((.. نفس الحدث لبنان والاّ فلسطين .. فلم يتكرر والعرب في سباتي .. )) ..!!
 

السلام عليكم

::::::::::::::::::::::

[poem=font="Arial,4,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]
بالامـــس فـــي غزّه تـــثـــور البراكين = مـــشــــاهـــد ٍ منها تهل عبراتي

كــيـــف الطــفـل يذبح ولا تدمع العين = وخـــواتــــنـــــا تنهان بيد الطغاتي

قــصــــف ودمـــار صغار ولاّ مسنين = رعب ومصايب من جميع الجهاتي

حـــرب ٍ ضــحــيــتها ضعوف ٍ بريّين = كــلـــن يــشــــاهدها بوسط القناتي

لا شــايــب ٍ يــرحــــم ولا به قوانين = والـــرّجـــل يبكي دمّ وقلبه يحاتي

ما يقدر يـدافع عـــن الارض مسكين = والام تـــلـــطـــم خدّها والشفاتي

عقب الامان الــيـــوم صاروا ذليلين = يترقبون الـــموت والموت عاتي

عقب الغـــنــى والــعز ذاقوا لأمَرّين = وعقب الرخا عـــافوا لذيذ المباتي

عقب القــصور الشّامخه والبساتين = اضحت خرابه من هجوم العداتي

لا زاد لا مـــأوى غدى حالهم شين = لا أمن لا استقرار كـــيف السواتي

نــفـــس الحدث لبنان ولاّ فلسطين = فلم يتكرّر والعرب فـــي سباتي

شطار نــستـــنـــكر ونــدفع ملايين = نشجب ونتظاهر بـــكل اللغاتي

كلن على مــذهـــب وكلن على دين = نزعم بأن الصمت مركب نجاتي

والمشكله صـــهيون حزب ٍ قليلين = وحنا امة المليار لكـــن شتاتي

للغـــرب دايــــم مخلصين ووفيين = ولأجل المصالح ما تثير نعراتي

متى على الله نجتمع في الميادين = ونحرّر الاقصى من أيـــد الغزاتي

ونرد كيد المــعـــتـدين الملاعــين = وتبقى لنا لبنان بأحـــلى صفاتي

وتعمنا الافراح ونصبح سعيدين = لكن تبغى الحرب عـــزم وثباتي

وين الرجال مرجحين الموازيين = يشرون جنّات النعـــيـــم بمماتي

وين الشيوخ الوافيه والسلاطين = وين الملوك امنزّحـــين العصاتي

يالله يا مــنــــزل تبارك وياسين = تنصر لنا الاسلام قـــبل الفواتي

انت العزيز اللي تعز الضعيفين = وانت القوي تردع جميع الطغاتي[/poem]

::::::::::::::::::::::

وسلامتكم


اخوكم ,, حسن بن علي الهاجري

القدير / حسن


نعم هذا واقع مر ومؤلم


الله ينصر اخواننا المسلمين في جميع أنحاء العالم


صح لسااااانك مدد


مودتي لك ....

وانت سالم


صح لساااانكـ



صح لساااانكـ

يالله يــا مـنــزل تـبــارك ويـاسـيـن
تنصـر لنـا الاســلام قـبـل الفـواتـي

اللهم امين اللهم امين

صح السانك وسلمت يا بو علي

دمت بخير

جزاك الله خير

وصح الله لسانك يابوعلي

شاعر كبير وجزل ومميّز

حسن الهاجري


صح لسانك يالجزل لاهنت


تحية اخوك

عليكم السلام ورحمة الله وبركاته

مرحبا يا بو علي احداث تشيّب وواقع مرّ الله ينصر المسلمين

صح لسانك مدد وسلمت

اللهم آمين


يا مرحبا يا بوعلي ومسهلا


نفـس الحـدث لبـنـان ولاّ فلسطـيـن
فـلـم يتـكـرّر والـعـرب فــي سبـاتـي

شـطـار نستـنـكـر ونـدفــع مـلايـيـن
نشـجـب ونتظـاهـر بـكــل اللـغـاتـي

كلن علـى مذهـب وكلـن علـى ديـن
نزعـم بـأن الصمـت مركـب نجاتـي



عز الله شطار في الشجب والاستنكار

صح لسانك مدد وسلمت ،


..

عبدالرحمن السمين

آمين

لاهنت على المرور

ارررررررررررحب يابوعلي



وصح لسانك وعلاشانك


شاعر مواقف جزاك الله خير

وين الرجـال مرجحيـن الموازييـن
يـشـرون جـنّـات النـعـيـم بمـمـاتـي
وين الشيـوخ الوافيـه والسلاطيـن
ويـن الملـوك امنزّحيـن العصـاتـي
يالله يــا مـنــزل تـبــارك ويـاسـيـن
تنصـر لنـا الاســلام قـبـل الفـواتـي
انـت العزيـز اللـي تعـز الضعيفيـن
وانت القوي تردع جميـع الطغاتـي


الله ينصرك وينصر جميع المسلمين .. أمين


يعلم الله نفس الشعور يالهاجري


صح لسانك حتى ترضىى


ولاخــلآ ولا عـــدم


:)