شاعر المصيف ... مصافحة اولى
 

بسم الله الرحمن الرحيم

اعضاء وزوار المرقاب

السلام عليكم

يسعدني ويشرفني الانظمام معكم في هذا الصرح الشامخ

كما اتقدم بالشكر الجزيل للجنة التسجيل بالمرقاب وللشاعر والاخ عوض ناشي لدعوته لي

مصافحة اولى لقلوبكم الطيبه هذه القصيدة البسيطة التي شاركت بها في مسابقة شاعر المصيف لهذا العام 1429هـ




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شعت الأنوار وانا كن من يزهمنــــــــــــي=وشرّعوا باب القصيد وجانـــــــــــي العزامــــي
المعاني مستضيفه والشعر عازمنـــــــــي=آخذ ٍ مني عهـد وموقعــــــــــه ببهامــــــــــــــي
وجيت أوفّي في مواعيدي قبل يتهمنــــي=تهمة ٍ في غيبتــي تبقـــــــــى مع الأيامــــــــــي
الشعر من صغر سنّي وهوه إملازمنــــي=مع رياجيل الجزالة ليــن صـــــــــار الزامــــــي
كل ماجيت ارسمه في واقعي يرسمنــــي=رسمة ٍ لاشـــك تتعــب ريشــــــة الرسامــــــــي
لين حتى في حياتي كلها قاسمنـــــــــــي=والله إني قاســـم ٍ له من خيــــــــار أقسامــــــي
كان ما اجيب الجزيل اعتب علي ولمنـي=دام لي عين ٍ تقـــدي فالطريــــــــق أقدامـــــــي
في حضوري قوة الأنظار ماتهزمنـــــي=الذخيرة صنع فكـــري والحــــــــزام احزامــــي
والهدف واضح مادونه حاجة ٍ توهمني=والسلاح ينومس الرامــــي وانا اللي رامـــــــي
التجارب علمتني ما حد ٍ علّمنـــــــــــي=لوتطيح أعلام الأمــــة ماتطيــــــح أعلامـــــــي
والرجال اللي تجيد النقد ماتظلمنــــــي=راضياً قدّامهـــــا وارضابهـــــا قدّامـــــــــــــــي
قبل يضحك لي هذاك وقبل ذا يشتمنـي=طمعتي ماتنحصــــر فــي ورثــــة الأيتامــــــــي
طمعتي ليت الخلائق كلها تفهمنـــــــي=يوم اشمّر واسقي الضامي وصدري ضامــــــي
هقوتي فوق النجوم وعزتي تحكمنــي=لو ما احقق حلم واحد من جميع أحلامـــــــــــي
والبشر من رزقي المقسوم ماتحرمني=تحــرق الأوراق والاّ تكســـــــر الأقلامــــــــــي
والمهبّل تدحم أنفسها ولا تدحمنــــــي=عائشة فاحلام طول أيامها واوهامـــــــــــــــــي
بين هدّ وردّ هوشة فكنّي والزمنــــــي=مبتلــش فيهــــا خبيـــر النقـــد والإعلامــــــــي
في زمان ٍ ما حد ٍ يرغب لحون الظمني=ولا حد ٍ يرغـــب قصائــد بنــدر القسامــــــــــي
مايبون إلاّ قصيد اصويحبي خاصمنـي=راح يم الشرق وانا رحت يم الشامـــــــــــــــــي
مرسل ٍ له رقم جوالي ولا كلمنــــــــي=ياخسارة كيف ينساني وينسى أرقامــــــــــــــي
شعر هذا اليوم جاملني ولا تصدمنـــي=وقل يابو عــــرام لو مانيــب ابو عرامـــــــــــي
ولا تقيّم شعري اللي جايبه قيّمنـــــــي=رزّتي وحلاقة آخر موضه وهندامــــــــــــــــــي
واخذ لي صورة وتكفى تحتها قدمنــي=وكان تقدر حط لي صــورة بجنــب أريامــــــــي
ياكريم الوجه مما صابهم سلمنــــــــي=وعافهـــم ممـــا ابتلاهـــم والســلام اختامــــــي [/poem]

تقبلوا خالص تقديري

اخوكم / عيد الجعيد

وعليكم السلام ورحمة الله و بركاته

ومرحبا بك بين اخوانك ياعيد

ومصافحه اولى تدل على الشاعريه والابداع

صح لسانك

تقديري

ياهلا ومسهلا

حياك الله يالجعيد في مرقاب الابداع والمبدعين


وصح لسانك على القصيده الجميله والمعبره



تحياتي ..

