( فيصل منصور الرياحي )
السلام عليكم ،
قرأت خبر الاخ شفق السريّع قبل قليل ، والحمدلله على قضاء الله الشاعر العلم / فيصل بن منصور الرياحي البقمي وافته المنيّه اليوم والله ما يعرف الواحد كيف يعبرّ لكن اسمحوا لي بهذه المتواضعه وما في المشاعر اكبر بكثير نسأل الله له الرحمه والمغفره ، [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] رزنامة الأيام مع مرّ الأيام=ترزم وتدفعها هبوب الرياحي ترمي سهمها كل ما طيرها حام=وطير السعد منها كسير الجناحي يا مرتجين الخير من مطلع العام=الشر زاد وساد .. والخير ماحي لو بثّت الأخبار معها النباء الهام=يا ليت ما بثّت وفاة الرياحي أوّ ليتها كانت من حساب الأوهام=لاشكّ علم الموت ما به مزاحي دقّات قلبي عند تحطيم الأرقام=تسطي ويبطي خاطري ما أستراحي لا والله إلاّ مات فدّاح الأخصام=اللي عليه الشعّر جرّ المناحي علم وفرقه بان عن كلّ الأعلام=رفرف .. وصابته المنايا وطاحي بيطار عدّ وردّ .. شامخ ومقدام=جبل محصّن من جميع النواحي حاكم شعر .. مدام للشّعر حكام=كم زاح حكمه حاكم ٍ ما يزاحي له سيرة ٍ بيضاء وله سيف صرّام=وإليا جرح يصرف علاج الجراحي مدات كفّه بالوفاء حظها قام=ماهيب مدّات الكفوف الشحاحي من عزوة ٍ تجمع عزيزن وكرام=أهل المراجل مبعدين الشباحي في حبّهم والله مانيب منلام =والحبّ ما بين القبايل مباحي أعزّي الأصحاب من قلب منضام=يا كبر همّك يا القلوب الصحاحي وأعزي الشعّار من كلّ الاقوام=في فقد طير ٍ من طيور الفلاحي عساه بالفردوس في ظل الإسلام=من رحمة الله لا بس ٍ له وشاحي يآرد على حوض النبي خير الأنام=مثواه في الجنّه .. وشربه قراحي[/poem] آمين .. وسلمتوا ، .. |
يا الله يا ألله ياسداااااااااااااااااااااح
بيّض الله وجهك ورحم والديك ياشيخ صح لساااااااااااااااانك على هذا الإبداع والتمكّن الغير غريب عليك..إستطعت أن تُترجم مافي قلوب مُحبي فيصل وفاقديه جزاك الله خير وسلّمك وعافاك كفّيت ووفيت وانا اخوك تحياتىىىىىى لك |
الله يرحمه ويسكنه في فسيح جنّاته اللهم امين
ويرحم المسلمين الاموات منهم والاحياء صح السانك مدد يا سدّاح ودمت بخير |
من عزوة ٍ تجمع عزيزن وكـرام
أهل المراجل مبعديـن الشباحـي فـي حبّهـم والله مانيـب منـلام والحبّ ما بيـن القبايـل مباحـي والله ونعم الرجل رحمه الله ونعم العزوه سنة الحياه ماشيه ولا راد لقضاء الله والله يصبر ذويه ومحبيه وانا منهم فيصل رحمه الله علم كبير من اعلام الشعر والمرجله سداح لاجديد !! الشعر الجزل والصادق والمعبر ومواكبة الأحداث هذا ماتعودناه من حضرت الدكتور بيض الله وجهك لين ترضى يابطل وياعلم تقبل تحياتي |
[align=center]سداح
صح لساااااااااااااااااانك وبيض الله وجهك على شي يعتبر وفاء منك ولاهي غريبه عليك والله يرحم فقيدة الشعر من المحيط للخيلج ويسكنه فسيح جناته[/align] |
[align=center]
الله الله 000 يا دكتور بيض الله وجهك 00 والله جزله على كبر جزالة المصاب لكن كلنا على راي المثل اموات وعيال اموات 00 والحمد لله اننا نموت مسلمين موحدين 00 وهذا ما يهون علينا المصاب في فقد عزيز علينا 000عساها في موازين حسناتك اخي الكريم وان لله وان اليه راجعون واسأل الله يتغمد فيصل الرياحي بواسع رحمته ويهبه منازل الشهداء آمين 000وصح لسانك مدد بلا عدد تقبل تحياتي 000[/align] |
الله الله
