احجز مكانك من الآن للنعيريه..
بعد نجاح طلعة ام رقيبه الماضيه.. فإن هناك نيه لإقامة مخيم لأعضاء المرقاب
في النعيريه خلال عطلة الربيع القادمه و التي ربما تصادف شهر (2) هجري.. و سوف يتم الترتيب لها من الآن.. فمن يرغب من الأخوه الحضور عليه تسجيل إسمه و تأكيده لأن هناك ترتيبات خاصه.. لا احد يقول ما علمتونا من بدري... فاللي يبي يجيه ضيوف يحاول يصرّفهم من الآن.. لا يجونه في العطله :) و اللي عنده انتداب يحاول يدبر له اجازه مرضيه :) و اللي عنده روحه لمصر يحاول يخليها في الصيف عشان يريّح من حر الخليج :) و اللي عنده خفاره يشوف له دقيش يداقش عنه :) و اللي عنده استلام يحاول يشوف له واحد ٍ يستلم عنه و يعطيه خمسمية ريال..:) و اللي زوجته رافضه تخليه يروح يطلقها طلقه واحده و بعدين يرجعها بعد الرحله و سوف يتم التكفل بالرضوه عن طريق أعضاء الرحلهteeth: و اللي عنده راي ثاني في مسألة التوقيت يجيبها عشان يناقشها أعضاء مجلس إدارة مرقابيّ المنطقه الشرقيه.... على أن يتم ارسال الأوقات المقترحه لأمين سر المجلس ( خالد الساحاني).. و صلى الله و سلم و بارك على ابو فاطمه سكرتير عام مجلس إدارة مرقابيّ المنطقه الشرقيه ش. س. ملاحظه: من هنا لشهر ثنين حياه و موت و يمكن ما يصير رحله .. لكن من باب التخطيط و التهيئه و التعبئه العامه<<< ذكـّرتني ازمة الخليج .. و التوفيق بيد الله.. |
^
^ وامين الصندوق من :) <<<< حرامي teeth: لي عوده يا مجرم :) |
8
8 8 الساحاني,انت ما انت بأمين سر.. انا ادور لي وضيفه خلال اجازة الربيع وما قالوا لها,,, وعندي شهادة دووره بالمحاسبه 10 ايام..وحاصل على خبره سنتين في باب ماجاء في (تنسيق امور القطات لاصحاب البر والكشتات) السريَع,شفق.. بادرة طيبه ما تجي الا من شخصيه ذات عقليه قياديه وبيّض الله وجهــــكــ |
شفق السريع :
شكلك ماتبي أحد يجي , تقول لهم من الآن علشان ينسون , وتقول أنا قائل لكم ... ممكن سؤال : فية أقسام للمخيم ؟ .... |
تجتمعون على الخير \الخار << في رواية اخرى
. . . وترى ماقلت ان شاء الله ياشفق :) |
على العز
لكن لي شرط بسيط . خالد السيحاني لايزعجنا والا بلاشي |
ياسلام ياسلام ياشفق
خبر مفرح عزالله وان الله قسم من الحضور انشاالله |
هلا هلا هلا يا بومهنا
خلني اسأل خالد الحصيّن كم تبعد النعيريّه عن منفذ الكويت الجنوبي ( النويصيب / الخفجي ) وكم تبعد أم رقيبه عن ذات المنفذ .. واقوم بعمل رسم بياني وأشوف كم طول دعسة البنزين واقرر لأنه بيني وبينك .. وين بيني وبينك وحنا نسولف على المكشوف المهم لأن الموتر مخبّط وفي فترة التمرين بعد توظيبه ولا اقدر اتجاوز حدود الستين كيلو متر في اليوم عموما .. الفكره سوف تكون ديناميكيه وموفقه الزبدة عاد الله يجمعكم ولا يفرقكم ولا ظنيت اني معكم من غير شر عليّ وعليكم ،،، .. |
اقتباس:
أولا نسال الله العافيه والصحه ويسلمك الله ياشفق وتحضرها وتنسق لغيرها :) معلومة لابد منها اللي ترفض زوجته لايروح اعرف ان العصمه في يدها ومايقدر يطلقها يعني وفر الرضوة وحطها في مفطحه شوياً وقليّاً teeth: |
عسى الله يلحقنا على خير ومبدئياً
" سجلوني وان ماقدرت فاعذروني " بالتوفيق وسدد الله خطاكم |
بالتوفيق
