الـعـلـم : راشــد الـخــلاوي
 

سلام الله عليكم

راشد الخلاوي وما أدراك ماراشد الخلاوي

للأمانه انا متأثر بشعر راشد الخلاوي رحمة الله عليه واللي استفدت منه شيٍ كثيـر

لاشك انه أفضل شاعر نبطي حكيم عرفته العرب !

والعظيم من ذلك اغلب قصايده تقرأ بوجهين فصحى وعامي (شعبي)

أمر غريب عجيب ولكن على العلم راشد الخلاوي سهل والبيت لازم مليان

وخصوصا طرق الهلالي من الصعب على بعض الشعراء التطرق له : )

وجيل بعد جيل يردد أبياته الحكمه

وأليكم هاذي الدره البسيطه في قرأتها والعجيبه في المعنى



!!!






[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يقول الخلاوي الذي مـا يكـوده=جديد البنا من غاليـات القصايـد
قصايد(ن) كل المـلا تستفيدهـا=اذا امسا غريم الروح للروح صايد
عسى الذي يروونهـا يذكرونـي=(بترحيمة) تودع عظامي جدايـد
اوصيك ياولدي وصـاة تضمهـا=لي عاد مالي من مدى العمر زايد
لا تاخذ الهزلا على شـان مالهـا=ولا تقتبس من نارهـا بالوقايـد
لا تاخـذ الا بنـت قـوم حميـدة=عسى ولد منها يجيـب الحمايـد
يجزي عمل راعي الحساني بمثلها=ويجزي عمل راع النكد بالنكايـد
وابك تسوي بي سواتي بوالـدي=ومثله على غيري ومنتـه بزايـد
من عاود عيونه على النوم عاود=تومن عود العين المساري تعاود
ومن عاود الصبيان اكـل ببيتـه=تلوه في عسر الليالـي الشدايـد
ومن عاود الصبيان ضرب بالقنا=نخوه يوم الكون يابـا الوعايـد
ومن عاود القوم المناعير مطمـع=تلوه بالانضار والجياد والعدايـد
ولا تكثر الطلعات للصيد ما تدري=يوافيك غرات(ن) يجي منك صايد
ومن تابع المشراق والكن والذرى=يموت ما حاشت يديـه الفوايـد
فالايام ما باقي بها كثر ما مضى=والاعمار ماللي فات منها بعايـد
نعـد الليالـي والليالـي تعدنـا=والعمـر يفنـا والليالـي بزايـد
فقولوا لبيت الفقر لا يامن الغنـا=وبيت الغنا لا يامن الفقـر عايـد
ولا يامن المضهود جمـع يعـزه=ولا يامن الجمع العزيز الضهايـد
ووادي جرى لابد يجري من الحيا=ان ما جرى عامه جرى عام عايد [/poem]


الله يرحمه ويرحم أموات المسلمين

كم تدهشني أبياته المشبعه بالحكمه

:)

ولاخــلا ولا عــدم

وعليكم السلام وحرمة الله وبركاته .,





عبدالله بن ماجد
الله يحيك

وموضوعك في غاية الروعة
وتكلمت عن قامة شعرية
الخلاوي
شاعر ومدرسة شعرية

لاهنت ويسلم بنانك
تقبل مروري

وعليكم السلام وحرمة الله وبركاته


عبدالله

الله يعطيك العافيه على هالنقل الرائع


لشاعر من رموز الشعر

رحم الله الخلاوي


تحياتي لك

..

عبدالله بن سنيد


لاهنت

وعليكم السلام ورحمة الله وبركاته
هلا اخوي عبدالله
الف شكر على هالنقل الرائع
والله يرحم الشاعر راشد الخلاوي ويرحم اموات المسلمين اللهم آمين

-

الخلاوي اشهر من نار على علم حكيم وشاعر


مشكور يابو ماجد


بإنتظار علم اخر من اعلام الشعر


تحياتي

الله يبيـّض وجيهكم



:)


ولاخــلآ ولا عـــدم

لا هنت لا هنت طال عمرك


والخلاوي اشهر من نار على علم

لاخـــلآ ولا عـــدم


أحتـرامــاتــي


:)

الخلاوي علم من أعلام الشعر في جيله

لاهنت يا عبدالله وألف شكر لك

بدر العتيبي


ارررحب


الله لايهيينك


تحياتي لك

لاهنت ياعبد الله

والف شكر لحديثك ونقلك عن الشاعر راشد الخلاوي رحمة الله عليه

تحيتي واحترامي

اخوك

:

من أروع ماكتبه الخلاوي / راشد

لاهنت .. شكرآ لك

الله يرحمه ويسكنه الجنه

ولا هنت يا بن سنيد

مرحبابكم ومسهلأ جميع


ولاخلآ ولا عدم


:)

[align=center]الله يرحمه ويرحم أموات المسلمين

وكل الشكر لك ياعبدالله على الاختيار الموفق

دمت بخير[/align]

^
^

ياهـلآ ومـرحبـابـكـم


تحياتي لكم

ولاخـلآ ولاعـدم

الله يرحم الميّت والحي من المؤمنين بالله

أمين