عيد الجعيد


هلا وغلا


مليوووووون .. زان المرقاب بوجودك .. وصح لسااااااانك


شاااعر مبدع ومتمكن


ولاهان الشاعر عوض الجعيد لدعوته لكـ


تقديري واعجااابي

وعليكم السلام ورحمة الله وبركاته

مرحبا ومسهلا يا عيد

والله يحييك بين أخوانك في مرقاب الجميع


وابو ناشي ما يدعو الا الطيبين شرواك


التجـارب علمتنـي مـا حـد ٍ علّمنـي
لوتطيح أعلام الأمـة ماتطيـح أعلامـي

والرجال اللـي تجيـد النقـد ماتظلمنـي
راضيـاً قدّامهـا وارضابـهـا قـدّامـي


الله الله

الله الله


صح لسانك ودام تواصلك ،




..

الله يحيك

وارحب تراحيب المطر يابن العم

ومرخبا هلا بين اخوااااااااااااااااانك

وصح السانك مليااااااااااااااااااار

يامرحباااااااااااا ياعيد ربي يحييك


في مرقابك وبين اخوانك


وصح لسانك


وعلااشانك


اخوك

الله يحي هذا الابدااااااااااااااااااااع



بيننا وتستاهل شاعر المصيف



وبيض الله وجهك

يامرحبا ياعيد







يالله حيه






اسفرت ونورت







صح السانك مدد بلا عدد

عيد الجعيد


صح لساااااانك حتى ترضى


شاعر المصيف


تقبل مروري المتواضع


خالص مودتي

الشاعر الغااااالي

عيد الجعيد ( شاعر المصيف )

مرحبا مليون يابو مشعل في منتداك وبين اخوانك

والمرقاب يفخر بالمبدعين امثالك

وصح لسااااااااااانك مليار

التجـارب علمتنـي مـا حـد ٍ علّمنـي
لوتطيح أعلام الأمـة ماتطيـح أعلامـي
والرجال اللـي تجيـد النقـد ماتظلمنـي
راضيـاً قدّامهـا وارضابـهـا قـدّامـي
قبل يضحك لي هذاك وقبـل ذا يشتمنـي
طمعتي ماتنحصـر فـي ورثـة الأيتامـي
طمعتـي ليـت الخلائـق كلهـا تفهمنـي
يوم اشمّر واسقي الضامي وصدري ضامي
هقوتي فوق النجـوم وعزتـي تحكمنـي
لو ما احقق حلم واحد من جميع أحلامـي

جزل ومبدع

هنا الشعر الحقيقي

تشرفت بسماعها منك في اول حلقة بالمسابقة وهنا اعانقها على مرقاب الشموخ

اكرر صح لساااااااااانك يامبدع

تحيااااااااااااااااتي

عيد الجعيد قصيده تكتب بماء الذهب

حياك بين اخوانك ولاشك سوف تفيد وتستفيد وشاعريتكط لاغبار عليها يالغالي ..

اخووك .

عليكم السلام ورحمة الله وبركاته

عيد الجعيد


مصافحة اولى رااائعه


اعجابي وتقديري


أخوك

الله الله الله

عيد الجعيد

يامرحبابك في مرقابك وبين اخوانك

قصيدة شاعر بلا شك

صح السانك مدد ،،

ودمت بخير

عيد الجعيد


مرحبابك في المرقاب والله يحييك ،


مصافحة جزلة بلاشك وشاعر جزل


صح لسانك لاهنت يالقرم

تحيات اخوك

عيدالجعيد

يامرحبا ويامسهلا

صح لسانك لين ترضى على ها النادرة

شاعر ومبدع وجزل

تحيتي وتقديري

مبدع ياعيد



صح لسانك ولاهنت