مصافحه اولى من العملاق
 

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما بين الخيال و صحوة البال و التفكير = تنقيت لي من شرّد الفكر غاليها
أسلي بها نفسي من الهم والتعكير = واداوي جروحٍ ما لقت من يداويها
اغنّي بها وادرا عليها من التقصير = واصحح خللها واتفقد معانيها
وانا لي حبالٍ تاصل الما بقاع البير = جباها قريب و صافي الما يغطيها
و ربي هو الكامل وبيده يسوق الخير = و عنده موازين الضماير و ما فيها
وقلبي هواجيسه تروده ضحا و عصير = ولولا ضلوعي كان فارق محانيها
تلوعه علوم اهل الحكي نافخين الكير = و ضو المناره تحرق اللي يصاليها
تحاول تهز النير واللي يهز النير = يكسر قرونٌ فوق راسه ملّويها
الا يا مجاهد والمعاني لها تعبير = ولا للمعاني لاستوت غير راعيها
الا يا زبون القاف والفن و التصوير = حدتني هجوسي وانت تقدر تباريها
خذ العلم والموجز على صفحة التقرير = علومٍ تروّج بين بايع و شاريها
شراره تولع شعلةٍ تسبق التفجير = ولو ولعت ما حصلت من يطفيها
ما ندري عن الدنيا بعد ما يلف السير = عسى الله يخارج من نتايج بلاويها
نحاول على قصر المعزه يعيش بخير = بوجه العواصف يوم ترسل ذواريها
خيوط العناكب ما تذري فروخ الطير = ليا رفرفت با جناحها ما تذريها
بسيطه و لاهي مشكلة فتح والتحرير = و لكنّ شاشت لين كبرت علابيها
ولو دبروها يوم جت با حسن التدبير = ما كان التفت عالي البشر صوب واطيها
عسانا نجنب راعي الكذب والتزوير = وناره بنفسه تشتعل لين تنهيها
و حنا نفرق معدن الفض والقصدير = بضايع و سوق المرجله ما يدانيها
تحية وفا واختم بها محضر التحرير = ولا للمحاضر غير رجل يعانيها[/poem]

الله الله الله


علي الحبابي


هلا وغلا بك وبحضووورك


مصافحه . وشعر. وشاعر يجبرنا على المتابعه ويدهشنا بأبداعه


تقديري لكــ

علي ضاوي

هلابك بين اخوانك

ومصافحه اولى تدل على شاعريه قويه وحضور مميز

صح لسانك

تقديري

مرحبا وغلا بالأخ الكريم محمد بن رشيد ويكفييني شرف مرورك طال بقاك

الله يحييك يا فالح وصح بدنك يا غالي

مرحبابك اخوي عيسى والله يصح بدنك و يرفع مقدارك

أرحب أرحب أرحب يالعملاق :)
مرحبا ومسهلا

شاعر جزل وشاعر متمكن ويجبرنا على متابعته

صح لسانك عددها بيت بيت
وسجل اعجابي ومحبتي ومتابعتي
دمت بخير

صح السانك ولاهنت يالغالي


التحيه والتقدير

أقسم بالله إنها من أفضل القصائد التي مرت علي في الآونة الأخيره
صح لسانك و الله .. و لا عدمنا فكر هذا نتاجه
تقبل تحياتي و تقديري و متابعتي




:)




أخوك/محمـــد ال عبـــدان

-

خيوط العناكب ما تذري فروخ الطيـر
ليا رفرفت بـا جناحهـا مـا تذريهـا


ابو ضاوي انت مجّرم وراك ما حطيت القصيده فـ الشعبي ؟ هذي مكانها صدر الشعبي :(



عمومآ والشهادة لله اشهد بالله انك ابدعت صح لسانك مدد



تحياتي

اخوك
خالد

يا هلا ومرحبا يا علي

مصافحه جميله وحياك الله في منتداك

صح لسانك وسلمت

عز الله قصيدة عملاق

مرحبا بك يا علي الحبابي

والله يحييك بين اخوانك
وصح لسانك عدد حروفها ،،


..

تبقا ولا عليك زود طال عمرك ومرورك محل شكري ياغالي

صح ابدانك و مرحبابك يا فهد

لو ما جاني الا كلامك والله انه يكفي لا هنت والله يبيض وجهك

صح بدنك والله يبقيك
يا مشعان وانا والله من أشد المعجبين بقصايدك يالغالي

لاهنت وعسى عمرك طويل

اخوي خالد والله جاك اللي ما بعد عرف الفرق بين ذا وذا ولكن ولكن شرفتني بمرورك جعلك تسلم والله يصح بدنك

هلا بك يابو مناحي وصح بدنك

ارحب ارحب يا سداح وافي وعلومك غانمه والله يبقيك و يصح بدنك

الحبابي علي

قصيده اكثر من رائعه

صح لسانك واعتلا شانك

مبدع ومصافحه تصافح الافق ابها

تقبل تحياتي ومروري وبأنظار جديدك

علي الحبابي

حياك الله في مرقاب الجميع

مصافحه أولى تنبأنا بقدوم شاعر

صح لسانك مدد وسلمت

سجّل متابعتي