إبــن زويــبـــــن
صباح الخير ,
من افضل ماقريت للشاعر الكبير عبدالله بن زويبن .. [poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] سمعت لي كلمة مدري وش اقصاها=حزت بنفسي وأنا مانيب هارجها لوكل كلمة إلى جتنا طردناها=بعنا الثمينة بسعر مايخارجها لو مرت السمع ماكنا سمعناها=ونقفل الراس عنها لا يبرمجها ومن يم هذا لهذا مانقلناها=والناس واجد وتلقى من يروجها من جابها بين خلق الله وداها=لو به مراجل ترى نفسه يسمجها ومن عامل الناس في سابق خطاياها=يقعد بدار خلا ماداج دايجها في كنة تشوي الجربوع رمضاها=وتابس غصون الشجر من حر واهجها والناس بالحق حكم الشيخ ما أرضاها=ماتقنع الناس لو انك تحججها ياللي تبا الطيبة خذها وعطناها=وخل الطريفة طرية لا تثلجها وأقضب طريق الأوادم وامش ممشاها=أتبع دروب العرب وأدرج مدارجها وأرسم لنفسك حدود ولا تعداها=من حط نفسه بدرب الضيق يحرجها وان كان نفسك هواها قام ينحاها=حط الأعنة بروس الخيل وأسرجها وفكر بمنكافها قدام مغزاها=واضرب حساباتها وتشوف ناتجها وكل بعضده يموح الدلو برشاها=وتلقى كبود الضوامي من يبرهجها وان كان توك على صدرك تهجاها=حنا ترانا ندرس في مناهجها من يم مصباحها نبعد معشاها=إلى قعد راعي الضلّع يدرجها لو هي صعيبة إلى انعاجت عدلناها=واللي تجي مستقيمة ما نعروجها نهتم في وزنها وابرام معناها=ومن الكرستال واللولو نتوجها مثل الجواهر ليا منا نضمناها=وسلوكها من جديد الزري ننسجها مخايل ترتدم والصدر منشاها=لا دك بالبال داكوك يهيجها وليا أمطرت ضاقت الوديان في ماها=تاخذ إلى الحول ما يبست مدالجها وان صدت الناس عنا ما أعترضناها=ما تقفي الناس عنا ونتولجها وإن جاتنا الطيبة بالطيب زدناها=الطيبة بالعسل والسمن نمزجها وان جاتنا الثانية نصبر ونرفاها=يمكن إلى فاق راعيها يعالجها وان عادها عودة ماعاد ينساها=من حربة في صميم الصدر نولجها مسمومة يبلش الدكتور بدواها=مايقنع الخبل لين أنه يلامجها ![/poem] |
مايقنع الخبـل ليـن أنـه يلامجهـا !
مايقنع الخبـل ليـن أنـه يلامجهـا ! مايقنع الخبـل ليـن أنـه يلامجهـا ! :) واقع سلمت يمناك يافهيد وصح لسان ابن زويبن قصيدة حكيم |
يامرحبا يافراج
لاهنت على الحضور |
[align=center]الله الله
ومن عامل الناس في سابق خطاياهـا يقعد بـدار خـلا مـاداج دايجهـا قصيدهـ كايفه ومعاني جزله ابدااع مشكور على النقل الجزل لك فائق الاحترام والتقدير تحياتي[/align] |
[poem= font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وان صدت الناس عنا ما أعترضناها=ما تقفي الناس عنا ونتولجها وإن جاتنا الطيبة بالطيب زدناها=الطيبة بالعسل والسمن نمزجها وان جاتنا الثانية نصبر ونرفاها=يمكن إلى فاق راعيها يعالجها وان عادها عودة ماعاد ينساها=من حربة في صميم الصدر نولجها مسمومة يبلش الدكتور بدواها=مايقنع الخبل لين أنه يلامجها [/poem] هلا اخوي فهيد الف شكر لك على هالاختيار الرائع وصح لسان الشاعر عبدالله بن زويبن |
حي ذالعين من فهيد . . :)
وحي ذالعين من ابن زويبن . . :) والحقيقه علومك طيبه يابوعصيدان ، اف لاكن ما أبيك ألا تضغط هنا بــس : http://www.montada.mergab.com/showthread.php?t=8120 ;) |
[align=center]يعطيك العافية يا أخ فهد على الإختيار الرااائع
وصح لساااان الشاعر الكبير عبدالله بن زويبين ومشكووور يا عبدربه على الرابط الجميل .. والأخ محمد البيضاني ما قصر في نقل إبداعات ابن زويبن تحياتي للجميع[/align] |
يامرحبا يالسميري
كل الشكر لك على المرور |
الفجر البعيد
حياش الله ولاهنتي |
حي نباك يابو عتيق :)
والله اني مادريت انها مكرره وبيض الله وجه البيضاني وبصركم فيها يااهل السديري :) بداح السبيعي لاهنت على المرور طال عمرك |
بن زويبن كبير والكبير الله
لاهنت لاهنت يابن عصيدان تحياتي |
اللي مثل ذي .. ودك انها كل يوم تنزل في موضوع
سلامي عليك وعلى ذوقك يابو محمد وصح السان ابن زويبن اخووك :) |
الله يكيف مزاجك يا فهيد
وتكفا ثم تكفا اي قصيدة لعبدالله بن زويبن امتعنا بها شاعر علم ومبدع كبير عز الله صح لسانه وسلمت يمناك ، .. |
[align=center]فهيد بن عصيدآن
آلله لا يهينك آلله لا يهينك عزآلله أخترت و جبت .. إبن زويبن شآعر قدير سلمت من آلبآس يآ فهيد ولك ودي[/align] |
اقتباس:
صورة طبق الاصل |
لاهنت يابن عصيدان
وسبق ان صافحتها هنا في المرقاب وابن زويبن مدرسه لحاله لاهنت |
ديوان الشااعر- عبدالله بن زويبن المعمري الحربي
http://www.b-harb.com/articles.php?action=show&id=222 نسخته لكم كماهو والله ودي اجيب منه قصاايد بس ماعرفت انسخ طريقتهم قشراء وتسلم بن عصيدان يانفدا خشمك وجميع ربعنا يسلمون وهذا رااابط فيه كل اللي تبوووووووووون http://www.b-harb.com/articles.php?a...articles&id=30 |
ياسلام
ياسلام نص فارق فارق من رمز من أكبر رموز الشعر صح لسان إبن زويبن ولاهنت يا أبو محمد سلامي عليك :) |
-
وإن جاتنا الطيبة بالطيـب زدناهـا الطيبة بالعسـل والسمـن نمزجهـا وان جاتنا الثانيـة نصبـر ونرفاهـا يمكن إلـى فـاق راعيهـا يعالجهـا يا سلام ابداع × ابداع لله دره شاعر علم وغني عن التعريف رغم ابتعاده عن الاعلام مشكور يا فهيد ولاهنت نقل مميز لقصيده فيها من الحكم الشي الكثير تحياتي اخوك خالد |
بالفعل قصيده عظيمه ودرس مجاني في الشعر
الف شكر يا فهيد وصح لسان ابن زويبن محبتي واحترامي ياغالي اخوك |
الله يعطيه طولة العمر شاعر ولا يوفيه الكلام
وانت يا فهيد مبدع حتى في اختيارك لا هنت على النقل |
| جميع الأوقات بتوقيت GMT +3. الساعة الآن 07:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية