وش انتي ناويه ؟
 

[align=center]السلام عليكم ورحمة الله وبركاته

متواضعه تمشي على أربع ( محاولة للتجديد )[/align]




[align=center]لو مَـ الحُـروف الحايـره ! نامت على عجـزْ وصـدر
................. إن كان ما أمستْ سِـوى ! في وسـط ذيـك الحاويـه

* * * * * * *

جتْـك القوافـي ثايـره ! ممّا حصل منْـك وبَـدر
................. تسألك : وش قلبك حوى ؟! قولي : وش انتي ناويـه ؟

* * * * * * *

يكفـي سِهـام ٍ طايـره ! صابتنـي الا مـا نَــدر
................. منها شكى قلب ٍ قـوى ! مـع طعنها لـي (كـاويـه)

* * * * * * *

كيف المدامع صايـره ؟ ! وامـرّ مـن هـذا حدر
................. هنا .. وسـط قلـب ٍ روى ! طعنـاتـك المتـساويه

* * * * * * *

شوفـي طعونـك غايـره ! يكفي ألـم يكفي غـدر
................. مالك لـوا مالـك لـوا ! هونك علي يـا خـاويـه

* * * * * * *

كم خطوة ٍ لك سايـره ؟ ! راحت على شانـك هدر
................. كم طحت مع دمعي سوى ؟ ! حتـى اسألي هـ الزاويه

* * * * * * *

روحـي لقلبـي زايـره ! وامحـي غرامـك والقَدر
................. خوفك من اللي بي عوى ؟ ! صـارت ذئـاب ٍ عاويـه

* * * * * * *

فيني ذئاب ٍ فايـره ! لكن مَـ احد منهم قدر
................. صبري رفيع المستـوى ! بعزومي المتخـاويـه

* * * * * * *

يـا قاطعـه يـا بايـره ! هذا قـراري لـك صَدر
................. البُعـد عنّـك لـي دوى ! لو كان مـا انتـي قاويـه

* * * * * * *

دارت عليـك الدايـره ! عيشي وسط هـم وكدر
................. مات الأمل بك يالهـوى ! مـا دامـنـي فـ الهاويـه [/align]



[align=center]طارق الحصان[/align]

طارق الحصان

هلا بك وبقصيدك

صح لسانك

عزف متفرد ولايستغرب عليك يامتميز ..

صح لسانك

لله درررك ..

اخوك ..

شوفـي طعونـك غايـره ! يكفي ألـم يكفي غـدر
................. مالك لـوا مالـك لـوا ! هونك علي يـا خـاويـه


شوفي طعونك غايـره // مالك لوا مالك لوا
يكفي الم يكفي غدر // هونك علي يا خاويه


جميع الابيات مكتوبه بهالطريقه
رهيب يا طارق الحصان
صح لسانك وسلمت على هالجمال





محبه وتحيه :)

الحصان,طارق


صح منطوقك وفكرك.,
تمكن واضح .وشاعريه جميله


لاهنت ودمت

؛



ياسلام
ياسلام



طارق الحصان

جميل هنا وهناك
مبدع ماشاء الله والله لايضرك
صح لسانك
تقبل مروري

يـا قاطعـه يـا بايـره ! هذا قـراري لـك صَدر
................. البُعـد عنّـك لـي دوى ! لو كان مـا انتـي قاويـه

طارق

طرقت القوافي بشي من الحرفنه

صح لسانك ملايين

الله يسعد صباحك يا طارق

وهلا بك ومسهلا


أتقنت صياغة هذه المروبعه الجميله


صح لسانك مدد ،


؟؟

-

يـا قاطعـه يـا بايـره ! هذا قـراري لـك صَدر
................. البُعـد عنّـك لـي دوى ! لو كان مـا انتـي قاويـه


طارق الحصان


اهلآ بك واهلاآ بتواجدك الرائع


قصيده جميله وعذبه صح بنانك ودام ابداعك


اصدق التحايا

طارق الحصان

تمكن واضح

صح لسانك

تقديري

طارق الحصان :

نص رائع

تحياتي .................