ليل الوداااع !!
السلام عليكم ورحمة الله وبركاته
اولا المعذره على الغياب والانقطاع اللي مال امه داعي :) وثانياً هذي مشاركه اقبلوها باللي هي به :) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ليل الوداع العبوس الموحش القمطرير = البارحه دقة الساعه على بدايته جبرني الوقت غصب اوادع اغلا عشير = عشيري اللي في قلبي شيّد بنايته ماهوب ودي لكن وضعي ووضعه خطير = في ايامنا المقبله وايامنا الفايته ياصاحبي هذي الدنيا وهذا المصير = كم عاشقٍ في المحبه ماوصل غايته تعال اباوادعك واْذكر غلانا بخير = ومع السلامه في حفظ الله ورعايته وحظني وقال: هل هذا الوداع الاخير؟ = قلت الله اعلم بوضع الوقت وحكايته قال: الغلا؟ قلت: مالك في حياتي خشير = قال: احلف وقلت بذن الله وبشايته واقفى وانا في مكاني ماقويت المسير = اقاوم العبره اللي في النحر بايته قاومتها مير والله العزيز القدير = ماحزّ في صدري الا منظر قفايته اقفاية اللي غزوه القوم قبل النذير = واقفو بذوده وقفّى ناكسٍ رايته الحب ماهوب خير .. الحب شرٍ شرير = بدايته طيبه مير البلا نهايته !![/poem] |
على الهون !!
(1) :) |
ماهوب على الهون على قولة ابوفيصل
سفط على جنب ياراع الشفر نبا نتأكد من البضاعه ولي عوده |
الحب ماهوب خير .. الحب شرٍ شرير
بدايته طيبـه ميـر البـلا نهايتـه !! الله الله الله خالي حي والله هالطله صـــح لسانك ولاهنت على هالفاتنه التي تحمل الكثير والكثير من الحكم لاتبطي علانا نبي القصيد اللي يشفي الكبود صوره مع التحيه لعمي عبد الرحمن ورحيم الغنامي |
ابن قنيص
صح لسانك على هالرائعة اللي تشفي غليلنا من انقطاعك |
الحب ماهوب خير .. الحب شرٍ شرير
بدايته طيبـه ميـر البـلا نهايتـه !! الله الله الله الله الله ياابا صالح الاعجاب مفروغ منه والشهاده مجروحه صح لسانك من هنا الى الاحساء سلام ياصاحبي :) |
:
أبو صالح صح الله لسانك الشهادة يقطر دمها :) اعجابي ومتابعتي |
ممكن انتكلم بدون مجامله بحكم العداوه اللي بيني وبينك :(
عبدالله بن قنيص (شاعر ) ارى في قصيده الابداع والسلاسه وهذه الفاتنه يعلم الله انها قصيده من اروع الوجدانيات اللتي سمعتها . ومبطي ماسمعت مثلها وهذا يدل على ان الكورس اللي اخذته فالرياض جاب نتيجه ونمَى لديك الوجدانيات :) صح لسانك مدد بلا عدد وتقبل مروي المتواضع لاسيما وانت تخبر الظروف |
اقتباس:
الله الله الله اي والله البلا نهايته صح لسانك والله لايضرك يابن قنيص ولاعاد تبطي وانا اخوك |
[align=center]ياصاحبي هذي الدنيا وهـذا المصيـر
كم عاشقٍ في المحبه ماوصـل غايتـه تعال اباوادعك واْذكـر غلانـا بخيـر ومع السلامه في حفـظ الله ورعايتـه الرائع \ عبدالله بن قنيص صح لسانك مدد بلا عدد دمت متميز[/align] |
حمدالله على السلامه يابن قنيص
وصح لسانك مليوون غيمار |
حي هالراس يابن قنيص :)
الحب ماهوب خير .. الحب شرٍ شرير بدايته طيبـه ميـر البـلا نهايتـه !! هذا البلا الصحيح , بارك الله فالساعه اللي جابتك يابو صالح وعزّالله ماتغيب الا تجيب :) , الاعجاب مفروغ منْه وصح لساااانك مليون × مليون |
ابن قنيص
صح لسانك على هالرائعة اللي تشفي غليلنا من انقطاعك |
القدير / عبدالله
صح لسااااانك مدد نص جميل وحضور أجمل مودتي لك ..... |
ياصاحبي هذي الدنيا وهـذا المصيـر
كم عاشقٍ في المحبه ماوصـل غايتـه بيت معبّر ..بمعنى جميل .. ومن الذي وصل بعشقه غايته .. أو حقق مراده..؟؟ عبدالله بن قنيص صح لسانك .. ولا هنت تحياتي .. |
يخرب بيت إبليسك :)
لي عودة يامقررم |
الشهاده في شاعريتك .. خالصين منها من زمان يابو صالح
لكن اقسم لك بالله ان القصيده هذي أثرت فيني بشكل كبير بــ حزنها واحساسها وعذوبتها لله درك .. كثر ما تضغط على جرح غيرك بقوه :( اخوووك ! |
الحب ماهوب خير .. الحب شرٍ شرير
بدايته طيبـه ميـر البـلا نهايتـه !! ايو الله البلا نهايته .. !! على قول ابو نجد ( لله درك .. كثر ما تضغط على جرح غيرك بقوه :( ) صح لسانك يابو صالح وياحي هالقصيد ايو الله لاعاد تبطي علينا وانا اخوك سلمت وسلم فكرك سلامي وتحياتي .. |
ياسلام
ياسلام إبداع يا إبن قنيص ولاهو عريب عليك كرّر إعجابي وصح لسانك مدد بلا عدد تحيّاتي لك |
عليكم السلام ورحمة الله وبركاته
مرحبا ومسهلا يا بو صالح ومنوّر المرقاب يا شيخ وش اقول و وش اخلي والله انها تلامس وتنفض حتى اللي قلبه حجر كلها عذوبه وابداع صح لسانك عدد حروفها ولا عاد تغيب ،، .. |
:
: ماني مصدق .. !! معقووووووووول .. عبدالله بن قنيص .. ؟؟ <-- يفرك عيونة .. !! لي عودة بعد الفركة .. !! :) |
:
: العاشق (( الأسمر )) .. أبن قنيص .. او (( عندليب )) الأحساء وضواحيها .. !! يبدو أن القصيدة كشفت (( مبرر )) الغياب .. !! لم أكن أتوقع أن أحساسك مرهف الى هذا الحد .. كنت أتصورك (( جلف )) لكنك .. طلع عكس توقعي .. الحب ماهوب خير .. الحب شرٍ شرير بدايته طيبـه ميـر البـلا نهايتـه !! الحب (( دوامة )) يدوخ فيها اللي (( يركز )) أكثر .. !! وأنت ركّزت .. أكثر .. فكان شراً عليك .. !! واحررررررررري عنك حرررررررراه .. ياصديقي .. !! تدري أجعل (( عزاء )) هذه التجربة المتعبة .. أننا فزنا بهذا النص الصادق .. !! صح بيانك .. !! صح بيانك .. !! صح بيانك .. !! ياصديقي .. !! :) |
| جميع الأوقات بتوقيت GMT +3. الساعة الآن 02:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية