قلت العطور بفمك ياعنق الضبي!!!
 

السلام عليكم ورحمة الله وبركاته

[poem=font="Simplified Arabic,7,purple,bold,italic" bkcolor="burlywood" bkimage="" border="double,3,sienna" type=2 line=1 align=center use=ex num="0,black"]

لقيتها بالسوق تفتر وتدور=وانا وغيري ما درينا وش تبي
ولدت وقالت لي نبي مصنع عطور=قلت العطور بفمك ياعنق الضبي
وذاب النظر فيها وهي جاها غرور=وانا بدون شعور قلت إلها أقربي
قالت هذا مجنون قلت بلا شعور=من ضمن ما قلته تمني وأطلبي
ماعاد افكر فالغياب ولا الحضور=ولإدري لو الحضار قالوا لي غبي
وبعد انتباهي قلت انا ما قلت زور=قالت ؟ علينا؟! خاف ربك يا صبي
قلت إعذريني قالت ابعد ومعذور=وخطيتي قلت امسحيها بشنبي
قالت ترى مأنته بجاهل بالأمور=وإن كان تبغاني تفضل عند ابي
قلت الصراحه ما حصل منكم قصور=ولا همني مالي وجهدي وتعبي
لكن حظي من دبوراً في دبور=إلياء طلبته فزعته قام يحبي[/poem]وسلامة الجميع
حمدان المقاطي

حمدان المقاطي :


نص اكثر من رائع

وحوار عاطفي جميل

تحياتي ...................

ياسلام يا حمدان


قالت ترى مأنته بجاهـل بالأمـور
وإن كان تبغاني تفضل عنـد ابـي


الله لله


صح لسانك وسلمت ،


..

-


قالت ترى مأنته بجاهـل بالأمـور
وإن كان تبغاني تفضل عنـد ابـي
قلت الصراحه ما حصل منكم قصور
ولا همني مالي وجهـدي وتعبـي
لكن حظي من دبـوراً فـي دبـور
إلياء طلبته فزعتـه قـام يحبـي



خطير يا حمدان :)


بس مدري هالقصيده من وحي الخيال والا من الواقع teeth:


وفي كلا الحالات والله انها معبره وصورت فيها الموقف بإتقان شاعر ، لله درك

،
/


الله الله الله



حمدان المقاطي
شاعر جميل جميل وعذب
صح الله لسانك
وأبيات عشناها :)
تقبل مروري

عليكم السلام ورحمة الله وبركاته

يا مرحبا يا حمدان

قصيده واضحه وتمكن واضح

صح لسانك مدد

اخوي،,,غازي

مرحبابك مليووووون

الاروع مرورك الحاتمي


شكراً لك من الاعماق

قالت ترى مأنته بجاهـل بالأمـور
وإن كان تبغاني تفضل عنـد ابـي


حمدان المقاطي صح لسانك

نص رائع


والاروع

ولدت وقالت لي نبي مصنع عطور
قلت العطور بفمك ياعنق الضبـي

هلا وغلا بأ خوي سداح


صح بدنك ولاهنت على مرور

الــــــــحــــــــاتمي


لك الشكر والاحترام

حمدان


قالت ترى مأنته بجاهـل بالأمـور
وإن كان تبغاني تفضل عنـد ابـي


الله لله


صح لسانك

اخوي/ عبدالله بن علي

مرحبابك ترحيبة المطر

تشرفت بمرورك العطر


لك الشكر الدائم

مشعان البراق

هلابك ثم هلابك

وحضك بعد

مرورك انار متصفحي ولي الشرف


لك الشكر الدائم