(( غـث الزمـان ))
بسم الله الرحمن الرحيم
السلام عليكم ورحمة الله وبركاته إخواني أعضاء المنتدى ومتذوقين الشعر من خارج المنتدى ... المحترمين للتواصل و المشاركه أود أن أضع بين أيديكم هذه القصيده المتواضعه التي تحمل أكثر من معنى والتي أرجو أن تحوز على رضاكم .. وكلن يفسرها على كيفه . (( غــث الـزمـان )) طاح الحيا والخير شفناه بالعيــــن ــــــ خيره على كل الخليج إمتــداده وسم(ن) بكور ومرتجينه من سنين ــــــ راعي الدبش عقبه يربع فؤاده يا ليت من عنده من الذود عشرين ــــــ عشرين تقنعني ولا أبغي زياده سود(ن)عليها من حلاها عناويـــن ــــــ لا شافها النقّاد ضاع إنتقـــــاده الله حماها من عيــون الشياطيــــن ــــــ من حازها حاز الهنا والسعاده وبعيرها من فــوق كل البعاريــــن ــــــ كنّــه من الغربان ماخذ سواده أبوه وأسراره من إبل الخياريــن ــــــ وأمه من الفصّام تحمل شهاده راعيه في النخبه خذاله نياشيــن ـــــــ ســـاد المراجل وأستحق السياده نرعى بها قفرن سواة البساتيـــن ـــــــ بستان فلاح(ن) على أول حصاده وجيب(ن) من الساير عليه البراهيـن ــــــ من مصنع اليابان جاب إعتماده أبيض ولونه لو تمعّنت لونيــــن ـــــــ إقماش هــير و زينوا به إقـــلاده عليه من وصف القطا والشياهين ــــــ زودن على ممشاه عزم وركـاده قمت أتمنى وأضرب الراي رايين ـــــــ وأثـر التمـني ما وراه إستفـــاده يجيبها الله ناصر الحق والديـــن ـــــــ اللـي كفــل للعبد شـــربه و زاده يجيبها ذا الحين وألا بعد حيــن ـــــ أرجـي من المعبود ما أرجي عباده والوقت ذا وقت إختلا ل الموازيـن ـــــ وقتن على الطيّب سريع(ن)هجاده لا صار ما يملك رصيد وملاييــــن ــــــ مقرود حـظ ولازمـــته القــــراده لو إنه أطيب من زمان السلاطيــن ــــ وضعه مع العالم تشــوبه نكـــاده ومن زاد ماله زان وقته وهو شين ــــ كـلـن يبـي قـربه وغـايـة مـراده يـقـلط بماله في صـدور الدواويـن ــــ ويشـري مع العالم ويربح مزاده وحنـا لنـا طبـع ومجـال وقوانيــن ــــــ ما حاشنا غـث الزمـان وفساده رفيقنا الطيّب على العسر واللين ـــــ اللي مع أهل الطيب يقدح زناده نتعـب على وصله لو إنّا بعيديـن ــــ ونشيــل حملـه لاتمايـل شـــداده دستورنا حاضر ولا فيه بعديــن ـــــ وألا الـردي نـاره تعــوّد رمـاده والرابح اللي يجمع الطيب والدين ـــــ أنا أشهد إنه يستحق الإشــاده والله خلقنا مـن عدمـنا مـن الطيـن ـــــ وكلن يجي رزقه بحسب إجتهاده وســلا مـتــــكـــم .... |
فيصل
صح لساااااانك ودااااام حضووورك قصيده رااائعه لله دررك تقديري لكــ |
صح لسانك وبيض الله وجهك يالهاجري
لاهنت |
صح لسانك يافيصل
لاهنت يالغالي اخوك :) |
الشاعر / فيصل الهاجري
دمت بهذا التألق والتميز صح لساااانك حتى ترضى تقبل مروري المتواضع خالص مودتي |
صح لسانك وبنانك
ولا هنت يالهاجري |
يا ليت من عنده من الذود عشرين ــــــ عشرين تقنعني ولا أبغي زياده
سود(ن)عليها من حلاها عناويـــن ــــــ لا شافها النقّاد ضاع إنتقـــــاده الله حماها من عيــون الشياطيــــن ــــــ من حازها حاز الهنا والسعاده وبعيرها من فــوق كل البعاريــــن ــــــ كنّــه من الغربان ماخذ سواده أبوه وأسراره من إبل الخياريــن ــــــ وأمه من الفصّام تحمل شهاده راعيه في النخبه خذاله نياشيــن ـــــــ ســـاد المراجل وأستحق السياده فيصل الهاجري صح لسانك واعتلا شانك وعسى الله يرزقك الذود اللي ينومسك |
ياسلام يافيصل
والله يحقق مناك ومنى كل مسلم وصح لسانك ومثل مااشار مشعان التنسيق مهم غيمار |
الله الله
صح لسانك ملايين ابداع وحرفنه تقديري اخي الكريم .. |
-
والرابح اللي يجمع الطيب والدين ـــــ أنا أشهد إنه يستحق الإشــاده عز الله صدقت وهذا هو المكسب الحقيقي صح لسانك يا فيصل ولاهنت شاعر مبدع تحياتي |
[align=center]ياسلام سلّم
والرابح اللي يجمع الطيب والدين ـــــ أنا أشهد إنه يستحق الإشــادهـ صح لسانك نص جميل ومعاني محكورهـ رائعه لك فائق الاحترام والتقدير تحياتي[/align] |
محمد بن رشيد
صح بد نك و أشكرك على مرورك الكريم تقبل تحياتي ... |
تركي الشاما ني
صح بدنك والله يبيّض وجهك أشكرك على مرورك تقبل تحياتي .... |
محمد مرزوق السميري
صح بدنك أشكرك على مرورك الكريم وإطرائك الجميل تقبل تحياتي .... |
خالد السيحاني
صح بدنك وأشكرك على مرورك الله لا يهينك تقبل تحياتي ,,,, |
بنت وايل
صح بدنك ملايين أشكرك على مرورك الكريم وإطرائك الرقيق تقبلي تحياتي ,,,, |
المسّري
صح بدنك أشكرك على مرورك تقبل تحياتي ,,, |
مشعان البراق
أشكرك على تعليقك الراقي والله لا يهينك على مرورك الكريم وصدقت في سالفة التنسيق وإنكانه يمدي لا تخليني . تقبل تحياتي ,,, |
نايف المقاطي
الله لا يهينك على مرورك الطيّب وبالنسبه للتنسيق زهمت مشعان وأربه يضبّط الأمور أشكرك وتقبل تحياتي ,,, |
صح لساااااانك ودااااام حضووورك
قصيده رااائعه لله دررك ابداااااااااااع بلا حدود تحيتي |
سعود بن ناهض الرويس
مشكور والله لا يهينك على مرورك والله يصح بدنك تقبل تحياتي ,,, |
ياسلام يا فيصل
صح لسانك مدد بلا عدد ولاهنت تحيّاتي لك |
| جميع الأوقات بتوقيت GMT +3. الساعة الآن 09:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية