّاق طاره

ضاق صدري من العادم وصوت البواري=والطوابير بالساعات عند الإشاره

كل يومٍ على المنهاج يطريني طاري=أحسب الوقت والميعاد طال إنتظاره[/poem]

حجـــــــــــــــــ111111111111111ــــــــــــــــ ــز


ياللهلالي

الله الله يا سلاااااااام


على الجزاله والأصاله


صح لسااااانك يا محفوظ


ولا عاد تغيب طال عمرك


تقبل مروري المتواضع

خالص مودتي

الشاعر محفوظ الهذلي




صح لساااااااااااااااااااااانك لين ترضى




وبيض الله وجهك



مودتي ومتابعتي

الراقي : مناحي الفرزه

اهلاً بمبادرتك الراقيه

أنتظر عودتك

وألف شكر ياكبتن

صح بدنك ولاهنت

ألف شكر على المرور الراقي

الراقي : فايز ابورجيله الثبيتي

وجهك أبيض طال عمرك

صح بدنك ولاهنت

دام ساقي طليق وفـي يدينـي قـراري
ماطلبـت الإجـازه مـن مديـر الإداره
راحة البال يوم اضرب فجوج البـراري
مع رجـالاً عـزاز ومعرفتهـم تجـاره

الله الله

محفوظ الهذلي

صح لسانك واعتلا شانك

شوقتنا للبر ياشيخ جعل يبطي يومك

تقبل تحياتي ومروري يا مبدع

عليكم السلام ورحمة الله وبركاته

مرحبا ومسهلا بالشاعر القدير والاخ الكبير
محفوظ الهذلي

الله يحييك ونوّرت مرقابك

لا تحتاج لاشادة نعرفك ونعرف نتاجك المميز

صح لسانك على هذه المميزه ودمت على الطيب ،


..

محفوظ الهذلي


صح الله لسانك على هذه الرائعه

الراقي : سعود ناهض الرويس
مرورك يشرّفني طال عمرك
صح بدنك يالغالي

الله الله يا سلاااااااام


على الجزاله والأصاله


صح لسااااانك يا محفوظ

راحة البال يوم اضرب فجوج البـراري
مع رجـالاً عـزاز ومعرفتهـم تجـاره

حي والله ذا الطاري هذي والله المنوه ومفارق الديره غنيمه

صح الله السانك ولا هنت على ذا الابيات الطيبه

وفقك الله

مير عيّت ظروفـي لاتجـي باختيـاري
كلمـا قلـت زان الجـو ثـوّر غبـاره

مير عيّت ظروفـي لاتجـي باختيـاري
كلمـا قلـت زان الجـو ثـوّر غبـاره


صح لسانك يابو نايف

والجزالة شيء بديهي في شعرك


لاعدمناك يالغالي

.

الله الله عليك

اشهد بالله انها تعلق في الاذهان


صح لساااانك

تحيتي

محفوظ الهذلي


صح لسانك وبيض الله وجهك





سلمت ولاهنت ،