منتديات المرقاب الأدبية - 00(ألم تدرون عن هذا المثل)00

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يقولون العرب في ماضي التاريـخ ولأزمـان=يجي وقتٍ غبر مايسنـدون الامـر لصحابـه
ويقولون العرب مافيـه نـار الا لهـا دخـان=وساس النار والدخان مـن جمـره ومشهابـه
ويقولون العرب قدامـك الميـدان ياحميـدان=مثل دارج ولـه معنـى ويعجـب واتسلابـه
ويقولون الرجال اللى لهم في الطايله برهـان=ابـد ماضـاع حقٍ ولـه ديانـه وطلابـه
ويقولون الرجال البيت مايبنـا بـلا عمـدان=وانا اقول إن عز البيـت بالعمـدان واطنابـه
اللي عزوه ولي لابه عتيبـى ربعـي العتبـان=ولي حق الفخـر بأسـم العتيبـى واتعزوابـه
تنقي ياهجوسى واجمعي باقـه مـن البستـان=تنقـي فالنـوادر والمنقـى ربعـي اولابــه
سلام الله على كل القبايـل مـن ولـد قبـلان=بدون اقصور كلٍ يفتخر لاصـار مـن لابـه
وترى كلمت نعم ماجات لعتابه على المجـان=شروهـا عسكـر البـارود رجليـه وركابـه
تربعنا على القمّـه وقـرت شوكـة الميـزان=لنا وقفه لنـا هيبـه لنـا حشمـه لنـا جابـه
ولانغدر نثمن واجـب الضيفـان والجيـران=نمشيهـا وندمـح زلـة الصاحـب وندرابـه
بحر هادى مع الهادى نجم هاوى على الشيطان=الم تـدرون عـن هـذا المثل(لـدم شرابـه)
تحيه ياهـل الهيـلا وحنـا والعبـاد اخـوان=تحت ضل الشريعه كل فاسق ياخـذ احسابـه
تلالي يابروق الشعرفي راسي سـرى ربـان=هماليله غلا تمطر على اهل الـدار وهضابـه
انا الشاعر وانا المبدع وانا الهاوي وانا الفنان=ليامني ذكـرت اللـى شهـر للعـز مخلابـه
عريب الجد ابو متعب على شعبه ملك وانسان=يمينـه بالعطـا جزلـه حليـم ولا يحـلابـه
الا ياقـادة الامـه حكمتـو والـولا ريحـان=امده بأسم ربعـي محزمـي وامـون ونيابـه
وصلاة الله على محمد عدد ماهلـت الامـزان=رسـول الله حبيـب الله ذكـره الله بكتـابـه [/poem]