يا بن سريع فكره ممتازه وبادره طيبه بس من تاريخ 27/1 والمده 25 يوم انا خارج المملكه لغرض المقناص ون وافقت رجعتي تواجدكم في النعيريه جيتكم ان شاءالله |
ماخليت ولاعذر يابومهنا ماحطيت له ( بند ) :)
انا مقدر لأني يمكن في شهر 2أكون مريض < عذرٍ خبيل هههههه المهم إتفقوا وماعليكم منّي << شفيه عمر موسى على حسب نسبة المرقابيين الكويتين اللي راح يتواجدون في النعيريه ، لأنه في بصراحه واجهنا ضغوط ( لهجويه ) ( وجمركه من الدعاميه للدعاميه ) أثناء حصاركم لنا في ام رقيبه :( على العز إن شاءالله وبالتوفيغ :) |
يابو مهنى
الناس تدور الدفى ونت تبي تحطنا في البرد ................. وشرايكم تغيرون الوجهه ............... في تهامة الحجاز الربيع + جو دافئ + مويه حاره ( الي رجوله تعوره ولا مفاصله فيها رماتيز) <<<<<<<==== شافها بعيده عنه وقام يقدم عروض وبعدين يبو مهنى شفت صوركم ونتم في ام رقيبه تلعبون البلوت ونبي نوريكم شلون اللعب على اصوله ( ترانا مانلعب الى مع العواده الي انت شفتهم هاك اليله ) على العموم الله يوفقكم ................. وانشاء الله يكون لنا فرصه في القدوم اليكم ولو ان المسافه قطعة ظهر |
بإذن الله سأكون من الحاضرين ..
بس لا أحد يقول لي مافيه لعب كوره ! لأن كورتي معي بالسيارة |
علمٍ غانم يا ابو مهنا :)
وعسانا على القوه <<< من اهل الشرقيه :) الله يجمعنا على خير :) |
اقتباس:
صراحه امين الصندوق ما اعرفه .. انا اعرف امين دابو teeth: حياك الله يا ابو غازي |
اقتباس:
ههههههههههههههههههههههههههههههههه ههههههههههههههههههههههههههههههههه هذا و الله المنسم على سن و رمح... انا نصيحتي لك انك تجيب معك ميسم.. الظاهر انك تبي تصير في حاجته هههههههههههههههههههههههه ابك تسيف باب ماجاء في (تنسيق امور القطات لاصحاب البر والكشتات) لا بالله الا منسم و بقوه بعد هههههههههههههه مرحبا بك يا مجودي و انت اميرنا ان جيت و انا اخوك.... |
اقتباس:
لا ما عليك أعضاء المرقاب عقولهم مطابع ... :) اما بالنسبه للسؤال.. فإجابته ما ستراه لا ما ستسمعه<< وش عنده هارون الرشيد اهم شي انت جهز السوالف و القصيد اللي مخبيه السنين اللي راحت كلها.... انت مطلوب امنياً و غير امنياً في المخيم.. ترى عليك توصيات كبيره ... :):):) |
اقتباس:
من اللي ما قال ان شاء الله .. انا لو انتي؟؟ وضحي الله يجزاتس خار و في روايه خير.. حياتس يا بنت الاجواد و مشكوره على التواجد |
اقتباس:
شف يا ابو رشيد اشرط اي شئ .. الا خالد السيحاني.. هذا خارج المفاوضات .. اسمح لي يا ابو رشيد.. اصلاً ازعاج خالد هو أساس الطلعه كلها... :):) |
اقتباس:
يا مرحبا و الله يا بندر.. و انت اصلاً مدوّر.. يعني جيتك الزاميه اذا اللي يسّر امور الرحله |
اقتباس:
البقا و انا اخوك.. طيب بدل اللفه هذي كلها.. و راك ما اختصرتها على الزبده و ريحتنا ؟؟ :):):) الاسم ما نعرفه و الصوره ما شفناها و هالحين زولك ما تبانا نشوفه؟؟؟ ياخوي مطلوب امنياً انت و الا وش حكايتك :) الظاهر لازم اشوف لي خطه ثانيه غير هذي عشان اشوفك فيها هههههههههه |
| جميع الأوقات بتوقيت GMT +3. الساعة الآن 07:07 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية