حِمـــــاية الرغـــــيـــف
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من بعد زارت ليفلي للشيـخ حمـاي الرغيـف=تهديدها واضح وهـزت مـن دجرهـا اكتوفهـا أهداف ضيفة, عمدة الحارة يخر لهـا المضيـف=في عهد إهانه ماسبقهـا غيرهـا مـن نوفهـا صار النقيب اليعربـي قدامهـا رتبـة عريـف=الطاعة العمياء لهـا, اذعـن وطـاع شفوفهـا ملعون أبو ذل الكرامـه و إدعـاء العـز زيـف=هيبة قيـادة تنتهـك وصمـت القيـادة خوفهـا وغزه تنادي والأذانـي صـم ياعبـد اللطيـف=والشجب ما فك النشب , كلمه شبعنـا حروفهـا كرامة الأمـه تعـرّت , جوهـا دايـم خريـف=أوراقها ماتستـر العـورة و شيـن وصوفهـا في كل وقت القصف للأرواح ويسيـل النزيـف=جرحـى وثكـلا واليتامـا مـن يعـد كشوفهـا يا كثر الأمه والعدد في زود كـم؟ بـدون كيـف=حتى بموقف جـرأت الزيـدي تشـق صفوفهـا ومن دون توحيد الصفوف الموقف العاري مخيف=رياسـة الريـس تـراس بخدتـه وكفوفـهـا يخضع ذليـل ينفـذ الأدوار والمظهـر نظيـف=مسلوب إراده والخطوط الحمر كيـف يطوفهـا والهجوله في زمرة الأحزاب صار ءلها وحيـف=والدين جمرة في الكفوف اللي يـزود حسوفهـا صار المواطن في الوطن في ملّة التجار ضيـف=ومبانـي المـال اليهـودي عاليـات سقوفهـا يهييييب ياشيخ الغفر والناس مـن حولـه لفيـف=نفسه معنيها ويبـلا النـاس فـي مصروفهـا حتى مع التكراربان الدرب فـي عيـن الكفيـف=وشتات الأمة و إختلاف الـرأي يعمـي شوفهـا إلى متى يا نظرة المتفـرج لرصـف الرصيـف=ستين عام من العراء والـذل عشنـا ظروفهـا [/poem] |
والدين جمرة في الكفوف اللي يـزود حسوفهـا
الله المستعان كديميس السيحاني صح لسااااااانك |
وشتات الأمه واختلاف الراي يعمي شوفها
انا اشهد يا كديميس والله لا يضرّك على هالشرح الوافي صح لسانك مدد وسلمت |
الله الله الله
الله الله الله تجسيد لواقع ملموس ومؤلم ومؤسف وشاعر قدير صح لسانك يا بومنصور وسلمت ،، .. |
يصح لسانك شاعرنا السيحاني
وتسلم على هالإبدااع المتجدد والله يرحم المسلمين ويرفع رأيتهم لك إحترامي طال عمرك’, |
الرائع كديميس
وصفت الحال بحرفنه شعريه لله درك وصح لسانك تحياتي |
صار المواطن في الوطن في ملّة التجار ضيـف
ومبانـي المـال اليهـودي عاليـات سقوفهـا ابو منصور .. للإبداع بحضورك .. حضور صح لسانك ولاهنت يامرضي القيفان متابعتي واعجابي اخوك ابو نايف |
وجهة نظر لشاعر جزل ومعروف
لاهنت يابو منصور وصح لسانك وعسى الله يصلح الاحوال .. تحية اخوك |
القدير / كديميس
صح لسااااانك نص فاااخر وجزل مودتي لك .... |
الله ينصر المسلمين ويجمع رايتهم
صح السانكـ يا ناصر صح السانكـ أخــــوكـ... |
اقتباس:
هلابك ومرحبا صح بدنك ولا هنت تشرفت بمرورك الغالي دمت بخير تحياتي لك[/align] |
شعر اكبرمن راقي
ومعانقة حبال الجمال وقطف عناقيده البعيدة عن ايدي الجلاط لاشك انك كتبت وصلت الى مبتغاك من خلال ىهذا النص الشامخ سجل اعجابي ومتابعتي لك |
-
كرامة الأمـه تعـرّت , جوهـا دايـم خريـف أوراقها ماتستـر العـورة و شيـن وصوفهـا / / اي والله ما تستر العوره ، فالصميم يابو منصور ، لله درك ،و صح لسانك ولاهنت يا مبدع اصدق التحايا :) |
[align=center]
كرامة الأمـه تعـرّت , جوهـا دايـم خريـف أوراقها ماتستـر العـورة و شيـن وصوفهـا يا سلام عليك0000 يكفي هالبيت 000 صح لسانك مدد يا كديميس وسلم راسك تقبل تحياتي 000[/align] |
.
. في كل وقت القصف للأرواح ويسيـل النزيـف جرحـى وثكـلا واليتامـا مـن يعـد كشوفهـا يا كثر الأمه والعدد في زود كـم؟ بـدون كيـف حتى بموقف جـرأت الزيـدي تشـق صفوفهـا ياسلام عليك ياكديميس وصح لسانك ملاييين تحيتي لك والله ينصر غزّه والمسلمين . . |
يا سلام الله عليك ياكديميس
ابدعت ابدعت الله لا يضرّك ويزيدك من فضله وصح السانك على مشاعرك الصادقه ودمت بخير |
| جميع الأوقات بتوقيت GMT +3. الساعة الآن 02:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية