منتديات المرقاب الأدبية - يامنتدى العملاق ودعك عملاق

منتديات المرقاب الأدبية (http://www.montada.mergaab.com/index.php)

- ..: المرقَاب الشّعبي :.. (http://www.montada.mergaab.com/forumdisplay.php?f=58)

- - يامنتدى العملاق ودعك عملاق (http://www.montada.mergaab.com/showthread.php?t=43161)

يامنتدى العملاق ودعك عملاق

هذه قصيده مرثيه في الشاعر الكبير : فيصل الرياحي (رحمه الله)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامنتدى العملاق ودعك عملاق= من دون ميعادٍٍ ومن دون توديع
لابد من بعد التجمّع تفرّاق=ماطايراتٍ الا وهنه مواقيع
ذي سنةٍ فالخلق من عند خلاّق=ربٍ عبيده له سجودٍ رواكيع
مرحوم ياللي لك مع الشعر ميثاق=وصروح وصفوفٍ وقوف ومشاريع
ولحون وطروق ومعاني وعشّاق=وأحساس بالناس ورزانه وتشجيع
واسلوب متميز وتكتيك واخلاق=وأجزال فالشعر وكثافه وتنويع
تخصصك في غبة الشعر الاعماق= تشهدلك العتبان ومطير وسبيع
عبرت بالقلطه وسيعات الافاق=ولك في محاضر غالي النظم توقيع
تقطف من زهور التماثيل مالاق=وتجيك عاصية الشرايد مطاويع
راح الرياحي فالضحى عقب الاشراق =وأمر الولي ماله مردٍ وترجيع
حقه علينا يارفيعين الاذواق=صدق الدعاء من نابضات الخواشيع
لعل قبره روضة زهوروأوراق=من جنةٍ فيها زهور وينابيع
وينجيه من هول المسايل والارهاق=ويثبته ساعة ذهول المراضيع
ويارد على الكوثر بلوذات الارياق=حوض الحبيب اللي لنا منه تشفيع
وعساه يسجد يوم يكشف عن الساق=برضاك يامجري هبوب الذعاذيع [/poem]

صح لسانك

جزله

و عساه للجنة يا رب

كل الود و التقدير

[align=center]الله يرحمه

وصح لسانك

وعتلاشانك

وفيت وكفيت

تقبل اطيب تحيه[/align]

[align=center]محسن فآلح آلدوسري

آلله يرحمه و يسكنه فسيح جنآته

و آلله يجزآك خير و آللي مثل بو بدر يستآهل آلرثآء

صح آلله لسآنك ولا هنت

لك آلموده [/align]

الشاعر القدير والكبير /
محسن بن فالح الدوسري

والله انك قدمت أفضل المرثيات بالفقيد العزيز علينا جميعا

عسى الله يرحم ابو بدر وصح لسانك مدد وبيض الله وجهك ،

..

عز الله انك ابدعت وكتبت

صح الله لسانك بس التنسيق تعبنا وحنا نقراها

الله يرحمه ويسكنه فسيح جناته

الله المستعان

والله العظيم إني حزين لكن راضي بقضاء الله وقدره

الله المستعان يامحسن

جعله في الجنه

رحمه الله رحمة واسعة

واسأل الله ان يلهم ذويه الصبر والسلوان

ورحم الله المسلمين والمسلمات الاحياء من هم والاموات

ورحم الله اخواننا في غزة وفي كافة الامصار المحاصرة

قصيدة جزلة من شاعر جزل

يا مرحبا يا محسن

الله يرحم الشاعر فيصل الرياحي ويسكنه الجنه ويغفر ذنوبه

صح لسانك مدد وسلمت

ارررررحب يابو فالح

اسال الله العلي العضيم

ان يغفر له وان يرحمه

وصح الله لسانك مدد ماهو بعدد

وافي وجزل

تقبل تقدير

[align=right]

الله يرحمه ويتغمد روحه للجنه ..

صح السانك ولاهنت

....... تحيتي /

[/align]

الله يرحمه ويسكنه فسيح جناته

صح لسانك يا محسن

والله يجزاك خير على هالمرثيه الجزله .

..

ويارد على الكوثر بلوذات الاريـاق
حوض الحبيب اللي لنا منه تشفيـع
وعساه يسجد يوم يكشف عن الساق
برضاك يامجري هبـوب الذعاذيـع

اللهم آآآمين .. رحم الله الرياحي وأسكنه فسيح جناته

محسن الدوسري

صح لسانك .. ولا هنت

تحياتي

..

رحم الله فيصل الرياحي

واسكنه فسيح جناته

محسن الدوسري

صح لسانك مدد

قصيده رائعه

تقديري

أخوك

صح لسانك يامحسن

والله يرحم الفقيد ويجعل مثواه الجنااااه

تحيتي لك