ابن راجح وابن راشد والبراق
 

[align=center]أعضاء وزوار منتدى المرقاب
السلام عليكم ورحمة الله وبركاته
انقل لكم من جريدة اليوم من صفحة في وهجير هذة القصائد من شعراء يستحقون المتابعة
أخوكم : راشد بن محمد


الشاعر زيد بن راجح البقمي وجه قصيدة للشاعرين محمد بن راشد العتيبي وخضير البراق
ولم ينتظر كثيرا حتى جاءه الرد منهما
وهكذا هم الأصدقاء , كلما باعدت بينهم ظروف العمل والانشغال في أمور الحياة
لابد أن يكون الحنين ديدنهم , وتبقى هذه سمة الأوفياء


الشاعر: زيد بن راجح البقمي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جهز الموتر نويت أسجها وحداني = خل وجهه للشمال يداعبه نسناسه
والله إن ليه ثمان سنين وأنا أعاني = والسبب لا قل مال ولا هجر مياسه
الله أقوى كيف أسوي با لثنين أخواني = كل منهم غير أسلوبة وغير ناسه
ابو راشد من حرض لخريص للصماني = بين بحثٍ عن فحول البل وبين عساسه
وأبو نايف رايحٍ له في مجال ثاني = بعد هد الشعر والصفحة وريح ناسه
وأما انا لامر ذكر غيابهم ناداني = ماضي لازال ينعشني عبير انفاسه
والله انه ما يفرق ضيقتي وأحزاني = لين عداده مع السكة تدق اجراسه
ويتخير موقفه بين أجمل الريضاني = لين أشوفه في خضار العشب مثل الماسه
وخوياي اللي لهم منزال في وجداني = رؤس قومٍ منتقيهم من بيوت رياسه
يرتفع في سلمهم شأن الخوي والعاني = ما خذين من قواميس الجدود دراسه
الثنين ولا معي غير الثنين أخواني = لين أشاركهم جميع همومي الحساسه[/poem]


رد الشاعر: محمد بن راشد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قوم يالصبي الشلي تفقد الياباني = شيك اللكزز وبرمج للسفر حساسه
انفتح باب السفر مافيه حاني ماني = مع بزوغ الشمس ما تحتاج للشماسه
ولا توجه طارته لفلان بن علاني = نصه اللي شاربٍ غلاه كاسه كاسه
زيد بن راجح عدو المال زبن الجاني = أرجحٍ يأسرك بأخلاقه وصدق احساسه
وصّله بِلّغة فوادي واعتراف الساني = أني افخر وأفتخر في خوته و اجناسه
كيف لا وهو الرفيق اللي ليا خاواني = أنشرح صدري وقلبي فارقه هوجاسه
وقل له أني تحت رايه , وأمره السلطاني = كل مايحتاج يلبسني سوات الباسه
وقل له أني لابغاني صاحبي يلقاني = وحط تحت العلم هذا خط في الكراسه
ماعليه الا يشوف أخبار أخوه الثاني = والسياسي مثل ابو راجح يعرف الساسه
أما انا شفني بجنبه فوق ظهر عماني = عيدهيٍ من ظهر عرماس من عرماسه[/poem]

وهذا رد الشاعر : خضير البراق

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مرحبا بالوافي اللي مسكنه باعياني = كل ما دوّرت مثله ما لقيت اجناسه
زيد بن راجح عريب الخال والجداني = والفتى منشاه من ساسه ومن مغراسه
صاحبٍ نادر وفي شعره يثير اشجاني = يفهم أحساسي وانا فاهم واعرف احساسه
كل ماحرّك شعوره هاجسٍ ناجاني = مثل ما اناجيه وأستلهم مثل هوجاسه
كن ابو راجح يقيس النبض في شرياني = ويتحسن نبض شرياني ليا من قاسه
يبو راجح لاتطري قصه الحرماني = وأنت خابر لك رفيق وخابرٍ مجلاسه
عندك أسراره وعندك كامل العنواني = وان زهمته جاك كله والوفا نبراسه
موتره جاهز وهو جاهز على" السكّاني " = ينتظر منك الاشاره وأنت راع الطاسه
وأنت شفقانٍ على الطرقه وهو شفقاني = والبحر من غادر اكواخه يطير عماسه
فكّني يازيد من طوقٍ يهد امتاني = وانتشلني من غثا وقتٍ يحد امواسه
وأنت راع الفضل والمعروف والاحساني = كان ترجمت الشعور اللي على الكراسه [/poem]


اخوكم : راشد بن محمد [/align]

الله الله


ابداااع الثلاثه

صح السنتهم

معاني جميله


لك فائق الاحترام والتقدير

تحياتي

صح الله قلوبكم يالثلاثه
وعسى خوتكم دائمه
:)

صحت السنتكم جميعا

مساجلات عمالقه واساتذه يجمعهم
الابداع والصداقة

هنا اجد الشعر الحقيقي وهنا ساتي عندما
اشتاق للشعر الراقي

للجميع ودي

وأما انا لامـر ذكـر غيابهـم نادانـي
ماضي لازال ينعشنـي عبيـر انفاسـه

صح ألسنت الجميع ولاهنتوا

صدقت ياضاوي وهذا نفس كلامي ..

صح لسان الجميع



قصيد يروي الذائقه



تقبل مروري ...

ياسلام

صح السنتكم
ولاهنت يامحمد

صح السنتكم جميعاً

ولا هنتو يامحمد

محمد بن راشد

عز الله جزل انت وابن راجح والبراق

شعراء جزلين وادام الله الخوة بينكم والمحبة والوفاء

وهاذي منطباع الرجال الغانمين .

صح لسانك يالقرم لاهنت

تحيات اخوك

الله الله

أمتعتنا بالدرر هذي يا محمد

صح ألسنتكم ولاهنتوا

بيّض الله وجهك

يا محمد ولاهنت

وصح لسان الشعراء الثلاثه

الله يخليكم لنا يا أساتذتنا العباقره :)


زيـد & محمــد & خضيــر ..

ياعنك إن فيه أسماء لها ثقل في ساحة الشعر الجميل ..


شكراً ياراشد والله يوفقك .



أخوكم

الله الله


يا سلااااااااااااام


صحت ألسنت الجميع

عمالقه بلا شك


وسلمت أنامل اللي نقلها


مودتي

[align=center]محمد لاهنت على المرور

تقبل تحياتي

أخوك : محمد بن راشد

[/align]

وعليكم السلام ورحمة الله وبركاته


ماشاء الله على هذه الدرر

وصدقت شعراء يستحقون المتابعه ومعروفين بلا شك


صح لسان زيد ومحمد وخضير

ولاهنت يا راشد ،


..

-



بيض الله وجيهكم يالثلاثه عز الله بدع ورد ينومس وعلوم ٍ تبيض الوجه وعسى الله يديم المحبه بينكم


لا هنت يابو راشد



تقديري

محمد بن راشد العصيمي



لاهنت

عز الله العزيز انهم مبدعين


ولا يطول الكلام

الله الله على الشعر الصح وقبله الخوه الصح

صحت السنة الشعراء على الابداع الثلاثي الاوجه

ولاهنت يامحمد

محبتي احترامي

اخوك

يا سلام عليهم الثلاثه

عزالله انهم ابدعو وصح الله لسان كلً منهم

ولا هنت يا محمد