(( خفـــايــــا ملـــــفــــي))
 

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يالله ياللي للصعيبات حلاّل=يا واحدٍ تعلم خفايا ملفّي

أنت الإله العالم بكل الأحوال=رحمتك يا رحمان منها استشفي

تجعل لي الجنة مقرٍ ومنزال=لا صرّت الاقلام والعِرق جفّي

ثم قلّت الحيله وأنا مقدر أحتال=إنك عليه بالحساني تضفي

ويالله عسى السمعه على الطيب تنقال= ليا نِشد عني وقيل امتوفّي

هذا هو المكسب وهذا هو المال=والا ترى الدنيا جناحٍ يرفي

والعبد فالدنيا على اقفاي وإقبال=حتى على القبر المظلّم يزفي

هذا ولي بالشعر مخرج ومدخال=آرد وامد رشاي وأشرب بكفي

لولا القصايد بعض الأحيان يا خال=خطرٍ علي من الهجوس أستخفي

أدله بها ساعات يا طيّب الفال=لو إنها عن مقصدي ما تكفي

سود الليالي جورها ضيق البال=والمِقبله مدري بعد وش تخفّي؟

وأنا مع أهل الجود رجلي وخيال=فكري مع دروب النشاما يلفّي

مع دربهم رحّال لو السفر طال=رفقة هل العِليا مرامي وشفّي

كسّابة الناموس ذربين الأفعال=رجالهم عند اللزايم يوفّي

والرجل مرقابه على روس الأقذال=أخير من طرد الرفيق المقفّي

رفيقك اللي قاطعٍ عنك الإرسال=جعله مهف مقيط لا منه هفّي

لا صار ماهو لك عن الكنّه ظلال=وإن صرت في برد الشتاء ما يدفّي

خله وسج الرجل في جرد الأسهال=خله بنومه طول وقته مغفّي

وإن حدّته سود الليالي على الجال=قامت ركابه عند بابك تصفّي

والرجل لا منه حداه أشهب اللال=يلقى رجالٍ طيبهم ما يخفّي

اللي لهم في قمة المجد مدهال=ونفوسهم عن كل هزله تعفّي

ولا كل رجالٍ يعوض برجال=بعض الرجال من المروه مصفّي

كم طيبٍ خلّف بعد موته عيال=أحدٍ يشب النار وأحدٍ يطفّي

ويالله عفوك يالولي يوم الأهوال=يا واحدٍ تعلم خفايا ملفّي

شبيب بن شاهر السبيعي

وسلاااااااااااامتكم[/poem]

[align=center]وسلاااااااااااااااااااااامتكم

الشاعر/ شبيب بن شاهر السبيعي[/align]

ويالله عسى السمعه على الطيب تنقال
ليـا نِشـد عنـي وقيـل امتـوفّـي
هذا هو المكسب وهذا هـو المـال
والا تـرى الدنيـا جنـاحٍ يـرفـي


انشهد

صح لسان شبيب بن شاهر

وسلمت يدك يابو فهد ,, دائما اختياراتك موفقه وراااائعه

تحياتي لك

ملاحظه :

اتمنى من الاخوان تعديل التاء الزايده املائيا في عجز البيت الاول ( خفايات )

..

الله الله الله الله

يا حلو اختياراتك يا بداح

ما تجلب الا من عيون الشعر

صح لسان الشاعر الكبير شبيب بن شاهر السبيعي

وحجت يمناك يا بداح ،


..

:




ياسلام
ياسلام
ياسلام





بداح


عزالله ان اختيارك روعة
صح الله لسان شاعرنا
وتسلم يمينك
تقبل مروري

-

تجعل لـي الجنـة مقـرٍ ومنـزال
لا صرّت الاقـلام والعِـرق جفّـي
ثم قلّت الحيله وأنـا مقـدر أحتـال
إنـك عليـه بالحسانـي تضـفـي

/
/
/

ويالله عسى السمعه على الطيب تنقال
ليـا نِشـد عنـي وقيـل امتـوفّـي

اللهم امين اللهم امين اللهم امين




صح لسان ابو شاهر قصيده مؤثره ، جزاه الله عنا الف خير ، وسلمت يا ابو فهد


تحياتي




-

سلمت يابداح على النقل الجميل

وصح لسان الشاعر شبيب شاهر

محبتي ومتابعتي

اخوك

هلا اخوي بداح
الف شكر على هالنقل الرائع
وصح لسان الشاعر شبيب السبيعي

نقل رائع ودليل على رقي الذائقه يابو فهد

صح لسان الشاعر شبيب السبيعي

ولا هنت

[align=center]ويالله عسى السمعه على الطيب تنقال
ليـا نِشـد عنـي وقيـل امتـوفّـي

هذا هو المكسب وهذا هـو المـال
والا تـرى الدنيـا جنـاحٍ يـرفـي



صح لسان الشاعر \ شبيب السبيعي

وكل الشكر لك [mark=CCCC99]بداح السبيعي[/mark] على الاختيار الرائع [/align]

[align=center]
الإخوة والأخوات:

ياسر العتيبي

سداح

فراج القرقاح

خالد السيحاني

عبداللطيف الغامدي

الفجر البعيد

ناصر مناحي

محمد بلال

النيرة

هلا وغلا .. وسعيد بمروركم واطلاعكم

تحياتي للجميع[/align]

[align=right]

وسلمت يالسبيعي ..
اختيار رائع وجزل ..
طابت يمناكَ وصح السان شاعرها

....... تحيتي /

[/align]

بداح السبيعي


لاهنت