سلمت ياسداااااح وعشت وجعلها الله في موازين حسناتك والله يرحم فيصل وجميع موتى المسلمين فعلااا شااااعر علم الله لايضررررك ولله دررررك تقديري |
رحم الله فيصل الرياحي رحمة واسعه
وأحسن الله عزاء أهله وذويه خاصه وقبيله البقوم عامه وجزاك الله الف خير يادكتور وصح لسانك مليار وعساك تبطي حي |
سداح
صح لساااااااااااااااااانك ولاهنت قصيدة وفا فيمن يستاهلون الوفا . الله يرحمه ويسكنه فسيح جناته عساه بالفردوس في ظل الإسـلام من رحمة الله لا بس ٍ له وشاحي يآرد على حوض النبي خير الأنام مثواه في الجنّه .. وشربه قراحي اللهم اميييييين . دمت وسلمت ياسداح تحياتي |
[align=center]انا لله وانا اليه راجعون
الله يرحمه رحمه واسعه ويسكنه فسيح جناته ويلهم ذويه الصبر والسلوان [mark=FFFFFF]المبدع دائمأ \ سداح[/mark] قصيده اكثر من رائعه صح لسانك لين ترضى دمت متميز[/align] |
عساه بالفردوس في ظل الإسـلام
من رحمة الله لا بس ٍ له وشاحي يآرد على حوض النبي خير الأنام مثواه في الجنّه .. وشربه قراحي اللهم آمين الله الله يا دكتور على هذه القريحة التي تسعفنا وقت الملمات والحوادث .. بالشيق والجميل .. وما يخرس الألسن عن التعبير صح لسانك .. !! ورحم الله الفقيد وتغمده برحمته تقديري ... |
كفيت و وفيت
صح السانك و يعلم الله انه خبر فاجعه اسئل الله ان يرحمه و يصبر اهله |
سداح
صح لسانك وسلمت والله يرحم الشاعر فيصل فقده الشعر الله يجعل مثواه جنات النعيم |
علم وفرقه بان عن كلّ الأعـلام
رفرف .. وصابته المنايا وطاحـي الله الله الله الله الله يرحم ابو بدر ويسكنه فسيح جناته ، ويمد في عمرك ياحبيب الشعر ودكتوره |
اقتباس:
[align=center]اللهم آمين صح لساااانك يا سداح على القصيدة المؤثرة وكفيت ووفيت والله يرحم فيصل الرياحي ويرحم جميع أموات المسلمين وإنا لله وإنا إليه راجعون[/align] |
اقتباس:
إي والله يآ ليت .. :) صحّ لسآنك دكتورنآ .. كتبت مآفي قلوبِنآ .. :) |
[align=center]فـي حبّهـم والله مانيـب منـلام
والحبّ ما بيـن القبايـل مباحـي اي والله من منّا لا يحب ابو بدر رحمه الله رحمةً واسعه وصح لسااااانكـ يادكتور القاف دمت بخير وفي رعايةالله ***********[/align] |
فـي حبّهـم والله مانيـب منـلام
والحبّ ما بيـن القبايـل مباحـي أعزّي الأصحاب من قلب منضـام يا كبر همّك يا القلوب الصحاحـي وأعزي الشعّار من كـلّ الاقـوام في فقد طير ٍ من طيور الفلاحـي عساه بالفردوس في ظل الإسـلام من رحمة الله لا بس ٍ له وشاحي يآرد على حوض النبي خير الأنام مثواه في الجنّه .. وشربه قراحي رحم الله ابوبدر واسكنه فسيح جناته شاعر مواقف ياسداح |
سداح الله إنه يرحم والديك ويكتب لك الأجر على ترحمك لأخيك
الرياحي وإن الله يتجاوز عنه ويسكنه فسيح جناته وإن الله يجبر كسر عياله فيه لا إله إلا الله إنا لله وإنا إليه راجعون |
وعليكم السلام ورحمة الله وبركاته
لله دررررررك ياسداااااااااااااااااااااح ياشاعر المواقف والاحدث والجراااااح ورحمه الله ابو بدر رحمة واسعة وتقبل خالص تحيتي ياستاذي |
ليتني شفتها قبل اكتب شي
لله درك يا دكتور اقسم بالله اني اتومس بك في كل مكان وزمان رحم الله فيصل الرياحي والله ان القلب يتقطع بفقده والعين تدمع الله يبيحه ويغفر له اخووك ! |
صح السانك يابطل والله يرحم الشاعر فيصل الرياحي ويرحم اموات المسلمين
|
| جميع الأوقات بتوقيت GMT +3. الساعة الآن 05:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية