ملاك في صورة بشر .. !!
 

[align=center]السلام عليكم ورحمة الله وبركاته ...

قصيده من الأرشيف ..

أترككم معها ..[/align]


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه طـرّاك هـاجوسي وانا وسـط المنـام=وقمت أتفكر قدرة الله فيك يالترف الأصيل

لو جيت أبوصف ما بدالي منك .. ضاع بك الكلام=مضياع من وسط الخلا خلي ولا له من يعيل

يا درّه بغبّة بحر لا هي تباع ولا تسام=يا نادره بالوصف والتوصيف في وصفك يهيل

سبحانه اللي صورك ثم ميزك عن الانام=الزيـن كـله والدلـع والمـلح وهروجك قليل

عينك عيون الحر لا من جاع ثم شاف الطعام=ويزهاك عقد الماس لا شفته على العنق الطويل

لبيه ياللي نظرتك تسحر .. وبعيونك سهام=والوجه برقٍ لاح في وسط السما قدم المخيل

لا اقبلت يمي شفت وهّاجه وانا وسط الظلام=ولا اقفيت غاب النور بإقفايتك يالطرف الكحيل

والخشم لامني تحليته كما سلة حسام=والا الشفايف حكيها معسول لهمومي يزيل

يا بري حالي كل ما شفتك لا قطيت اللثام=يصيبني عله من اسبابك وانا قلبي عليل

وخصرك يقولون العرب يا كيف مافيها عظام=والجسم كنه مزهريه .. او حلي دلال هيل

ومشيتك لامنك مشيت .. وطولك اللي له مقام=مشي الاناقه والترف لايق على الخصر النحيل

وهذا ترى موجز عن اوصافك ومن قبل الختام=يا صاحبٍ دمر حشاي وصرت له مثل القتيل

أهديتلك حب ووفا وأرخيت لك حبل اللجام=أبيك تفهم يالغلا مغزاي .. وجروحي دليل

لا تذبح اللي يعشقك وهو بحبك مستهام=اشفق عليه .. و لدّ فيه .. ولا تزود الطين سيل

يا وجد حالي وجد منهو فوق عال الجو حام=قدام عينه وخذت فروخه وساء به السبيل

والا كما قايد لقوم وله يردون السلام=ودارت به الدنيا وعقب العز صار أكبر ذليل

عليك يامن صارت ضلوعي من اسبابك عدام=لقيت لك جمره وفجرت الحشا مثل الفتيل

هواك يا خلي مغربلني وحطمني حطام=وغلاك يجري في العروق وما بقى بالقلب حيل

(هزمتني يا زين وانا ما عرفت الإنهزام)=حسبي عليك شلون ما تاوي ولا تدخل دخيل

إن كان ودك بالفراق .. أبعد وانا نسل الكرام=مانيب من يطرد ورى المقفي ولو ماله مثيل

وإن جيتني .. يا مرحبا بك عدّ وبّـال الغمام=ترحيب وافي من وفي بإعداد ما سال المسيـل

وبآخر كـلامي يحفظك ربي من عيال الحرام=ملاك في صورة بشر وشلون .. سبحان الجليل[/poem]

فيصل بن دبيل


صح لسانك .... جزل وااافي



تقديري


أخوك

.
.




الله الله يافيصل..


بـ البدايه الف مرحبابك في منتديات المرقاب الأدبيه ..
واما عن القصيده ( فيصل بن دبيل العصيمي ) لايأتي منه إلا الجميل ..
صح لسانك ياجميل ولاهنت ..




.
.

مـرحـبـابـك يافيصــل


هـاذي السـاعه المبـاركه



صح لـسانك مـدد


أزكـى تـحيــه

هـــادي اليــامي

صح بدنك وشرفني مرورك يالأمير

عبدالعزيز السبيل


الله يبقيك يالأمير

وهذي شهاده اعتز فيها

صح بدنك وشاكر مرورك

عبدالله بن ماجد


البقا والله يبارك بأيامك

صح بدنك

وحيـاك الله

لبيه ياللي نظرتـك تسحـر .. وبعيونـك سهـام
والوجه برقٍ لاح في وسط السمـا قـدم المخيـل
لا اقبلت يمي شفت وهّاجه وانـا وسـط الظـلام
ولا اقفيت غاب النور بإقفايتك يالطـرف الكحيـل



:

:




ياسلام
ياسلام
ياسلام




ياهلا ويامرحبا يافيصل
شاعر جزل وشاعر متمكن
نص جميل بجمال حضورك
صح لسانك وسلمت
تقبل مروري

فيصل بن دبيل

صح لسانك واعتلا شانك

قصيده راقتلي كثير ورائعه

تقبل تحياتي ومروري يامبدع

وعليكم السلام ورحمة الله وبركاته

يا مرحبا ومسهلا يا فيصل
والله يحييك بين أخوانك


إن كان ودك بالفراق .. أبعد وانا نسـل الكـرام
مانيب من يطرد ورى المقفي ولـو مالـه مثيـل


صح لسانك ودمت على الطيب ،،


..

مشعـان البراقّ

صح بدنك ويا هلابك

مرور جميل وأتشرف به


فراج القرقاح

هلابك يالأمير

وصح بدنك

أسعدني مرورك وشرفني


سعود ناهض

صح بدنك يالامير

أسعدني مرورك وشرفني


عبدالله الهديريس

الله يبقيك ويا هلابك

صح بدنك وشاكر مرورك الجميل


الدكتور / سداح

صح بدنك

والله يحيك ويبقيك

مرورك بحد ذاته شرف

الله الله


صح لسانك يافيصل


مبدع مبدع لله درّك


ومرحبا فيك بين ربعك وأخوانك


لاهنت

وتقبل تحياتي

هلابك يالبنااااخي


ارررررحب يابن دبيل


شهادتي لك مجرووووحه


لكن اتمنى لك التوفيق ,, والمزيد من التقدم


ورغم صغر سنك الا انك اجدت بهذه الدره


واتوقع لك مستقبل شعري جميل ومميز


النااااااايف

عليكم السلام ورحمة الله وبركاته

مرحبا بك يا فيصل

كتبت واطربتنا

صح الله لسانك وسلمت

يا مرحبــا يابو خـــالد

الله يجزاك خير

وشهادتك وسام على صدري

اسعدني مرورك وهو بحد ذاته شرف