كم صفقةٍ فالوجه !!
[align=center]
ترفقوا فينا يا اهل روس الأموال وانتم هل النظرة ! وحنا مشافيح ما عاد باقي في صناديقنا ريال على الحديدة ناقف شوي ونطيح حنا رجال الفقر .. يا رجال الأعمال والسوق متقفل ومعكم مفاتيح ميزان الارباح بمخاسيرنا مال ننزل وترتفعون .. مثل المراجيح خلاص .. ما نطمح لتحقيق الآمال ما عاد به أبواب .. يا سطوة الريح !! نقول وتطولون ! .. يا بخت من طال حنا قصرنا .. والبقاء للطحاطيح كم نسبةٍ تبكي لها عين رجّال وكم ( صفقةٍ ) فالوجه من دون توضيح بكره تصير المملكة السهم بـــ ريال ومن برجها العالي نبي نوقف نصيح[/align] |
الله يرزقنا من واسع فضله
زايد الرويس والله ما الومك صرنا لعبة في يدين الهوامير صح لساااااانك حتى ترضى مودتي ومحبتي |
كم نسبةٍ تبكي لها عين رجّال
وكم ( صفقةٍ ) فالوجه من دون توضيح الاخ زايد الرويس صح لسانك وبيض الله وجهك والله يزين الحال تقبل ودي وتقديري فارس الدلبحي |
صح لسانك يازايد
قصيدة معبرة وجميلة تستحق الاهتمام لما يوجد بها من جمال الله يرزقنا من فضلة والا الاسهم ما احد ربح منها الا القليل والحديدة نقف ونطيح عليها مثل ماقلت بعض الناس باع الحديدة يازايد من زمان الله لايهينك ويبيض وجهك تقبل تحياتي |
يا مرحبا يا زايد
صح لسااانك والله يعوّض الجميع لا هنت يا مبدع تقبل تقديري . .. . |
صح لسانك يازايد
بس لاتنسى ان الله موجود ويمهل ولا يهمل قصيدة معبرة فعلا عن واقع اليم |
يا مرحبا يا زايد
قصيده هادفه وابداع بيّن صح الله لسانك وسلمت |
شاعرنا الغالي زايد الرويس
صح لسانك على هالقصيده المعبره جت في وقتها عزالله عقب هالطيحه اللي الله يستر من تواليها |
الله الله
يجيب الله رزق يازايد وصح السانك مدد ،، ودمت بخير |
اللــــــــــــــــــــــــــه يعين !
:( لاهنت يا زايد |
الله عليك يا زايد
حضور رائع وشاعريّه أروع صح لسانك مدد بلا عدد تحيّاتي لك |
قول وتطولون ! .. يا بخت من طال
حنا قصرنا .. والبقاء للطحاطيح كم نسبةٍ تبكي لها عين رجّال وكم ( صفقةٍ ) فالوجه من دون توضيح بكره تصير المملكة السهم بـــ ريال ومن برجها العالي نبي نوقف نصيح الله يستر اي والله لاهنت يابو عايض والصراحه نستاهل يوم نلعب مع الهوامير :) تحيتي واحترامي ياغالي اخوك |
كم نسبةٍ تبكي لها عين رجّال
وكم ( صفقةٍ ) فالوجه من دون توضيح الله الله الله الله ياالله تكتب للمسلمين مخرج :) الله لايهينك يازايد تسطير للمعاناة صح لسانك تقبل مروري |
[align=center]صح لسانك
الله يعينك قصيدهـ جميله لك فائق الاحترام والتقدير تحياتي[/align] |
| جميع الأوقات بتوقيت GMT +3. الساعة الآن 11:49 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية