طائره عملاقه !
 

السلام عليكم ورحمة الله وبركاته


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله الله يا بُعد مسراي عن مسراحي=والذلول اللي عليها وسمي عْمانيّه
أتفكّر وأتذكّر طيري وملواحي=يوم أغنّي بالبيوت اللي مهي عاديّه
جفت أقلام القصيد ورفعت الالواحي=واختلف معناي بين الكيف والكميّه
قد لي أسبوعين لا مجنونٍ ولا صاحي=صابني دعوة كريمٍ نار جوده حيّه
احترق مارد هجوسي واحترق مصباحي=وصرت فالطابور لا هذي ولا هذيّه
عقب مانيب أصخر أبياتي وأنا مرتاحي=قدح من راسي ما عندي خلطةٍ سريّه
ماستعنت الا بمن علّا يدي وجناحي=لين صرت أسبح مع المجموعه الشمسيّه
يالله اخلفني بخير ومكسبٍ وأرباحي=واكفني فالناس , وأقنعني بما في يديّه
الشعر بحرٍ طهومٍ يغرق السبّاحي=كم غريقٍ تحت موجه قصته منسيّه
دارت الدنيا وياما جاء وياما راحي=والعرب في دربها خيّاله ورجليّه
إيه يا لبيه يالفكر النبيه الصاحي=يتباهى ويتزاهى يوم محد ٍ زيّه
والله إني لأجل فني محتزم بسلاحي=السعاده فالتعب والصيد فالمحميّه
يجذب فوادي رفيف البرق لا من لاحي=مثل ماتجذبني أنسام الهوى عصريّه
وشرهتي ماهي على فرّة يدي مسباحي=شرهتي على جزيل هجوسي العفويّه
مره اغني برمزيه وسهل إيضاحي=ومره أغني وضوح ٍ صرْف في رمزيّه
هكذا دفع الأذى في مشرط الجراحي=أول علاجه عفو وآخر علاجه كيّه
خل فعل الخير لأجل الغير والإصلاحي=حاجة لله وطيب الأجر طيب النيّه
والله إني كل ماهبّت عليّ رْياحي=اعلم إنْ شرّي على نفسي وخيري ليّه
أول الإنسان فرحه وآخرته نْياحي=وبين ميلاده وموته صفحة مطويّه
اسمحولي والقريحه زندها قدّاحي=ودي أقرّر وأمرّر خطةٍ رسميّه
اجتمعنا والهدف لن طاح وإن ما طاحي=يكفي انّا لا اجتمعنا خطوه ايجابيّه
طائرة عملاقه وكبتن وكمّ ملاحي=وحجز ما فيه انتظار ورحلةٍ دوليّه
درجه أولى وأفق وضيافةٍ وسياحي=والمضيف يوجه الراكب على كرسيّه
صَمموا تمثال للحريّة ولا انزاحي=يا سلام الله على التمثال والحريّه
واعقلوني واتركوني في حزم بَرَاحي=الكلبشه في يدي والقيد في رجليّه
ياخويي روح دوّر طيري وملواحي=وعلّم ان الحال لا زالت على ماهيّه
وخلني مانيب لا مجنونٍ ولا صاحي=يكفي إن الله مقْنعْني بما فيديّه
جمّل الله حالي وفالي وزاد أفراحي=يوم أغني بالبيوت اللي مثل هذيّه[/poem]

اتشرف بالحجز الأول

المسري



مضمون استهلال القصيده .. ما يشعر فيه الا انت الظاهر
انا والله من عرفتك وانا اشوف العكس :)


قصيدة شاعر متمكن ويغرف من بحر .. من مبطي
وانا يا واحد اضرم على كل حرف يقوله .. وشهودها على عضودها



فيها تغليف محكم .. ولا اقول الا
لله درك .. وكفى !






