ياشينها لاصرت شاعر ومغمور=والعين يمك ترتقب قول وافعال
 

.
.


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياكيف حالك بعد ماعدت اشهور=ياهل ترى عندك طموحات وآمال
قد قلت لك اكتب ولو بيت مكسور=لن الكسر ياقف مواقيف الابطال
معذور يانبع الجزيلات معذور=واللي حشم حاله فلا ضره الحال
واليوم غزه بس ماشفت لك دور=مع ان طول الوقت راحل ونزال
هذي قضيه والقضا هجس مجبور=والجبر ماودك يساومه رجال
عدّي على كيفي ولو قلت مغرور=الله يجازي من يحبون الاموال
ياشينها لاصرت شاعر ومغمور=والعين يمك ترتقب قول وافعال
لو انها بيدي ياذالحرب لتثور=لني فصخت من الحيا بشت واعقال
اراقب الساحه ولا سامعٍ شور=هذاك يكتبني وهذاك دجال
الا متى والناس في مكبس النور=واعقولهم تندس من حذفة انعال
حال العرب لو كنت بالحال دكتور=اتعس من اللي قام حظه ولا نال
ياحايك القصه من اوشاح مبتور=غنت لك الدنيا على اوه يامال
صرت الرجا لو الرجا منك محذور=تدعي وترقص عبر موجات الارسال
مقهور..لا والله مانيب مقهور=غير الجمل ابشرك عشرة اجمال
سويت من دنيا المصافيط دستور=ماطب سوق الا وانا فيه جمّال[/poem]

.
.
.

فلاح

صح لسانك مدد يافلاح

ابدعت وكفيت ووفيت

والله يعدل الاحوال وانا اخوك

تحيتي وتقديري

اراقب الساحـه ولا سامـعٍ شـور
هـذاك يكتبنـي وهـذاك دجــال



صح لسانك يافلاح وبالتوفيق


والله ينصر الاسلام والمسلمين

الله يصح لسانك يالعجمي

ولاهنت على هالجزله

لك التقدير طال عمرك’,,

القدير / فلاح


صح لساااانك حتى ترضى


نص رااائع وحضور أروع


مودتي لك ....

ياشينها لاصرت شاعـر ومغمـور
والعين يمك ترتقب قـول وافعـال

فلاح

صح بدنك


:)