البحر يمه ويمه
 

السلام عليكم ورحمة الله وبركاته

وددت ان اورد لكم قصيده وان شاء الله ان تنال اعجابكم





[poem=font="Arial,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا سعد جتك المعاني كنها حد السناني من جفيره مطلعينه وانتبه غدر الليالي لا تجنبك ابركتها=لن صفتلك يوم حذرا تنقلبلك وانت غافل في زمانك تحسبن الوقت وقتك والزمان اقشر سريع الانقلاب
كل ما تسجع حمامه قوف غصن الراك هاض الفكر يأهل العرف واللي شبها عيّا يطفّي يابن مدوح معركتها=مشكلتنا مشكله عضمى تبي منهو يحل الحبل وان عيّا يحله من يحله يا عسى ربي يحل الحبل ويفك النشاب
كان جاك العلم قلّي يأبن سلطان المسمى وان تجاهلتم تراني برفع الدعوه عليكم وان نويتم والله انك طايحاً وسط اشركتها=والله ان الشعر يلفيني وانا صايم والو اني تركته ما تركني كنه الهامٍ يجيني ويغشيني وان غشاني ما حسبتلك حساب
كل ما يطري عليه قصةٍ صارت علينا قلت يالله من ردات الحض يا حض الردي هوّن ترى الدمعه على وجه المها كيف اعركتها=جيت من دارك معنّا مار حول في وطنّا قدمك اللي يزبح الحايل ويلطم كل عايل مار حذرا لا تجي في درب قصاص الرقاب
ان عطيتك خيطها لا تتركه واليا تركته منت عارف كيف عارف كيف سكنات القصيده يا سعد ويّا احركتها=النبيه اللي يحل المبهمه قبل الدعاوي تكشف الخافي وتضهر كل عذرا من خبها عقبها زانت نقوش الكف من زين الخظاب
الشعر حكمه ونقمه من يصونه يرفعه واللي يهينه يسبعه ماهو بواجب نتبعه ما كنه الا سانيه يوم المعاويد اتركتها=احدٍ يضرب صخر مثل اللذي شعره جزل وان كان يقطف من زهر مثل اللذي شعره سَهل واليا غرفله من بحر ماهو بويا القاف شاب
يا سعد جاك السعد من يوم جتلك ياسعد فكره ودارت في مدار الراس واللي قد دفعها هاجسي واثر النوايا حركتها=البحر يمه ويمه وان بغيت السم سمه كان تبغاها تحدي شد حيلك لتحد والتحدي ما يجيله كود نطّاح الصعاب
لا تقول الشعر شعري منت قادر تنطح اللي وارثٍ شعره من امه وانهضه خاله وعمه والمغيضه ياسنافي جوف صدره اشركتها=انقض اللي ما نقض قبلي والو اني فتلته ما يجي من ينقضه يا كود منهو في زمانه جامعٍ ياصاحبي سبع العجاب
الحمول الكايده يأبن عويشز عندنا منهو لها وليا عضت غصب ٍتعود لين والقاسي على متني ركتها=ركّزت سمر العولي جوف صدري وركزتها حسبي الله حسبي الله ما نقول الا عليها حسبي الله حسبي الله يوم نحرها السراب
الكفوف اللي تمد الطيب يا كيف اقصرت من عقب ما كانت تمده من صناديق السعه صارت يديها من ردات الحظ عرقا واعركتها=لا لمحت البرق سنّا فاضت ادموعي على خدي وقول الله يصبرني على وقتٍ تغير صار رجّاله يهين الحر ويعز الغراب[/poem]

-

يـا سعـد جـاك السعـد مــن يــوم جتـلـك ياسـعـد فـكـره ودارت فــي مــدار الــراس والـلـي قــد دفعـهـا هاجـسـي واثــر النـوايـا حركتـهـا
البـحـر يـمـه ويـمـه وان بغـيـت الـسـم سـمـه كــان تبغـاهـا تـحـدي شــد حيـلـك لـتـحـد والـتـحـدي مـــا يجـيـلـه كـــود نـطّــاح الـصـعـاب




لحن مختلف او لحنين مدموجه الاكيد صح لسانك يالاايداء



اصدق التحايا

العلم هذا ويش يامحمد ؟



:



:)

سيم سيم يابو حواء :)

صح لساانك يامحمد

جزله من جزل

اخوك

القدير / محمد


صح لساااانك على هذا النص الفاااخر



غير وطرح غير


تقبل مروري المتواضع


خالص مودتي

الله الله

هذا ماهوب بحر .. محيط عميق

صح لسانك يا محمد وحياك الله ،


..

الله الله

صح لسانك عدد حروفها ولاهنت :)

دمت بود يا محمد

صح لسانك يا محمد
حضور جميل .. و قصيده جميله
تقبل تحياتي و تقديري




:)




أخوك/محمـــد ال عبـــدان

هلا وغلا يامحمد

صح لسانك ملاييييييييييييييين

دمت مبدع يابطل

خالد السيحاني


صح بدنك وشكرك على المرور


تخيتي

عبدربه العلم سلامتك


هذا بحر المضاعفات

((سعـد جتـك المعانـي كنهـا حـد السنانـي مـن جفيـره مطلعينـه وانتبـه غـدر الليالـي لا تجنبـك ابركتهـا
يا سعد جت/كل معا ني/كن نها حد/دس سنا ني/من جفيـ رم/طل لعي نه/ون تبه غد/رل ليا لي/ لا تجن نب/كب ركت ها

لـن صفتلـك يـوم حـذرا تنقلبلـك وانـت غافـل فـي زمانـك تحسبـن الوقـت وقتـك والزمـان اقشـر سريـع الانقـلاب
لن صفت لك/ يو محذ را/ تن قلب لك/ ون تغا فل/ في زما نك/ تح سبن نل/ وق توق تك/ وز زما نق/شر سريـ عل/ان قلا ب

كل ما تسجع حمامه قوف غصـن الـراك هـاض الفكـر يأهـل العـرف واللـي شبهـا عيّـا يطفّـي يابـن مـدوح معركتهـا
كل لما تس/جع حما مه/فو قغص نر/را كها ضل/فك ربهـ لل/عر فول لي/شب بها عي/يا يطف في/ يب نمد وح /مع ركت ها

الله عليك يا محمد عشر تفعيلات (فاعلاتن) صافيه لبحر (الرمل) الصافي من شاعر صافي وصفّهن بكل براعة وجدارة واستحقاق....
جرت العادة أن يستخرج من البحر التام عروض مجزوءة الأضرب وهنا بحر تام وعروض مضاعفة الأضرب لهذا البحر الرائع والجميل ومن يطوع ببراعة هذا البحر إلا شاعر يضرب بعصا موسى البحر ويفلقه عرضا وطولا.
ما شاء الله تبارك الله،،،
نصّ رَائِع بِ دَرجَة مُذهِل، وَشاعِر مُقتَدِر بِ حَق
يسلَم فِكرَك، كُلّ الوِدّ.............؛)))))))))

هذا حسب ما ما قاله الاستاذ صلاح الاحمدي في تقطيع العروضي للقصيده

مرحبا مرحبا بهذه المشاركه وهذا الحضور


تطويع صعب لقافيه وبحر


صح لسانك

فراج يشرفني مروك



وصح بدنك


تحيتي

محمد

صح لسانك

تقديري

نواف المطيري


صح بدنك يا لقرم ومروريك اسعدني واثلج صددري


تحيتي وتقديري

عبدالرحمن السمين

مرورك شرف لي



تحيتي وتقديري لك