اخوك :)

المبدع الجميل ( المسرّي )


يسعد مساك وحياك ربي


الله الله يابُعد مسـراي عـن مسراحـي
والذلول اللي عليهـا وسمـي عْمانيّـه

أتفكّـر وأتذكّـر طيـري وملـواحـي
يوم أغنّي بالبيوت اللـي مهـي عاديّـه


كل متذوقي الشعر يتفقون على ان الاستهلال له دور كبير في طبع الرأي الاول والسريع حول النص .. وهذا الاستهلال الغير عادي يدفعنا لمواصلة المتابعه ويضع اللبنة الاولى لتسجيل الاعجاب الصريح هنا


اكملت الاسترسال لتأخذنا من مرحله لمرحله بمرونه واتقان

مره اغني برمزيـه وسهـل إيضاحـي
ومره أغني وضوح ٍ صرْف في رمزيّه

هنا جمعت المرتين في مره واحده
نص مليء من كل الجوانب وفيه الايضاح السهل والرمزية المحببه


هذه القصيدة فعلا ( طائرة عملاقه ) فهي محلقه وبإبداع مترامي الاطراف


من افضل واجمل القصائد بحق
لله درك يا مبدع ، وصح لسانك بلا عدد ،،


..

الله الله

صح لسانك

ولاهنت يالمسري

طائرة عملاقه وكبتـن وكـمّ ملاحـي
وحجز ما فيه انتظـار ورحلـةٍ دوليّـه
درجه أولى وأفق وضيافـةٍ وسياحـي
والمضيف يوجه الراكب على كرسيّـه
صَمموا تمثـال للحريّـة ولا انزاحـي
يا سـلام الله علـى التمثـال والحريّـه
واعقلوني واتركوني في حزم بَرَاحـي
الكلبشه في يدي والقيـد فـي رجليّـه





يا سلاااااااااااااام يالمســــــري ...


شاعر رائع وجميل

وقصيدة محكمة البناء

عملاقه انشهد


صح لسانك عدد حروفها يا مبدع



تحياتي لك



..

لله درك


شاعر تكتب بحرفنه عاليه !


صح لسانك

عملاقه وشاعرها عملاق

المسري شاعر علم ومتمكن

الف صح لسااانك على هذه الابياات اللتي تحتااج الى فكر ليعرف ماهي

وشكرا لانك شااعر متمكن جدااا

احترق مارد هجوسي واحترق مصباحي
وصرت فالطابور لا هـذي ولا هذيّـه


:)


ما علمتك بعد الاجازه كل شي يبي يتحسن :)



مبدع وجزل وما فيها شك


شاعر يجبرنا على المتابعه



لك كل الود والمتابعه المستمره



واحييك على العنوان :)

جمّل الله حالي وفالـي وزاد أفراحـي
يوم أغني بالبيـوت اللـي مثـل هذيّـه


ايو الله مجمّل والله يزود افراحك يوم تغني مثل هالبيوت

مبدع يالمسرّي ولاش جديد

صح لسانك وسلم فكركـ

سلامي عليك وعلى هالابداااع ,,

..

ماشاءلله الله لايهينك وصح الله اللسانك

ياسلام ياسلام ياسلام

والله إنها تقطر جزاله وحبك وسبك ما شاء الله تبارك الرحمن

لله درّك يالمسرّي والله لا يضرّك والإعجاب مسلوب كلياً منذ مبطي

لكن صح لسانك على كل حرف فـ الشامخه هذي وسلامي الوافر عليك :)

,


والله إنك مسّري يالمسري :)

ودايم أقولها كل ماقريت جديدك .. صح لسانك ولله درك ..

تحياتي

المسري

صح السانك مدد بلا عدد

نص جزل من جزل

لك فائق ودي وتقديري

جمّل الله حالي وفالـي وزاد أفراحـي
يوم أغني بالبيـوت اللـي مثـل هذيّـه



اي والله تجملت وهذي عادتك


المسري

الله لايضرك وصح لسانك الى رضاك



سلامي عليك

[align=center]الرائع \ المسري

صح لسانك مدد بلا عدد

دمت متميز[/align]

المسرّي

بيّض الله وجهك على

هذه المشاعر النبيله والمعبره

صح لسانك واعتلا شانك ولاهنت

رائع ومبدع في كل حضور ومناسبه


:)