مطنـــــــــــخ الروقــــــه
 

[align=center][frame="9 60"]
بسم الله الرحمن الرحيم
الاخوه الكرااااام
اسعد الله اوقاتكم بكل خير قصيده مناسبتها انني تعرضت بسوق الاسهم لخساره تفوق المليون ريال
موجهه لاخي الشاعر/ محمد بن سعود مسيفر العضياني الذي كان ردة فعله
تجاه الموقف بدعمي مادياً بنص مليون ريال
امل ان تنال الرضى
اخوكم
عوض الشيباني[/frame]
[poem=font="Simplified Arabic,6,black,bold,normal" bkcolor="transparent" bkimage="" border="double,3,blue" type=2 line=0 align=center use=ex num="0,black"]
لاهزني سوق الاسهم والبخت مالي = ناديت ناديت انا يامطنخ الروقه
ونخيت منهو عريب الجد والخالي = اللي فعوله بماض الوقت ماثوقه
حراً تعلا على قمة جبل عالي = زبون من عبرته بالعين مخنوقه
امحمد اسعود الآ ياحي ها الفالي= يفداه من لحيته بالموس محلوقه
ويفداه رجلاً بخيل و يكنز المالي = ماسر نفسه وثوبه يرقع افتوقه
يابو سعود الزمن غربلي احوالي =والكبد من فعلته ياخوك محروقه
لوجيت اباقف معه يضربي الجالي = لاهو مقفي ولا يح لوو منطوقه
شفت العبر فيه واجد وانبري حالي = وازريت اقاوم زماناً فاتح اشدوقه
يومي مع السوق عيا الحظ يصفالي= سوق دخل فيه حساداً وممحوقه
اكل حلال البشر حرمه ورجالي = حتى الهوامير مثل الشعب مزنوقه
اقفى حسبهم بعد تقليص الاموالي = لعبهم لعبة الشاعر لطاروقه
يومه دخل فيه نصابا ودجالي = وخيل خيال النصب ثم لاحت ابروقه
وتعلق الكل سبة غدر الانذالي = اهل الطمع والجشع وانفوس مطفوقه
صاحي ومجنون جامع كل الاشكالي=ما سلم منهم يتيماً باقوا احقوقه
من جورهم يامحمد شفت الاهوالي = والكل يدعي وكل الناس مسروقه
ضعافة انفوسهم في قرش واريالي =ايطمنون القدر وفنفوسهم سوقه
اوجيههم تنصفق من جزء الانفالي =والاخره مادروا عنها ومفهوقه
طول الامل عندهم يمنحهم امالي = وابليس شيخاً عليهم ماغفى موقه
يزورهم كل صبح وكل قّيالي= احكم حصاره عليهم لابسٍ طوقه
وانا اتعزز ياشيخ لحالة امثالي = اللي غدا مالهم قربه ومشقوقه
والرزق عند الولي رب السما العالي =اللي قسم رزقنا ماواحدٍ فوقه
فردن صمد بالعطا مداته اجزالي=أكرم من الخلق يعلم حال مخلوقه
يانسل مزحم نخيت أحمولي اثقالي=والنفس من سوق الاسهم شبه مدقوقه
حيثك من أهل الوفا حماية التالي= قوماً تضد العدا ماهيب ملحوقه
عضيان للطيب منقاعٍ ومدهالي = ياحي عمهوج منه الروس مسحوقه
اكرب حزامك ليامن جاك مرسالي= ياحر ياحر ياللي مطلق اسبوقه
صاحبك من غدر وقته صابه اجفالي= والدم فار وتخثر داخل اعروقه
يبيك تاقف معه وقفات الابطالي = وقفت شجاعاً يدافع عن سلب نوقه
لاشافهن يبذل المجهود بقتالي = نفسه على الموت لجل الذود مسيوقه
من بعدها لاتعذر وابذل الغالي = معذرك لو قلتلي ما عاد الك طوقه
وان كان ماانته معي في كل الاحوالي= ناديت ناديت الا يامطنخ الروقه [/poem][/align]

كفووووووووووووووووووووووووووووووووو






والله ونعم ياروق



صح لسانك وبيض الله وجهه ولاهو بغريب الطيب من اهله وانتو ياعتيبه مقر الوفى والطيب

بيض الله وجهه

وارفع له البيضاء

وصح لساااانك

قصيده محكمه بالحيل وجزله

لك تحياتي

ونعم المادح والممدوح
ويستاهل

عوض

صح لسانك لين ترضى على ها الجزلة

ويستاهل المدح راع العلوم الغانمة

تحيتي وتقديري

صح لسانك يابن مشيب
ونعم بالعضياني ويستاهل مدحك

مار هه انتبه لاتحطها فالسوق تقول ابي اعدّل

ونعم ونعم ونعم

وصح لسانك

عسى الله يعوضك

والروقة سند ما فيه شكه


حتى الهوامير مثل الشعـب مزنوقـه <<<< لا اوافقك بتاتا البته :(

كفو كفو

وبيّض الله وجهه

وانت صح لسانك واعتلا شانك

وتقبل تحياتي ومروري

-


امحمد اسعود الآ ياحـي هـا الفالـي
يفداه من لحيتـه بالمـوس محلوقـه
ويفداه رجلاً بخيـل و يكنـز المالـي
ماسر نفسه وثوبـه يرقـع افتوقـه


ماله الا بياض الوجه ، صح لسانك يا عوض وعوضك الله ، تحياتي

الله الله الله

كفو

كفو

كفو



وتستاهلون كل علمن طيب



صح لسانك الف ياعوض

عوض

قصيدة معاناه يعاني منها كثراً من الناس

وماهي غريبه على محمد بن سعود فعل الطيب فهو كفو ومن كفو

وأنت تستاهل بس انتبه من الأسهم مرّه ثانيه لاتلحق نص المليون المليون

تحياتي للجميع

عوض العتيبي

صح لسانك لاهنت

وراع الطيب والعلوم الغانمه يستاهل المدح بلاشك ،

تحياتي لك